EUPFk aukera ematen die enpresei NBEren hornitzaile bihurtzeko
Nazioartekotzeko Euskal Agentziak EB-Nazio Batuen Erosketa Foroan parte hartzeko gonbita egin die euskal enpresei.
Apirilaren 1 eta 2an EUPF – European Procurement Forum ekitaldiaren 16. edizioa egingo da New Yorken, zeinaren helburua baita Europar Batasuneko enpresa-sareari negozioak egiten laguntzea Nazio Batuetako organismoekin. SPRI taldean integratutako Basque Trade & Investment – Nazioartekotzeko Euskal Agentziak euskal enpresak animatu nahi ditu foro horretan parte hartzera, aukera paregabea baita NBEren ondasun eta zerbitzu hornitzaile bihurtzeko.
Deialdia zabalik egongo da otsailaren 28ra arte European Procurement Forum-en atarian. Ekitaldian izango da Jurdana Izaguirre, Basque Trade & Investment USA bulegoko zuzendaria, eta NBko adituen hitzaldiak eskainiko dira hainbat gairi buruz: logistika eta garraioa, hondakinen kudeaketa eta energia sorkuntza, IKTak eta zibersegurtasuna, eraikuntza, ingeniaritza, saneamendua eta ur arazketa. Bi egun horietan, hautatutako konpainiek bakarkako bilerak egin ahal izango dituzte NBEko hainbat organismorekin, besteak beste, UNICEF, UNPD, UNOPS eta Munduko Bankuarekin.
ICEXek New Yorken duen Bulego Ekonomiko eta Komertzialak jarduera osagarriak antolatuko ditu Estatutik parte hartzen duten enpresentzat, foroak eskaintzen dituen aukerak aprobetxatzeko. Gainera, erregistratzen diren konpainiek hiru webinar egin ahal izango dituzte ekitaldiaren aurretik, gehiago jakiteko NBEren lizitazioei buruz. Deialdiaren helburu nagusia da Nazio Batuetako agentzia desberdinek eskaintzen dituzten kontratazio-aukeren berri ematea euskal enpresei.
2017an, NBen kontratazio merkatua 18,6 milioi dolarrekoa izan zen guztira, aurreko urtean baino %5 handiagoa. Espainiako 748 enpresak 87,8 milioi dolarreko kontratuak eskuratu zituzten, guztizkoaren %0,53. NBEren hornitzaileen herrialdekako zerrendan Espainia urrun dago Frantzia edo Italia bezalako herrialdeetatik, zeintzuek %3,7 eta %1,8ko merkatu-kuotak baitituzte, hurrenez hurren. Espainiako enpresek sektore hauetan lortu zuten bolumen handiena 2017an: Ingeniaritza, Ikerketa eta Zerbitzu Teknologikoak, Elikagaiak eta Edariak, eta Garraioa eta Biltegiratzea.
Basque Trade & Investments – Nazioartekotzeko Euskal Agentziak deialdi bat luzatu die NBEko antolakundeekin harremanak egin nahi dituzten euskal enpresa guztiei, ez diezaioten ihes egiten utzi aukera honi. Deialdi hau -non SPRI Taldeak parte hartzen duen- ICEX España Exportación e Inversiones agentziak bultzatu du New Yorken duen Bulego Ekonomiko eta Komertzialaren bitartez eta EXTENDAren laguntzarekin.
Lotutako albisteak
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.