Euskadik Alemanian duen posizioa indartu du, Bavaria nazioartekotzeko kanpamentu nagusitzat hartuta
SPRI Taldean sartuta dagoen Basque Trade & Investment (BasqueTrade) euskal enpresa nazioartekotzeko agentziaren ordezkaritza batek bisita estrategikoa egin du Bavariara, lotura instituzionalak sendotzeko, enpresa-lankidetzarako aukera berriak esploratzeko eta Europan baterako ikuspegia finkatzeko.
Nagore Bonilla zuzendari nagusi berria buru, misioak Bavariako ekonomiaren giltzarrizko eragileekiko lankidetza sendotzea izan du helburu, izan ere, merkatu honek, Euskadik bezalaxe, industria-oinarri sendoa du, baita berrikuntzaren aldeko apustua eta nortasun propioa ere.
Testuinguru honetan, Bavaria kanpamentu nagusirik egokiena da Alemanian euskal enpresentzat, hango enpresa-ekosistema dinamikorako sarbidea eta lankidetza-aukera estrategikoak lantzeko aukera eskaintzen dizkien heinean.
Aliantza estrategikoak eta lankidetza instituzionala
Misioaren agenda hasteko, ordezkaritzak arlo instituzionalean zein enpresa-eremuan funtsezkoak diren bi bilera egin zituen. Lehendabizi, topaketa antolatu zen Christian Weber Bayern Internationaleko zuzendari nagusiarekin eta Ulrike Hoffmann Invest in Bavaria erakundeko zuzendari exekutiboarekin. Bileran, euskal enpresei Alemaniako merkatuan sartzea erraztuko dieten aukera zehatzak identifikatu ziren, Bavaria bazkide estrategikotzat eta negozio berrietarako sarbidetzat posizionatuz. Bi eskualdeetako industria-ekosistemen arteko sinergiak sustatzeko aukerari ere heldu zioten.
Jarraian, ordezkaritza Markus Wittmann Bavariako Nazioarteko Harreman Ekonomiko eta Inbertsioen zuzendariarekin eta Martin Grossmann Ministerioko aholkulari eta Europa eta Azoketako Dibisioko buruarekin bildu zen. Elkarrizketek lankidetza instituzionala eta Europako posizionamendu estrategikoa izan zituzten ardatz, eta arreta berezia eman zioten industria eta teknologia arloetako politikak lerrokatzeari, lehiakortasuna batera hobetzeko eta Europako agendan eragina izan dezaketen ekimenetan lan egiteko.
Basque Trade & Investmentek Alemanian duen egoitzan, ordezkaritzak topaketa izan zuen Matthias Konrad Bayern Innovativeko Berrikuntza eta Digitalizazio Sareen zuzendariarekin eta Ulla Uebler Nazioartekotze arloko arduradunarekin. Bayern Innovativ bazkide estrategikotzat nabarmendu zen, Bavariako industria, zientzia eta administrazio publikoa lotzeko egin duen lanagatik. Bilera honi esker, balizko sinergiak esploratu ahal izan zituzten industria-berrikuntzan, digitalizazioan eta Europako I+G programetarako sarbidean.
Jardunaldiaren amaieran, beste topaketa bat antolatu zen Wolfram Winter Three Winters Studioko CEO eta Macromedia University of Applied Sciences-eko irakaslearekin, euskal industriaren komunikazio estrategikoan zein nazioarteko sustapenean lankidetzan jarduteko aukerak jorratuz.
Berrikuntza eta ekintzailetza-ekosistema: lankidetza-aukera berriak
Bigarren eguna hasteko, Europako ekintzailetza eta startupen azelerazio gunerik handienera bihurtu den UnternehmerTUM delakoa bisitatu zuten. Topaketan, Itziar Ayerbek Municheko berrikuntza-ekosistemako ekimenik nabarmenenak aurkeztu zituen, startupen eta industriaren arteko transferentzia teknologiko eta lankidetzarako ereduei arreta berezia emanez. Euskadik eta Bavariak ikuspegi partekatua dute digitalizazioak eta adimen artifizialak industriaren eraldaketan izango duten garrantziari buruz, eta honek aukera berriak ireki ditu arlo honetan baterako ekimenak garatu ahal izateko.
Misioari amaiera emateko, ordezkaritzak topaketa antolatu zuen Alemanian finkatuta dauden euskal enpresekin, baita euskal enpresa-komunitatea Alemaniako merkatuan indartu eta negozio-aukera berriak sortzea xede zuen esperientziak trukatzeko eta networkinga lantzeko gune bat ere.
Europa mailako baterako estrategia baterantz
Misio honekin, aurrerapauso sendoa eman da Euskadi eta Bavariaren arteko aldebiko harreman estuagoa eraikitzeko, giltzarrizko sektoren arabera egituratutako lankidetza eta Europako foroetarako koordinazio handiagoa oinarritzat hartuta.
Bi eskualdeen lehiakortasuna indartuko duten industria eta berrikuntza arloetako politiken garapenean elkarrekin lan egitea da borondate partekatua. Eraldaketa globalaren egungo testuinguruan, Euskadik eta Bavariak giltzarrizko eragileak izan nahi dute Europako industria-estrategiaren definizioan, digitalizazioari, mugikortasun jasangarriari eta trantsizio energetikoari dagozkien funtsezko erabakietan eraginez.
Agenda honen bitartez, Basque Trade & Investmentek euskal enpresak nazioartekotu eta Euskadi Bavariako industria eta berrikuntza ekosistemako bazkide estrategikotzat sendotzearen aldeko konpromisoa indartu du, Bavaria Alemaniako kanpamentu nagusitzat gisa hartuta
Lotutako albisteak
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.
Euskadik eta Txinak merkataritza-harremanak indartu dituzte Yao Jing Enbaxadorearen bisitarekin
Jardunaldiak Txinako sektore estrategiko desberdinetako enpresen ordezkariak, Euskadiko kluster nagusiak eta Eusko Jaurlaritzako agintariak bildu ditu.
Euskadik osasun arloko berrikuntzan duen posizioa indartu du Alemaniako MedtecSUMMIT 2025 delakoan
Basque Trade & Investmenten ordezkaritza batek Basque Health Clusterraren ordezkariekin batera parte hartu zuen ekitaldian, Bavariako erakunde estrategikoekiko harremanak estutzeko eta lankidetzarako arloak jorratzeko, medikuntza arloko gailuei aplikatutako adimen artifiziala eta osasun digitala kasu