Euskal enpresak energia berriztagarrien arloko negozio-aukerez profita daitezke Fukushiman

Nazioartekotzeko Euskal Agentziak mintegi bat antolatuko du hilaren 9an Bilbon, japoniar ordezkaritza baten parte-hartzeaz

Topaketa bi aldeek maiatzean sinatutako lankidetza-akordioaren jarraipena da

SPRI Taldeari atxikitako Nazioartekotzeko Euskal Agentziak (Basque Trade & Investment) mintegi bat antolatuko du urriaren 9an Fukushimako Prefekturako (Japonia) ordezkaritza baten bisitaren kariaz, euskal enpresek Japoniako eskualde hartan aurki ditzaketen energia berriztagarrien arloko negozio-aukerak ezagutzera emateko.

Bi aldeek energia berriztagarriei buruzko lankidetza-akordioa sinatu zuten maiatzaren 30ean. 2011ko lurrikarak eta ondorengo tsunamiak itzelezko hondamendia eragin zuen eremu hartan, eta eskualdeari etorkizun berri bat bermatzeko asmoz, Japoniako Gobernuak energia berriztagarriak ardatz dituzten berrindustrializazio eta dibertsifikazio energetikoaren aldeko programak abiarazi ditu.

Ekonomiaren Garapen eta Azpiegituretako sailburu Arantxa Tapia buru zuen euskal ordezkaritzak iazko urrian Japoniara egindako bisitaren ondoren, Japoniako Industria Ministerioak (METI) euskal energia sektorea bertatik bertara ezagutzeko interesa agertu zuen. Ildo horretan, otsailean, Fukushimako Gobernuaren eta bertako Energia Agentziaren lau ordezkariren misioa antolatu zen, prefekturako industria sustatzeko politiken kudeatzaile eta ordezkari gorena den Katsuzo Niizekiren zuzendaritzapean.

Bi eskualdeen arteko lankidetzak beste pauso bat eman zuen maiatzean akordioaren sinaketarekin eta oraingoan, urriaren 9an, Nazioartekotzeko Euskal Agentziak mintegia antolatuko Bilbon era askotako gaiak aztertzeko; hala nola, Fukushimako negozio-aukerak, Euskadik energia berriztagarrien arloan dituen gaitasunak edota energia berriztagarrien egungo egoera Japoniako eskualde horretan.

Ekonomiaren Garapen eta Azpiegituretako Sailaren arduradunek harrera egingo diote Fukushimako Prefekturako gobernadorea buru duen Japoniako ordezkaritzari. Japonia lehentasunezko interesa duten herrialdeen artean sailkatu du Eusko Jaurlaritzaren Enpresak Nazioartekotzeko 2017-2020ko Planak. El área de Fukushima, tsunamiak eragindako hondamendiaren eta zentral nuklearreko kalte larrien ondoren, aukeraz betetako eskualdea da, izan ere, bere burua asmatu behar du energia arloan eta asmo handiko eraberritzea bultzatzen ari da industria arloko estrategietan.

Lotutako albisteak

2 uztaila, 2024 Berrikuntza

‘Belk+’, mugikortasunerako laguntza pertsonaleko lehen exoeskeleto adimenduna

Irakurri gehiago

27 ekaina, 2024 Berrikuntza

Gaztaren Institutuak gazta eta esne gordinaren aldeko apustua egin du, berrikuntzarako ibilgailu gisa

Irakurri gehiago

21 ekaina, 2024 Berrikuntza

Okatt empresak konponbide fidagarriak eta neurrira egindakoak eskaintzen ditu jasotze-sektorearen konplexutasun berrien aurrean

Irakurri gehiago

19 ekaina, 2024 Berrikuntza

KEM ONE saritu dute Espainiako Industria Kimikoaren Enpresa Federazioaren azken Segurtasun Sarietan

Irakurri gehiago

18 ekaina, 2024 Berrikuntza

Innobasquek adimen artifizialeko eta AA sortzaileko kasu praktikoen deialdia egin du hurrengo Global Innovation Day jardunaldirako

Irakurri gehiago

Joan blog-era