Euskadiko ETEntzako Eusko Jaurlaritzaren 2025 laguntzen plana.

Euskal enpresentzako laguntzak.

Onlineko jardunaldiak euskal enpresarentzat.

Filtra tu búsqueda

Berrikuntza Ekintzailetza Finantziazioa Nazioartekotzea
Albisteak 16 apirila, 2021

Eusko Jaurlaritzak laster irekiko ditu enpresa-proiektuak birfinantzatzeko eta berrikuntzarako laguntzak eta nazioartekotzeko Global bekak

Lortu eta Innobideak programek eta Global Training bekek 10,5 milioi euroko aurrekontua dute

 

Eusko Jaurlaritzak, SPRI Taldearen bitartez, epe bat irekiko du apirilaren 20an proiektuak birfinantzatzeko eta berrikuntzarako laguntzak eta nazioartekotze bekak eskatzeko. Lortu eta Innobideak programek eta Global Training bekek 10,5 milioi euroko aurrekontua dute, eta hirurak daude Ekonomi Garapen, Jasangarritasun eta Ingurumen Sailaren “Oso ETEzaleak gara” Laguntza Planaren barruan.

 

Plan horrek 68 laguntza-programa biltzen ditu, 430 milioi eurotik gorako zuzkidura dutenak eta arlo desberdinetara zuzenduta daudenak: I+G+B, teknologiak, digitalizazioa, berrikuntza, ekintzailetza, garapen industriala, nazioartekotzea, energia eraginkortasuna eta energia berriztagarriak eta ingurumena, lehen sektorerako laguntzak, elikaduraren industria eta jasangarritasuna.

 

Laguntzen jardunaldi telematikoetan 1.300 enpresak azalpenak jaso zituzten eskaintzen diren 68 laguntzei buruz, eta 6.000 enpresak baino gehiagok aukera izan dute jardunaldi horiek ikusteko SPRI Taldearen kanalaren bitartez. Enpresa erakundeak eta beste erakunde batzuk informazio zuzena jasotzen ari dira, Jaurlaritzako nahiz sozietate publiko desberdinetako ordezkariekin antolatzen diren jardunaldien bitartez.

 

Hilaren 20tik aurrera eskatu ahal izango diren laguntzak

Lortu programaren helburua da euskal industria-sarea babestea, eta milioi bat euroko zuzkidura du horretarako. Zehazki zuzentzen zaie Covid-19aren inpaktua gainditzeko eta jarduerarekin jarraitu ahal izateko euren zorra birfinantzatu behar duten enpresei.

 

Hala, laguntzak ematen ditu kanpoko profesionalak kontratatzeko. Profesional horiek abiapuntuko egoeraren diagnostikoa eta negozioaren bideragarritasuna errazteko ekintza-plana egiten laguntzen dute eta, hala badagokio, finantza-pasiboaren birfinantzaketa ahalbidetzen dute prozesuan inplikatutako hartzekodun guztiekin. Laguntza hauek eskatzeko epea irailaren 15ean amaituko da.

 

Innobideak programak, 3,3 milioi euroko aurrekontuarekin, laguntzak ematen ditu berrikuntzara, kudeaketa hobetzera, pertsonen parte-hartzera eta negozio-ereduak egokitzera bideratutako proiektuentzat.

 

Enpresa onuradunek gutxienez 10 lanpostu izan behar dituzte Innobideak-Lehiabide eta Pertsonak planetan parte hartzeko, eta 50 lanpostu Innobideak-Kudeabide laguntzak eskuratzeko. Interesatuek irailaren 23a baino lehen aurkeztu behar dituzte euren eskaerak.

 

Global Training programako 500 bekek 6,2 milioi euroko zuzkidura dute, zeintzuen helburua baita Euskadiko gazteen nazioarteko prestakuntza eta mugikortasuna ahalbidetzea esperientzia profesionala har dezaten atzerrian.

 

Programa honek hasierako prestakuntza eskaintzen du, bai eta 6-12 hilabete arteko praktikaldi bat atzerriko enpresa eta antolakundeetan, bekadunek esperientzia profesionala eskura dezaten nazioarteko inguruneetan.

 

Global Training programa goi-mailako unibertsitate edo lanbide heziketako gradu-ikasketak dituzten 31 urtetik beherako gazteei zuzentzen zaie, eta 500 beka eskaintzen ditu, beka bakoitzak hileko 1.500 euroko aurrekontua duelarik mantenu gastuetarako. Laguntzak eskatzeko epea maiatzaren 21ean amaituko da.

Lotutako albisteak

Argentinako  Vaca  Muerta  hobian,  35.500  milioi  dolarreko  inbertsioak  aurreikusi  dira  datozen  urteetarako  gas  naturalaren  arloan
26/02/2025 Nazioartekotzea

Argentinako Vaca Muerta hobian, 35.500 milioi dolarreko inbertsioak aurreikusi dira datozen urteetarako gas naturalaren arloan

Basque Trade & Investmentek merkatu horrek eskaintzen dituen aukerak aztertu ditu bere azken ohar teknikoan, izan ere, mundu osoko mailan shale oil eta shale gas delakoen erreserbarik handienetakoa da

EJE&CONeko  Nodo  Norte  VIII  Topaketa:  Mugarik  Gabeko  Profesionalak
26/02/2025 Nazioartekotzea

EJE&CONeko Nodo Norte VIII Topaketa: Mugarik Gabeko Profesionalak

Goi mailakoa topagune berria Bilbon eta talentu-harrobia Goi Zuzendaritzarentzat eta Administrazio Kontseiluentzat.

Diker,  osasungintzaren  sektorerako  injekzio  bidezko  plastikoetan  Euskadi  mailako  erreferente  bihurtu  nahi  duen  ETEa
25/02/2025 Berrikuntza

Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa

Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean

Mikel Jauregi:  “Eusko  Jaurlaritzari  dagokiola  Euskadiko  enpresei  segurtasuna  eta  ziurtasuna  eskaintzea”

Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”

Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz

E&M  Combustion-ek  Chileko  meatzaritza  deskarbonizatzen  laguntzen  du  hidrogenoa  erabiliz,  Sprilur-en  Bildosola  Poligonotik

E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik

Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.