Eusko Jaurlaritzak 26 enpresari lagunduko die Pariseko feria aeronautikora
Eusko Jaurlaritzak 26 euskal enpresari lagunduko die asteon Parisen ospatuko den Feria aeronautikora. Eusko Jaurlaritzako ordezkaritza batek eta honen enpresa-agentziak, SPRI Taldeak, Le Bourget-eko Espazioko Saloi Aeronautikoa deritzona bisitatuko dute. Bertan Industriako kontseilari ordea den Mikel Amundarain eta SPRI Taldeko Zuzendari Orokorra den Aitor Urzelai egongo dira, besteak beste.
Erakusketa hau bi urterik behin egiten da eta hau da beronen 54. edizioa. Bertan mundu mailako Aeronautika eta espazioko industriako ekintzaile nagusiak biltzen dira eta aktibitate-sektore honetako ospakizunik handiena eta zaharrena da.
Ordezkariak Feriara joan dira asteazken honetan eta HEGAN klusterra erreferentzia gisa izanik Parisen dauden euskal enpresen “stand”-ak bisitatu dituzte. Enpresak honakoak dira: Aciturri, Aernnova, Aeromec, Astorkia, Aratz, Burdinberri, Capgemini, Compitte, CTA, Egile, Ekin, Electrohilo, ITP Aero, Satlantis, Sener Aeroespacial, Sisteplant, Tecnalia, Tecnasa, TTT Group, UPV/EHU, Tubacex, EIPC, Korta, Wec edota Hexagon. Gainera, Mexikoko Yucataneko Estatuko Gobernuko arduradunekin batzartu dira.
Saloiko lehenengo lau jardunaldiak publiko profesionalarentzat erreserbatuta daude. Bestalde, publiko orokorra azken teknologia-berrikuntzak ezagutzera gonbidatuta dago hurrengo hiru egunetan.
Bertan industria aeroespazialeko teknologiarik modernoenak aurkezten dira, hala nola aireontzietako motorrak, satelite eta nabigazioko teknologiak, hegazkinetako kabina eta jesarlekuak eta arma-sistemak. Urteak pasa ahala, feria hau sektoreko nazioarteko plataformarik garrantzitsuenetakoa bihurtu da.
Laginean 150 hegazkin baino gehiago aurkeztu ohi dira. Egunero hegaldi-erakusketak egiten dira, erakusleek euren ezagutza teknikoak publikoari erakusten dizkietela.
Lotutako albisteak
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Programak 3,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.