GKN Zumaia enpresak munduan barrena dabiltzan hiru milioi ibilgailuren transmisioak fabrikatzen ditu
GKN Driveline Zumaia GKN multinazionalaren barruko enpresa bat da, automobilgintzarako transmisioko piezak fabrikatzen dituena. Mundu mailako liderra da eta munduan barrena dabiltzan 78 milioi ibilgailutatik hiruk dituzte “Zumaian eginiko transmisioko osagaiak”, diote. Konpainiak SPRI Taldearen laguntza jaso du BDIH Konexio programaren bitartez, zeinarekin Basque Digital Innovation Hub-ek ETEen eskura jartzen duen fabrikazio aurreratuko aktibo eta zerbitzu sare konektatu bat prestakuntzarako, ikerketarako, testak egiteko eta baliozkotze prozesuetarako.
GKN Automotive enpresaren jatorria 1940an kokatzen da Eibarren, “Gerra Zibilak suntsitutako gune batean, non hiru pertsonak (Trocaola, Ibarzabal eta Gaztañaga) abian jarri baitzuten Ayra Durex enpresa, armak eta autoentzako ordezko piezak fabrikatzeko. Hori nobedadea izan zen armak baino egiten ez zituen Eibar hartan” oroitu du Daniel Azcuek, GKNk Zumaian duen lantegiko produkzioko arduradunak.
1960rako enpresa erreferente bat zen emakumeen laneratzean. Hurrengo 20 urteetan Spicer enpresa frantsesarekin bat egin zuen negozioa zabaldu eta “Espainiatik kanpo saltzen hasteko”. Garai hartarako, konpainia autoentzako pieza berrien eta ordezko piezen negozioan zentratuta zegoen.
Hurrengo mugarria 1974an iritsi zen, instalazioak Eibartik Zumaiara eraman zituenean (gerora, 1989an, enpresak beste nabe industrial bat hartu zuen Legazpin). 1978a ere urte garrantzitsua izan zen, GKN enpresaren akziodunen artean sartu baitzen. Gaur egun, multinazional horrek 25.000 pertsona enplegatzen ditu automobilgintza arloan, eta 20 herrialdetan lan egiten du 50 lantegi industrialekin. 1994an GKNk enpresaren jabetza osoa bereganatu zuen.
Daniel Azcuek dio 1980 eta 2000 urteen artean aldaketa handia gertatu zela, eta horren atzean dagoela zuzendaritza taldeak Japoniara eginiko bidaia, “Toyota-ren produkziorako modu berriak ezagutzeko”. Langilearen kontzeptua aldatu zuten, askotariko zereginak hartu zituelarik bere gain, eta mini-konpainiak sortu zituzten departamenduka, bakoitza bere adierazleekin”.
Automatizazioa eta 4.0 industria
Azken bi hamarkadetan, GKN buru-belarri murgildu da automatizazioan eta 4.0 industrian. “Robotak integratu dira fabrikan -eurek egiten dituzte ia mugimendu guztiak- eta produkzio-prozesu osoa digitalizatu da. Uneoro kontrolpean daukagu lantegian gertatzen den guztia”. Piezak egiteko prozesua ia guztiz robotizatuta dago, eta fase zorrotzak igaro behar ditu zehaztasun eta kalitate gorenak lortzeko.
Enpresaren produktu nagusia ibilgailuen transmisiorako piezak dira, hau da, “gurpilen eta diferentzialaren artean doazenak”. Pieza horiek Zumaiako lantegian egiten dira, eta forjaketa-lanak, berriz, Legazpin. Gainera, Zumaian garatzen da GKN multinazionalak transmisioen eta motor elektriko berrien inguruan egiten duen I+G-ko jarduera guztia. “Forjan 43 milioi pieza egiten ditugu urtean, eta prozesu mekanizatuetan transmisioko 10 milioi pieza”.
Izan ere, munduan barrena dabiltzan 78 milioi ibilgailutatik hiruk dituzte “Zumaian eginiko transmisioko osagaiak. Munduko autoen transmisiorako piezen % 40 gure taldean egiten dira”.
Konpainiaren bezero nagusiak automobilgintzako munduko fabrikatzaile handienak izaten dira, eta “gure lehia ez da beste enpresa batzuekin, baizik eta GKN taldeko kideekin”.
Enpresak 560 langile ditu Euskadin, eta horietatik 80k I+G-ko unitate espezifiko batean dihardute multinazional osoarentzat lanean. Ikerketa eta garapenak Euskadiko negozioaren % 5 ordezkatzen du.
SPRI Taldearen BDIH Konexio programako laguntzarekin software bat garatu da Vicomtech zentroarekin batera forjaketa-lanak optimizatzeko eta, horrela, “produktuaren amaierako neurria lortzeko bestelako operaziorik egin beharrik gabe. Pieza deformatu egiten da prozesuan, baina software honen bidez eta indukzio-prozesu baten ostean, definitu egin dezakegu amaierako zehaztapenak lortzeko forjan eman behar zaion konpentsazioa”.
Konpainiaren etorkizuneko erronketako bat da produkzio-prozesuen berrikuntza optimizatzen jarraitzea bi lantegietan, “lehiakorrak izateko eta azken belaunaldiko motor elektrikoak garatu ahal izateko, eta dagoeneko badaukagu motorrei eskainitako I+G-ko gune bat”.
Lotutako albisteak
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Euskadik eta Txinak merkataritza-harremanak indartu dituzte Yao Jing Enbaxadorearen bisitarekin
Jardunaldiak Txinako sektore estrategiko desberdinetako enpresen ordezkariak, Euskadiko kluster nagusiak eta Eusko Jaurlaritzako agintariak bildu ditu.