Europako Batzordeak 122 milioi euroko laguntza bat abiarazi du Covid-19ari buruzko presazko ikerketarako
Eskaerak aurkezteko epea ekainaren 11n bukatuko da, eta helburua da emaitza azkarrak lortzea
Europako Batzordeak 122 milioi euro gehiago mobilizatu ditu Horizontea 2020-Ikerketa eta berrikuntzako programaren barruan, Covid-19ari buruzko presazko ikerketara bideratzeko.
Laguntza horrek bat egin du maiatzaren 4an Ursula von der Leyen presidenteak koronabirusaren krisiari aurre egiteko abiarazitako mundu mailako ekimenerako Batzordeak hartutako 1.400 milioi euroko konpromisoarekin.
122 milioi hauek jasoko dituzten proiektuek xedetzat izango dute fabrikazioa berrorientatzea koronabirusaren detekzio, tratamendu eta prebentziorako beharrezkoak diren hornidura eta ekipo medikoak azkar produzitzeko, eta teknologia medikoak eta tresna digitalak garatzea pazienteen diagnostikoa, jarraipena eta zaintza hobetzeko. Ikerketa berriak Europa osoko paziente-multzo handietatik lortutako informazioan oinarrituko dira; hala, hobeto ulertzen baditugu koronabirusaren epidemiak eragindako portaerak eta ondorio sozio-ekonomikoak, seguruenik hobetu egingo ditugu tratamendurako eta prebentziorako estrategiak.
Eskaerak aurkezteko epea ekainaren 11n bukatuko da, eta helburua da emaitza azkarrak lortzea. Koronabirusaren krisiari erantzun global bat emateko printzipioei jarraiki, Europako Batzordeak adierazi du konponbide berriek eskuragarri egon behar dutela denentzat eta arrazoizko prezioan. Horretarako, Batzordeak datu-truke azkarrerako klausulak sartuko ditu deialdi honetako dirulaguntza hitzarmenetan, horrela bermatzeko aurkikuntza eta emaitzak berehala aplikatu ahal izango direla.
Laguntza hauek bost eremu zehatzetara zuzenduta daude: oinarrizko hornidura eta ekipo medikoen fabrikazioaren berrorientazioa (23 milioi euroko aurrekontua); teknologia medikoak, tresna digitalak eta adimen artifizialaren bidezko analisiak, heldutasun teknologiko handiko zaintza eta jarraipena hobetzeko (56 milioi); agerraldiari emandako erantzunen ondorio sozialak, ekonomikoak eta portaerazkoak (20 milioi); Covid-19 kohorte paneuroparrak (20 milioi) eta, azkenik, Europako eta nazioarteko paziente-talde handiei buruzko ikerketen arteko lankidetza, baldin eta pertinenteak badira koronabirusaren aurkako borrokan (3 milioi euro).
Lotutako albisteak
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
Euskal sektore aeroespazialak loturak estutu ditu Estatu Batuetako industriarekin
Euskadiko enpresa eta zentro teknologikoen ordezkaritza batek Estatu Batuak bisitatu ditu sektorearen egungo egoera ezagutu eta herrialdeko eragile estrategikoekin harreman berriak finkatzeko
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen