Gik Live! enpresaren edari urdina zabaltzen ari da Estatu Batuetan
Proiektu horrek azelerazio programa bat egingo du CIC Boston zentroan
Helburutzat hartuz “berrikuntza eramatea ardoaren mundura”, Bizkaiko bost ekintzaile gaztek Gik Blue edaria merkaturatu zuten 2015ean, eta produktu horrek iraultza ekarri zuen upategien mundura. Handik urtebetera bazuten presentzia Europako hainbat herrialdetan, eta duela gutxi iritsi dira Estatu Batuetara, non lehen eskaerak jaso baitituzte Massachusetts, Florida, Kalifornia eta Texasetik.
Gik Live! enpresako lantaldea Bizkaia International Startup Connection programarako 8 aukeratuetako bat izan da. Ekimen hori Bizkaiko Foru Aldundiaren eta Cambridge Innovation Center-en arteko akordio bati esker garatzen da, zeinaren bidez enpresak aukera baitu 6 hilabeteko azelerazio-prozesu bat egiteko CIC Boston coworking espazioan. Albistea bultzada handia izan da euskal startup-arentzat, batez ere une honetan bizi duen nazioartekotze prozesuari begira: “benetan eskerturik gaude, laguntza hori gabe askoz zailagoa izango zatekeelako Estatu Batuetara iristea” dio Taig Cam Carthy-k, Gik Live! enpresaren sortzaileetako batek.
Startup-eko zuzendari nagusiak dioenez, ez zuten proiektua sortu lotura zutelako ardoaren sektorearekin, baizik eta berritzeko gogoagatik eta horretarako aukera handiak ikusi zituztelako sektore horretan. “Ez ginen hasi mundu honetan ardoarekiko afinitateagatik; gure inguruko industria bat nahi genuen, luzaroan aldatu gabea eta guretzat aukera bat izan zitekeena” dio Taig-ek.
Hainbat banaketa-kanal finkatu ondoren Europan, lantaldeak bere produktu-katalogoa zabaldu du enpresaren espiritu berritzailea errespetatzen duten edari berriekin: ardo pikante bat, ardo arrosa bat eta tedun ardo linea bat. “Orain posible dugu online saltzea Europako edozein herrialdetara 72 ordu baino gutxiagoan. 6 hilabeteko epean merkaturatze- eta banaketa-maila horixe lortu nahi dugu Estatu Batuetan ere” dio Gik Live! enpresako zuzendari nagusiak.
Bizkaia International Startup Connection programa 2016an egin zen lehenengoz, helburutzat hartuz elkarrekin konektatzea euskal enpresa-proiektu berriak eta nazioarteko CIC sareko merkatu, enpresa eta inbertitzaileak. Azken edizio honetan orobat parte hartuko dute Heepsy, Plato Hola, SMIE, Saitec Offshore, Walden, Deneb Medical eta Naiz Fitstartup-ek.
Lotutako albisteak
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Wake Up! Albiste ekintzaile batzuk sarean 250309
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Euskal sektore aeroespazialak loturak estutu ditu Estatu Batuetako industriarekin
Euskadiko enpresa eta zentro teknologikoen ordezkaritza batek Estatu Batuak bisitatu ditu sektorearen egungo egoera ezagutu eta herrialdeko eragile estrategikoekin harreman berriak finkatzeko
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez