Eusko Jaurlaritzak kanpo-sarea sustatzeko, bulegoa irekiko du Milanen
- 2017-2020 Enpresa Nazioartekotzeko Planak indartu egiten ditu balio erantsiko zerbitzuak eta erakunde integratuagoari ematen dio bide.
- Basque Trade and Investment-en Gobernuaren eta Spriren zerbitzuak jasoko dira eta nazioartekotzeko tresnak kudeatuko dira.
- Europa lehentasunezko merkatu bezala agertzen da berriz enpresen aktibitaterako urrunago dauden beste merkatu batzuekin batera, AEB, Mexiko eta Txina.
- Planak 94,1 MM euroko inbertsioa aurreikusten du, enpresak laguntzeko, giza baliabideen formaziorako eta kanpo sarea sustatzeko batik bat.
- ITAC, lizitazioa esleitzeko lehen euskal enpresa, Basque Country Lizitazioak Plataformaren lankidetzarekin
Eusko Jaurlaritzako Ekonomiaren Garapen eta Azpiegitura departamentuak 2020 Enpresa Nazioartekotzeko Plana aurkeztu du euskal enpresen nazioarteko aktibitatea laguntzeko tresna gisa eta geroz eta irekiagoa den ekonomia indartzen laguntzeko.
2017-2020 Enpresa Nazioartekotzeko Plana Eusko Jaurlaritzak nazioartekotzearen ikuspegi berezia jasotzeko abian jarritako bigarren plana da; elementu hori Euskal Industria Politikaren lehentasunezko palanketako bat dela ulertzen da, industria-egituraren hazkundeari, lehiakortasunari eta eraldaketari egiten dion ekarpenagatik.
2014-2016 plana nazioarteko merkataritza hazteko eta krisi ekonomikoak zekartzan zailtasunei irtenbideak aurkitzeko tresna eta gida zen; 2017-2020ko planaren helburua politikak, programak, laguntza-zerbitzuak, finantza-tresnak, ekimenak eta baliabideak sendotzea da, kanpo-sarea, erakunde integratuagoa eta balio erantsiko zerbitzuen indartzea sustatuz.
Plana 2020 Euskadiko Plangintza Estrategikoaren barruan dago, eta Euskadi Basque Country Nazioartekotze Estrategiaren elementu nagusietako bat da.
Nazioartekotze-politiken plangintza berritu hori, gainera, Euskadin enpresa-nazioartekotzearen egoeraren diagnostikoak enpresa esportatzaile erregularrak, azken 4 urtean, % 16 hazi direla eta esportatzaile handiak (>50m€) % 18 hazi direla erakusten duen unean heldu da.
Erronka berriak
Helburu nagusia euskal enpresa merkatu globalean sartzeko eta nazioartean lehiatzeko jauzi kualitatiboari bide ematea da, eta, horretarako, 9 ardatz estrategiko identifikatu dira:
- Balio erantsiko zerbitzuak, enpresa-profil desberdinetarako banatutako zerbitzu-zorro berriaren bidez; gainera, berezko gaitasunak eta eragile laguntzaileenak konbinatzen ditu
- Adimen lehiakorra; horretarako, euskal enpresei ezagutza aurreratua eta aukera berriak sortu eta ematen zaizkie.
- Euskal enpresa eta erakundeei kanpo-sarearen ekarpena areagotzea.
- Euskal enpresetan profesionalak nazioartekotzeko gaikuntza espezializatua sendotzea
- Enpresei finantzaketa-tresna lehiakorrak eskaintzea, nazioartekotzeko aukera zabalerako
- Eusko Jaurlaritzak nazioartekotzeko dituen gaitasun eta aktiboak integratu eta sendotzea
- Enpresen nazioartekotzea sustatzeko tartean diren eragile guztien koordinazioan aurrera egitea
- Euskadirako, bertako enpresetarako eta euskal nazioartekotze-sistemarako aitorpena irabaztea
Ardatz horien bidez, balio-kate globaletan erabat integratuta dagoen euskal enpresa-egitura lortu nahi da, merkatu-nitxo zehatzetan mundu-mailako lidergoa izateko gaitasuna duena eta ekosistema publiko-pribatu sinergikoa, arina eta malgua oinarri duena.
Euskadiko Nazioartekotze Agentzia edo Basque Trade and Investment (BTIn)
BTIn Plan berriaren apustu izateko sortu da, eta helburu nagusi du Eusko Jaurlaritzak eremu horretan dituen gaitasunak eta aktiboak integratu eta sendotzea eta, horrela, bere ekintzaren eraginkortasuna, kalitatea eta irismena sendotzea. Horrela, ezabatu egiten da nazioartekotze-programen eta -zerbitzuen arteko banaketa funtzionala, eta enpresen behar zehatzagoetara egokitzapen handiagoa eskaintzen da.
Agentzia berrian, Lakua eta Spriren nazioartekotze-taldeak eta -baliabideak batzen dira, erakunde bakarrean. Erakunde horren ardurak honako hauek izango dira:
- Gaur egun Eusko Jaurlaritzak kudeatzen dituen programak kudeatzea
- Adimen lehiakorraren sistema berria diseinatzea eta abian jartzea
- Bulegoen Sarea indartzea kanpoan
- Pertsonei gaikuntza ematea, nazioartekotze-beken bidez
- Nazioartekotzearen egungo finantzaketa-programak berrikustea eta finantza-tresnetara jotzen laguntzea
- Basque Country markaren erabilera sustatzea
Spri Taldean sartuta, BTIn-k, 2018an, 22M€-ko aurrekontua eta 30 profesionalen langile-zuzkidura kudeatuko ditu egoitza nagusian, Kanpo Sareko 19 profesionalen laguntzarekin.
BTIn sortzeak ez dakar aldaketarik nazioartekotzearen arloko akordioetarako eta erakundeen arteko koordinazioaren filosofiarako; izan ere, berretsi egiten du Gobernuak Basque Consortium-en alde koordinaziorako oinarrizko tresna gisa egiten duen apustua. BTIk, gainera, dinamizazioa hartu nahi du bere gain, gaitasunetan, ezagutzan eta arintasunean sendotzeko aukeratik abiatuta.
Bulego berria irekitzea Milanen
Merkatu globalaren analisiak euskal enpresentzako herrialde interesgarrienak zein diren zehazten du, eta Planak zehazten ditu dagoeneko zein izango diren lehentasunezko herrialdeak datozen urteotan.
Merkatu Global
1 .lehentasuna
2 .lehentasuna
Esplorazioa
Europako bazkide
nagusiak
Alemania
Italia
Erresuma Batua
Frantzia
Brasil
Errusia
ASEAN (Singapur, Malasia, Indonesia, Tailandia)
Ekialde Ertaina
Maroko
Urrutiko merkatu
estrategikoa
Txina
Mexiko
Ameriketako Estatu
Batuak
India
Kolonbia
Japonia
Iran
Hego Korea
Gure nazioartekotzerako, enpresek ezinbestean izan behar dituzte interes-merkatuetan zerbitzu emango dieten bulegoak; beraz, datorren ekainean merkataritza-bulego berria irekiko da Milanen.
Asteburu honetan, Eusko Jaurlaritzak Italian izango duen bulego horren zuzendaritza-lanez arduratuko den pertsona kontratatzeko hautaketa-iragarkia argitaratu da.
Milango bulego hori irekitzen denean, kanpo-sareak 17 bulego izango ditu.
Italiako industria, eremu askotan, Euskadikoaren antzekoa da, eta puntako zenbait sektoretan sinergietarako aukera dakar, besteak beste, Aeronautikan, Biotechen, Manufaktura Aurreratuan, Robotikan eta Energian; sektore horiek, gainera, euskal industria-politikaren RIS3 politikan sartzen dira. Elikadurak, halaber, aukera ugari izan ditzake; izan ere, Italia lehengaiaren inportatzaile handia da.
Gaur egun, Italian 37 enpresa daude finkatuta, eta, zalantzarik gabe, etorkizunean negozio-aukerak dituen herrialdea da.
Oraintsu, Euskadirentzat 47 herrialderen interesa aztertzen ari zen SPRIko Nazioarte Sailak egin duen azterlan batean (2017ko otsaila), Italia 9. postuan zegoen, eta, hurbileko merkatu gisa, intereseko lekua da, euskal esportazioetarako eta merkataritzan sartzeko edo bertan finkatzeko, bai eta inbertsioetarako eragile posiblea ere.
Nazioartekotzeari laguntzeko programak
Planak bi programa berri jasotzen ditu eta horiek Eusko Jaurlaritzak eskaintzen duen nazioartekotzeari laguntzeko eskaintza osatzen dute.
PILOTU programa ETEei zuzenduta dago, eta bere helburua kanpoan inbertsio publikoko proiektu pilotuei laguntzea da. Proiektuak enpresak eginiko inbertsioaren % 50 jasoko du, eta muga 50.000€-koa izango da.
SAKONDU programa ere ETEei zuzenduta dago, baina nazioartean sakon zabalduta daudenei. Helburua da enpresak konparazioan ahula den merkatuetan duen lehiakortasun-posizioa hobetzea. Ekintzetarako laguntza, besteak beste: merkatu-azterlanak, azoketara joatea, bidaiak, alderantzizko misioak edo sustapenerako eta publizitaterako materiala. Gastuen % 30 da, eta, eskabideko, 20.000€ da muga.
Gainera, GAUZATU Kanpo Ezarpenak (kanpoan ekoizpen-ezarpenak sortzeko eta garatzeko), GLOBAL LEHIAN (nazioarteko jarduera indibiduala eta lankidetzakoa sustatzeko) eta ELKARTZEN 2025 (nazioartekotzea lankidetzan sustatzeko) programekin jarraitzen da. Azkenik, LANDHOME programarekin ere jarraitzen da; programa horren helburua atzerriratutako euskal profesionalak itzul daitezen bide ematea da, beren nazioarteko esperientziak Euskadin finkatzen diren enpresetan sartzeko.
Giza Kapitala
Euskal ekonomiaren nazioartekotzea prozesu integral gisa ulertzen da, ekonomia irekira bideratzen dena, merkatu-ikuspegiarekin, bai eta ekoizpen-ikuspegiarekin eta gizarte-ikuspegiarekin ere. Ikuspegi horrek aukera eman beharko luke euskal enpresen lehiakortasuna eta nazioartekotzea hobetzeko testuinguru globalean eta, horretarako, pertsona eta erakunde prestatuak behar dira. Hori dela eta, Eusko Jaurlaritzak, urtero, ehun bat nazioartekotze-beka ematen ditu eta 400 Global Training Beka gehiago; beka horiek, aurrerantzean, BTIn-en ere kudeatuko dira.
Bi beka-modalitate dira eta horien helburua kanpo-merkataritzako eta, oro har, nazioartekotzearen eremuko profesionalen prestakuntza da, euskal enpresek eremu horretan goi-mailako prestakuntza duten langileak izateko. Era berean, balio handiko aukera da euskal gazteentzat, beste kultura-eremu batzuetan esperientzia eta ezagutza berenganatzeko; horren bidez, prestakuntza jasotzeko eta mugikortasunerako aukera ematen zaie eta lan-merkatura sartzeko gaitasuna eskuratzen dute.
2018ko BEINTetarako eta Global Training beketarako izena emateko epea dagoeneko zabalik dago, eta gazte tituludunek beka horiek martxoaren 1era arte eskatu ahalko dituzte.
94,1MM euro enpresa nazioartekotzea bultzatzeko
2020 Enpresa Nazioartekotze Planak 94,1 miloi euroko aurrekontua dauka, eta ahalegin berezia egiten du euskal enpresak sustatzen, bai helmuga merkatuetan baita Euskadin bertan ere, 40,1M; Pertsona gazteen formakuntzan Beint eta Global Trainig Beken bidez 32,6M eta enpresa aktibitatearen laguntzan subentzio edo finantziazio programa ezberdinen bidez, 21,4M.
Basque Country Licitaciones plataforma emaitzak ematen hasi da
Legegintzaldiaren hasieran, Basque Country Lizitazioak Plataforma jarri zen martxan, alde anitzeko finantzaketa duten lizitazio-proiektuetan euskal enpresen parte-hartzea sustatzeko programa. Iaz, 7 bidaia egin ziren, proiektuak deitzen dituzten erakundeekin harremanak garatzeko eta gure enpresak 3 herrialdetan preskribatzeko: Kolonbian, Mexikon eta Argentinan.
Lizitazio konplexuak dira, dirutan zenbateko handikoak eta euskal enpresek erakundeen babesa behar izaten dute, euren proposamenak aurkezteko orduan kudeaketa alorreko laguntza.
BC Plataformari esker, Eusko Jaurlaritzak Kolonbian duen ordezkaritzak irabaztea lortu den proiektuaren identifikazioan lagundu zuen eta baita Euskadiko ITAC enpresaren bazkidea izango dena ere.
Proiektuari buruzko informazioa:
Kolonbiako Pazifikoko kostaldeak (Chocó, Cauca, Valle eta Nariño departamentuek) herrialdeko beste guneekiko ezberdintasun eta gizarte atzerapen maila handia erakusten du. Gobernuak “Todos Somos PaZcífico” Plana abian jarri zuen, inguruko bizilagunen bizi baldintzak hobetzeko eta garapen ekonomiko, sozial eta ingurumenekoan laguntzeko. Lehen fase batean eta Banca Multilateralaren laguntzarekin, lau hiriburutan lehenetsi dira interbentzioak: Quibdó, Buenaventura, Tumaco eta Guapi. Ubidearen estaldura eta hiri-uren estolderia herrialdeko batez bestekoaren azpitik dago eta ez daukate hiriguneetako drenajeetarako sistemarik.
Proiektuak euri uren erabilera eta saneamendu sistemen integratzea du helburu, berrerabilpena eta sistemaren hobekuntza sustatuz. Garatu beharreko programa pilotua oinarri izango da maila erregional eta lokalean, Hirietako Drenaje Iraunkorreko Sistemen planifikazioa, diseinua eta kudeaketa programa integralak erraztuko dituzten tresna metodologikoak formulatzeko.
Lotutako albisteak
Koreako automatizazioa eta robotika industriala, aztergai
Basque Trade & Investmentek euskal enpresen eskura jarri ditu Smart Factory + Automation World 2025 ekitaldian egindako bi txosten, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.