Virginiako Estatua eta Euskadi aurrera doaz energia-sektoreko euskal enpresen intereserako akordioetan
Joan den azaroaren 9an Ralph Northam izan zen Euskadin. “Commonwealth of Virginia”-ko Gobernatzailea Ipar Amerikako ordezkaritza batek lagunduta etorri zen, hauen artean Estatuko bi Idazkari eta bere Gabinete Burua zeudelarik. Eusko Jaurlaritzako Industriako kontseilari ordeak egin zien arreta, Mikel Amundarainek, Basque Trade & Investment-en (SPRI Taldearen Nazioartekotzerako Euskal Agentzia) zuzendaria den Ainhoa Ondarzabalekin batera.
Harrera honekin batera, zortzi euskal enpresak Ipar Amerikako ordezkaritzarekin bilera bat izateko aukera izan zuten. Egiten dituzten hainbat ekintza, ezarpenak, proiektuak eta Estatu Batuetan eta bereziki Washington D.C. ondoan dagoen ipar-ekialdeko kostan kokatutako Virginiako Estatuan izan daitezkeen etorkizunerako erronkak azaldu ahal izan zituzten.
Bere partetik, gobernariak bere lurraldeko inbertsio-aukerak aurkeztu zituen eta Estatu Batuetako azken hauteskundeen aukeratutako administrazio berriak proiektuokin jarraituko zuela ziurtatu zuen.
Honako euskal enpresek parte hartu zuten: Iberdrola, SGRE, Haizea Wind, Sener, Idom, CAF, Grupo Mondragon eta Grupo CIE.
Euskadi-Virginia akordioak bere lehenengo fruituak jaso ditu
Lehenago, aurtengo abuztuaren 24an, Euskadik eta Virginiak konpromezu bat sinatu zuten Estatu horretako energia berriztagarriko proiektuetan euskal enpresak sartzea errazteko: eolikoa, fotoboltaikoa, sare adimendunak eta kudeaketa energetikoa, hidrogenoa eta bilketa.
‘Commonwealth of Virginia’ deitutakoan, joan den urtean ‘Costal Virginia Offshore Wind Project’ zabaldu zen: offshore parke eolikoa da, Estatu Batuetako handiena izango dena. Honez gain, Virginia eta North Carolinako kostan bultzatu beharreko beste proiektu bat ere aurkeztu zen, 2024an zehar garatzen hasiko dena.
Euskadik abantaila du esparru honetan, sektorean lider diren enpresak eta proiektuaren ziklo osoa euren esku hartzen duten enpresak baititu; hasierako faseetatik – diseinua eta plangintza, instalazioa eta martxan jartzea, eta ‘end-to-end’ azpiegitura integralak. Ez da harritzekoa euskal offshore industria eolikoa gaur egun Europan erreferente izatea.
Lotutako albisteak
Araniak hazkundea bizkortu du berrikuntzaren, iraunkortasunaren eta eraldaketa digitalaren bidez
Konpainiak Ipar Amerikan duen presentzia sendotu eta merkatu estrategikoetan lidergoa berretsi du
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Euskadik Alemanian duen posizioa indartu du, Bavaria nazioartekotzeko kanpamentu nagusitzat hartuta
Bavaria kanpamentu nagusirik egokiena da Alemanian euskal enpresentzat, hango enpresa-ekosistema dinamikorako sarbidea eta lankidetza-aukera estrategikoak lantzeko aukera eskaintzen dizkien heinean
Euskadik eta Txinako Jinan hiriak automobilgintza, manufaktura aurreratua eta energia berrien arloetako lankidetza sendotu dute
Memorandum of Understanding (Elkar Ulertzeko Memoranduma-EUM) hitzarmena sinatu dute Industriako sailburuorde Andoitz Kortak eta Jinan hiriko Udal Herri Gobernuko alkateordeak, Xie Kun jaunak
Kelias, sei hamarkada errepideen eta hirien seinaleztapen egokia, segurua eta jasangarria egiten
Enpresak administrazio publiko nazionalekin lan egiten du, hala nola udalekin eta eskualdeko gobernuekin, eta Suitzako eta Txileko bezeroak izan ditu.