Euskadik eta Kubak lankidetza komertziala estutu dute

A vintage American retro car rides on an asphalt road in front of the Capitol in old Havana. Tourist taxi. paseo del prado, de mart

Aste honetan, bi eskualdeek duten merkataritza-harremanaren esparruan,  SPRI Taldean integratutako euskal enpresak nazioarteratzeko elkartea den Basque Trade & Investment (BT&I)ek, Gipuzkoako Merkataritza Ganberarekin batera, jardunaldi bat antolatu du.Bertan, euskal enpresek parte hartu dute Kubako enpresen ordezkaritzarekin biltzeko, eta Kuban eta beste herrialde batzuetan negozio- eta lankidetza-aukerak aztertu dira..

Htzorduan René Capote Forzate Kubako Ekonomia eta Merkataritza sailburua, Ivette Cartelle Perez Kubako enbaxadako merkatari-agregatua, Antonio Luis Carricarte Corona Kubako Merkataritza Ganberako lehendakaria, Mirta Rippes herrialdeko espezialista eta Panelazabal euskal enpresen ordezkaria izan dira.

Euskal esportazioetarako Latinoamerikako bosgarren helmugarik garrantsitzuena da Kuba:; 103 milioi euroko salmenta balioa du eta Karibeko herrialde osoko inportazioen %1,1 osatzen du.

Bileran, EAEko eta Kubako enpresen arteko negozio- eta lankidetza-aukerekin lotutako hainbat alderdi aztertu dira. Merkataritza-esparruan egiten diren ekintzen artean, euskal enpresek Kubako ekonomian duten zeregina nabarmendu da; izan ere, 40 konpainia baino gehiago daude Kuban, batez ere industria-sektorean.

Gainera, Habanako Nazioarteko Ferian (FIHAV) euskal enpresek parte hartu izanaren emaitzak eta esperientziak berrikusi ziren. Azoka, bi eskualdeen arteko esportazioak eta enpresa-lankidetza sustatzeko ekitaldi bat da.

1999az geroztik, BT&I-k euskal enpresen presentzia bateratua bultzatu du FIHAVn, networking-aukerak eskainiz eta Kuban euskal produktu eta zerbitzuak sustatuz.

“Euskadiko enpresek FIHAV bezalako ekitaldietan aktiboki parte hartzeak bi eskualdeen garapen ekonomikoari ez ezik, euskal esportazioen dibertsifikazioan eta sofistikazioan ere laguntzen du”, adierazi du Kubako Merkataritza Ganberako lehendakariak.

Basque Trade & Investment-en eta Kubako enbaxadaren arteko jardunaldiak Euskadiren eta Kubaren arteko merkataritza-harremanak eta enpresa-lankidetza indartzeko bideak aztertzeko gunea eskaini du.

Lotutako albisteak

26 ekaina, 2024 Basque Trade & Investment

Biosanitario-sektoreko euskal enpresek nazioarteko merkataritzaren erronkei heldu diete

Irakurri gehiago

25 ekaina, 2024 Basque Trade & Investment

B-WOMENINen bigarren saioak emakumearen garapen profesionalean nazioartekotzeak duen garrantzia azpimarratu du

Irakurri gehiago

21 ekaina, 2024 Basque Trade & Investment

Euskadik eta Poloniak lankidetza estutu dute espazio-industrian

Irakurri gehiago

18 ekaina, 2024 Basque Trade & Investment

Euskadik deskarbonizazio-teknologiak aurkeztu ditu Moravia-Silesa eskualde txekiarrean

Irakurri gehiago

17 ekaina, 2024 Basque Trade & Investment

Basque Trade & Investment-ek Australiako merkataritza-aukerak identifikatu ditu

Irakurri gehiago

Joan blog-era