Eusko Jaurlaritzak bulego berri bat ireki du Kanadan euskal enpresen nazioartekotzea bultzatzeko
- Kanada Eusko Jaurlaritzaren 2021-2024rako estrategian lehenetsitako herrialdeetako bat da, maila globalean hamar interesgarrienen artean dagoelako eta Euskadik merkatu horretara ahal duena baino gutxiago esportatzen duelako oraindik
Ekonomiaren Garapen, Jasangarritasun eta Ingurumeneko sailburu Arantxa Tapiak, Industriako sailburuorde Mikel Amundarainekin eta Nazioartekotzeko Euskal Agentzia-Basque Trade & Investment-eko (BTI) zuzendari Ainhoa Ondarzabalekin batera, euskal industriaren nazioartekotzea babesteko Kanpoko Sarearen bulego berri bat inauguratu du Montrealen.
Kanadako bulegoa munduko sare horren 21. bulegoa da. Sare horrek, 90 herrialde baino gehiagotako ordezkaritzen eta aholkularien bitartez, enpresen esportazioak eta nazioartekotzea sustatzeko aukerako zerbitzu bat eskaintzen du, merkatu estrategikoetan kokatzera bideratutako jarduerak babesten ditu, merkataritza- eta produkzio-ezarpenetan laguntza teknikoa ematen du, eta erakunde multilateralek finantzatutako proiektuak babesten ditu.Aurten 22 bulegoetara iristea aurreikusten da, Australiakoa ireki ondoren.
Tapiak Eusko Jaurlaritzak bultzatutako eredu horren garrantzia azpimarratu du. Eredu horretan, Euskadiko bulegoetan dugun ezagutza sektoriala eta kanpoko bulegoetako ezagutza geografikoa konbinatzen dira enpresei laguntzeko, eta horren emaitza espezializazio eta hurbiltasun handiagoa da, baita edozein sektoretako enpresen behar zehatzei erantzuten dieten zerbitzuak ere.
Kanada, lehentasunezkoa Euskadiko industriarako
Kanada Eusko Jaurlaritzaren 2021-2024rako nazioartekotze-estrategian lehenetsitako herrialdeetako bat da. Ekonomia sendotzat hartzen da, eta merkatu konplexua da, baina erakargarritasun handikoa eta nazioarteko jarduera handiko bezeroei aukera handiak eskaintzen dizkiena, bereziki teknologia eta sektore espezifikoetan eta euskal enpresen presentzia txikia dutenetan.
BTIk berriki egin duen eta arrisku- eta aukera-adierazle batzuk kuantifikatzen dituen azterketa batean, Kanada 10 herrialderik interesgarrienen artean kokatuta dago maila globalean. Halaber, berriki egindako azterketa batzuen arabera, gaur egun Euskadi ahal duena baino gutxiago esportatzen ari da merkatu horretara, eta, dirudienez, EBrekin ituna sinatu zenez geroztik, nagusiki Kanadako enpresak ari dira baliatzen bi merkatuen arteko oztopoen murrizketa hori.
Kanadako merkatuan ezarrita dauden zein merkatu horretara esportatzen duten euskal enpresen presentzia indartzeko, bulego bat ireki da herrialde horretan, eta Arantxa Tapia sailburuak inauguratu du gaur, euskal enpresekin egindako topaketa batean.
Gaur inauguratu den bulegoa Montrealen dago, Quebeceko probintzian. Eusko Jaurlaritzak lankidetzako MoU bat du sinatuta harekin, honako esparru hauek ardatz hartuta: klima-aldaketaren aurkako borroka, bi eskualdeen arteko merkataritza handitzea, ekonomia urdina eta kulturaren eta hizkuntza-politikaren arloko elkartrukeak.
Agenda instituzional eta enpresarial zabala, Basquevolt enpresako arduradunekin batera
Arantxa Tapia buru duen euskal ordezkaritzaren bidaia, beraz, BTI bulegoa irekitzeko prozesuaren barruan egin da, ezarrita dauden euskal enpresei eta tokiko erakundeei presentzia iraunkor hori ezagutarazteko helburuarekin. Baina, halaber, bi eskualdeen arteko erakunde- eta merkataritza-harremanak sendotzera bideratutako agenda bat du.
Euskal ordezkaritzak bilera bat egin du gaur Hydro-Quebec enpresako ordezkariekin, eta Varenneko R&D Centre izenekoa bisitatu du.
Hydro-Quebec elektrizitate-hornitzaile liderra da, energia berriztagarrien erabilera lehenesten duena. Quebeceko gobernua da akziodun bakarra, eta bikaintasun-zentro bat du (Center of Excellence in Transportation Electrification and Energy Storage- CEETSE), egoera solidoko baterietarako teknologietan aditua. Eusko Jaurlaritzarekin izandako topaketan, Basquevolt elkarteko ordezkariek ere hartu dute parte, estatu solidoko litiozko baterien inguruan interes komuna dutelako eta Arabako parke teknologikoan kokatutako ekimena nazioartean kokatzeko balio izan duelako.
Euskadi Kanadan sartzeko bidaia horri esker, Eusko Jaurlaritzak goi-mailako bilera instituzionalak egin ditu Kanadako Gobernuko Berrikuntza, Zientzia eta Garapen Ekonomikoko Ministerioko arduradunekin. Quebeceko Gobernuko Industria, Energia, Klima Aldaketa eta Ingurumen Ministerioekin aldebiko bilerak ere egin dira.
Lotutako albisteak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz