Euskadiko Nazioartekotze Agentziak mugikortasun jasangarriaren arloko enpresak gonbidatzen ditu Uruguayn negozio-aukerak garatzeko misio baten esku hartzera
Uruguayko administrazioak inbertsio publikoko dozena erdi proiektu ezarri ditu, horien artean 120 autobus eskuratzea 36 milioi euroko inbertsioa eginda.
SPRI Taldean integratuta dagoen Euskadiko Nazioartekotze Agentziak mugikortasun jasangarriaren arloko euskal enpresak Uruguayn negozio-aukerak garatzeko misio baten esku hartzera gonbidatzen ditu; bidaia urriaren 6tik 10era arte burutuko da.
Uruguayko administrazioak inbertsio publikoko dozena erdi proiektu ezarri ditu datozen 4 urteetarako, adibidez 120 autobus eskuratzea 36 milioi euro inguruko inbertsioa eginda, Kontrol Zentro bat egitea Montevideon, sare elektrikoaren digitalizazioa, errekarga sistemak, azpiegituren garapena eta bestelako proiektuak erregio eta udalerri batzuetan.
Lan-agendaren barruan bilerak agertzen dira Uruguayko Industria, Energia eta Meatzaritza (MIEM) Ministerioarekin eta Etxebizitza, Lurralde Antolakuntza eta Ingurumen Ministerioarekin; bilera horietan autobusak eskuratzeko diru-laguntzetara iristeko Administrazioak autobusen operadoreei ezarritako errekerimenduak aztertuko dira. Halaber, bilerak egingo dira Montevideoko Udal Intendentziarekin proiektuaren egoera berezia, beharrizanak, erosketa-prozesuen erabakitzaileak, prozedura eta epeak ezagutzeko.
Ildo beretik, ezarri da topaketak egingo direla Confederación Andina de Fomento (CAF) erakundearekin eta Banco Interamericano de Desarrollo (BID) bankuarekin. Hori horrela da kontratazioetako batzuetan bi organismo horien finantzaketa aurreikusten delako eta bilera hauen helburua enpresek finantzaketa lortzeko erakunde publikoei eta enpresa operadoreei ezarritako baldintzak ezagutzea da. Horrekin guztiarekin bat bilerak egingo dira Usinasko Nazio Administrazioarekin eta Transmisiones Eléctricas (ABEE) eta Administración Nacional de Combustibles, Alcohol y Portland (ANCAP) enpresekin proiektuaren zehaztasunak, beharrizanak, erosketa-prozesuak eta azpiegitura-proiektuaren prozedura ezagutzeko.
Azkenik, ezarri da kontaktuak egongo direla 120 autobus eskuratzeko finantzaketaren zatirik handieren hartzaileak diren hiri-autobusetako operadore batzuekin erosketaren alderdi teknikoen berri ezagutzeko.
Euskadiko Nazioartekotze Agentziak bilera bat egiteko deialdia egin du, irailaren 25ean, Gipuzkoako Bazkundearen egoitzan, bidaiari buruzko zehaztasunak emateko eta dudak argitzeko. Parte harzeko SPRIko web orrialdean.
Lotutako albisteak
Euskal sektore aeroespazialak loturak estutu ditu Estatu Batuetako industriarekin
Euskadiko enpresa eta zentro teknologikoen ordezkaritza batek Estatu Batuak bisitatu ditu sektorearen egungo egoera ezagutu eta herrialdeko eragile estrategikoekin harreman berriak finkatzeko
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.