Euskadik eta Alemaniako hegoaldeak adimen artifizialean eta fabrikazio aurreratuan duten harremana indartu dute
Euskal industriarentzat funtsezkoak diren teknologia berrietan enpresen arteko lankidetza sustatzeko helburuarekin, Basque Trade & Investment (BasqueTrade), SPRI Taldearen barruan dagoen euskal enpresen nazioartekotzerako agentziaren eta Basque Artificial Intelligence Center (BAIC) erakundearen ordezkariek osatutako ordezkaritza batek Bavaria eta Baden-Württemberg bisitatu zituen. Misioan, adimen artifizialeko eta fabrikazio aurreratuko aukerak aztertu ziren, Alemania hegoaldeko garapen teknologiko eta industrialeko eragile garrantzitsuekin.
Ibilbidea UnternehmerTUMen (Munich) hasi zen, Municheko Unibertsitate Teknikoak sustatutako eta Europan garrantzi handia duen enpresa-berrikuntzako zentroan. Bertan, Itziar Ayerbek garapen disruptiboak bultzatzeko startupak, teknologia eta prestakuntza biltzen dituzten hainbat proiektu aurkeztu zituen. Applied AI Municheko beste erreferente da eta bertan Agnes Leik adimen artifizialeko ikerketa industrian zuzenean nola aplikatzen den azaldu zuen, emaitza praktikoak eta honek produktibitatean duen eragina erakutsiz. Bestalde, Baiospher-en, Andreas Preißer-ek eta Franziska Springer-ek ETE-ei digitalizazio-prozesuan laguntzera bideratutako zientzia, teknologia eta aplikazio praktikoak konektatzeko ikuspegia partekatu zuten.
Era berean, misioak adimen artifizialean eta Baden-Württemberg eskualdeko lankidetzan funtsezkoak diren erakundeetara bisitak barne hartu zituen. Bosch AI Center-en (Renningen), Michael Pfeiffer doktoreak machine learning-a balio-kate industrialak nola optimizatzen ari den erakusten duten adibideak aurkeztu zituen, automobilgintzaren eta manufaktura aurreratuaren sektoreetan ikupegi berezi batekin. KI Allianz Baden-Württemberg-en (Stuttgart), Sandra Rohnerrek eta bere taldeak startup-en, enpresen eta akademiaren arteko lankidetza-ekosistemak nola egituratzen dituzten azaldu zuten, inpaktu globala sortuz. Bestalde, Cyber Valley-n (Stuttgart), Florian K. Mayer-ek eta Angelina Jukic-ek nazioarteko talentua erakartzen eta adimen artifizialeko proiektu disruptiboen lidergoan duten esperientzia partekatu zuten.
Ordezkaritzak fabrikazio aurreratuan egindako aurrerapenak gertutik ezagutzeko aukera ere izan zuen. TRUMPFn (Ditzingen), Tom Schneider doktoreak adimen artifiziala prozesu industrialetan nola integratu aurkeztu zuen, eta Lantek bezalako euskal enpresekin izandako lankidetza nabarmendu zuen, horrek Euskadi eta Alemaniaren arteko lotura indartzen duelako. Karlsruhe Institute of Technology (KIT) institutuan, Dr.-Ing. Markus Döllkenek manufakturako tresna moldagarri eta jasangarrien inguruko berrikuntzak partekatu zituen. Bestalde, DFKI AI Saarbrücken, Antonio Krüger irakasle doktoreak gizakien eta roboten arteko lankidetzan eta adimen artifizialari aplikatutako etikan izandako aurrerapenak azaldu zituen.
Bisita honi esker, ordezkaritzak AAk industrian izan dituen azken aplikazioak ezagutu zituen, eta, horrez gain, Euskadik berrikuntza teknologikoan duen lekua indartu zuen. Bidaia honek harreman berriak ireki zituen Alemaniako sektoreko nazioarteko eragile nagusiekin, eta, horri esker, Basque Trade & Investment-ek eta BAICek euren enpresei balio handiko konexioak eskainiko dizkiete.
Lotutako albisteak
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.