Europar Batasunak Errusiaren aurkako zigorrak areagotu ditu, energia, industria eta finantza arloetako murrizketekin
Europar Batasuneko (EB) Kontseiluak Errusiaren aurkako zigor-multzo berri bat adostu du, Ukrainaren aurka mantentzen duen etengabeko gerrari erantzunez. Hamaseigarren zigor-sorta hau aste honetan onartu dute EBko enbaxadoreek Estatu kideetako Gobernuen Ordezkari Iraunkorren Batzordearen (COREPER) bileran, Moskuk Ukraina inbaditu izanaren hirugarren urteurrenean.
EBren zehapen-sorta berriak murrizketa berriak sartu ditu energia, industria eta finantza arloetan. Hartara, nabarmentzekoa da Erresiako aluminioaren inportazioari ezarritako debekua, Greziak azken unean azaldutako eragozpenen gainetik.
Ildo horretan, Europako Batzordeak murriztuta zeukan aurreko zigor-paketeetan metaletik eratorritako Errusiako produktuen sarrera, eta oraingo honetan, debekua aluminio primarioari zabaltzea erabaki du EBk Errusiako baliabideekiko duen mendekotasuna murrizteko eta Moskuren finantziazio-iturriak mugatzeko.
Energia sektoreari dagokionez, EBk murrizketa gehigarriak ezarri dizkio Errusiako “flota fantasma” deiturikoari, beste 73 ontzi gehituz zigortutako ontzien zerrendari. Esamoldea Mendebaldeko uretan asegururik gabe eta iruzurrez jardutearen susmopean nabigatzen duten ontziei dagokie, Errusia horiexez baliatzen baita zigorrak saihesteko, bereziki energiaren arloan.
Era berean, Errusiako petrolio eta gas findegiei zerbitzuak ematea debekatu da. Hala ere, zigor-sortan ez da jaso Errusiako gas natural likidotuaren (GNL) erabateko debekua, zenbait herrialdek Europako Batzordeari murrizketa hori sartzeko eskatu arren. Neurri hori hartzeari uko egin izana, neurri handi batean, Donald Trump AEBko presidentearen administrazioarekin egiten ari diren merkataritza arloko negoziazioei lotuta dago, izan ere, EBk Estatu Batuetako GNL gehiagoa erostea ekar lezake.
Industria eremuaren kasuan, Errusiako aluminioaren inportazioak debekatzea erabaki da, nahiz eta Greziak azken orduan kezka handiak agertu dituen. Aurreko paketeetan metaletik eratorritako Errusiako produktuak blokeatuta zeuden, eta Europako Batzordearen zigor-multzo berri honetan, aluminio primarioa debekatzea ere proposatu da. Horrekin batera, debekatuta dago produktu kimikoak, kromoa eta doitasunezko makina eta erremintetan erabiltzen diren bestelako produktuak esportatzea.
Paketean finantza sektoreari zuzendutako neurriak ere jaso dira. Adibidez, Errusiako portu eta aireportuekiko transakzioen debekua areagotu da, Moskuk Errusiako petrolioaren prezioaren gainean ezarritako murrizketak saihesteko aukera izan ez dezan. Gainera, 13 banku eta bestelako finantza-erakunde SWIFT nazioarteko ordainketa-sistematik deskonektatu dira. Horen harira, EBk zehatutako pertsona eta erakundeen zerrenda luzatu du, beste 48 gizabanako eta 35 erakunde gehituz. Zigor horiek Europako lurraldean dauzkaten aktiboak izoztu eta EBko herrialdeetarako sarrera debekatzea dakarte.
Azkenik, neurri iragankor bezala, egokitzapen-aldia ezarri dute inportazio jakin batzuetan, sarrera-kopuru mugatua baimenduz erabateko debekua oso-osorik indarrean sartu baino lehen.
Lotutako albisteak
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.