Ezagutu Brexit-aren ondorioz euskal enpresentzat planteatzen den agertoki berria
Joan den abenduaren 31n Erresuma Batua Europar Batasunetik atera izanak ziurgabetasun-egoera berri bat ireki du Erresuma Batuan merkataritza-harremanak edo -presentzia dituzten euskal enpresentzat. Hori dela eta, Brexit-aren ondorioei buruzko informazio ugari dagoen testuinguru honetan, Eusko Jaurlaritzako Ekonomiaren Garapen, Iraunkortasun eta Ingurumen Sailak zuzenean ezagutarazi nahi ditu Eusko Jaurlaritzaren planak, Brexit ondoko egoerara egokitzen laguntzeko euskal enpresari.
Ekonomiaren Garapen, Jasangarritasun eta Ingurumen Sailak, SPRI eta BasqueTrade erakundeekin batera, otsailaren 3ko goizean 10: 00etatik 11: 00etara egingo den topaketa digitala antolatu du.
Topaketa hau esportatzaileak diren edo Erresuma Batuan ezarrita dauden euskal enpresentzat, Euskal Autonomia Erkidegoko enpresa britainiarren filialentzat, Erresuma Batuan merkataritza-interesak dituzten enpresentzat edo Erresuma Batua zerbitzu edo produktuen hartzaile potentzial gisa hartzen duten enpresei zuzenduta dago batez ere.
Bertan aurkeztuko dira Brexitaren ondorioz kontuan hartu beharreko gai nagusiak: aduanak, logistika, zergak, langileak eta abar, bai eta Eusko Jaurlaritzak prestatu dituen laguntza-neurriak gure enpresa ehunean Brexitak duen eragina minimizatzeko.
Arantxa Tapiak, Ekonomiaren Garapen, Jasangarritasun eta Ingurumen Sailburuak emango dio hasiera ekitaldiari, Brexitaren ondorengo testuinguru politiko globalaren eta euskal enpresak aurrez duten egoeraren azalpenarekin hasiko da.
Lehen hitzaldi honen ostean, Ainhoa Ondarzabal BasqueTradeko kontseilariak euskal enpresek planteatutako arazo nagusien berri emango du, bai eta erronka horiei segurtasun handiagoz aurre egiteko eskaintzen zaizkien zerbitzuen eta laguntzen berri ere.
Ondoren, Pablo Fanok, Erresuma Batuko BasqueTrade Bulegoko zuzendariak, xehetasunez azalduko ditu Brexit ondoko egoera berri honetan euskal enpresari zuzenean eragiten dioten akordioaren gai nagusiak.
Ekitaldia Arantxa Tapia sailburuaren etorkizuneko ikuspegiarekin eta ondorioekin amaituko da.
Ez galdu Erresuma Batuan interesak dituzten euskal enpresa guztiek hemendik aurrera kontuan hartu behar dituzten alderdi zehatzak ezagutzeko aukera. Izena ematea guztiz doakoa da eta YouTube bidez egin ahal izango da, software gehigarririk instalatu gabe.
Lotutako albisteak
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Programak 3,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.
Singapurrek eta Euskadik negozio-aukera berriak esploratuko dituzte energia berriztagarrietan eta biozientzietan
Asiako herrialde horretako enpresen garapena bultzatzeaz arduratzen den gobernu-agentziaren ordezkaritza batek Euskadi bisitatu du aste honetan, sektore estrategikoetan balizko lankidetza-arloak jorratzeko asmoz