Euskadik eta Txinak merkataritza-harremanak indartu dituzte Yao Jing Enbaxadorearen bisitarekin
Txinako enpresen ordezkaritza batek, Yao Jing Txinako Herri Errepublikako Enbaxadorea buru, Euskadi bisitatu du aste honetan, Kanpo Harremanetarako eta Euskadi Globaleko Idazkaritzak SPRI Taldeari atxikitako Basque Trade & Investment (BasqueTrade) euskal enpresak nazioartekotzeko agentziarekin batera antolatutako topaketa estrategiko batean parte hartzeko. Jardunaldiak Txinako sektore estrategiko desberdinetako enpresen ordezkariak, Euskadiko kluster nagusiak eta Eusko Jaurlaritzako agintariak bildu ditu.
Bi lurraldeetako enpresen arteko elkarrizketa sustatu eta lankidetza-aukera berriak esploratzea izan da topaketaren helburu nagusia. Ildo horretan, bileran hainbat sektoretako ordezkariek parte hartu dute: energia berriztagarriak, automobilgintza, 4.0 industria, biozientzia eta osasuna, azpiegiturak eta garraioa, eta teknologia eta digitalizazioa.
Jardunaldian, bi aldeen intereseko gaiak jorratu dituzte, hala nola lankidetza ekonomiko eta komertziala, inbertsiorako aukerak, Euskadik Europako hub industrial eta teknologikotzat duen potentziala, eta alde biko esportazio eta inportazioen egungo egoera. Era berean, ekimenak enpresa parte-hartzaileen arteko kontaktu-trukea errazteko eta enpresa-harremanak ezartzeko gune egokia eskaini du.
Txinako Herri Errepublikako Enbaxadoreak honelako topaketen garrantzia nabarmendu du Euskadi eta Txinaren arteko harremanetan aurrera egiteko, Txinako enpresek euskal enpresa-ekosistemarekin loturak ezartzeko duten interesa azpimarratuz. Bestalde, euskal agintariek beren-beregi nabarmendu dute Euskadik enpresen inbertsio eta nazioartekotzerako duen erakargarritasuna, klusterrek garapen ekonomikoan duten eginkizuna agerian utziz.
Topaketa balantze positiboarekin amaitu da, izan ere, lankidetza-arloak identifikatu eta bi aldeek inbertsio-aukera berriak esploratzen jarraitzeko konpromisoa hartu dute. Ekitaldi hau negozioak maila globalean garatzen lagundu eta Txinakoa bezalako merkatuetan euskal enpresa-sarearen lehiakortasuna indartzea helburu duen Euskadiren nazioartekotze-estrategiaren barruan antolatu da.
Lotutako albisteak
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.
Euskadik osasun arloko berrikuntzan duen posizioa indartu du Alemaniako MedtecSUMMIT 2025 delakoan
Basque Trade & Investmenten ordezkaritza batek Basque Health Clusterraren ordezkariekin batera parte hartu zuen ekitaldian, Bavariako erakunde estrategikoekiko harremanak estutzeko eta lankidetzarako arloak jorratzeko, medikuntza arloko gailuei aplikatutako adimen artifiziala eta osasun digitala kasu
Euskal sektore aeroespazialak loturak estutu ditu Estatu Batuetako industriarekin
Euskadiko enpresa eta zentro teknologikoen ordezkaritza batek Estatu Batuak bisitatu ditu sektore aeroespazialaren egungo egoera ezagutu eta herrialdeko eragile estrategikoekin harreman berriak finkatzeko.