Goialde Taldea bere 2025eko Plan Estrategikoa amaitzen ari da, teknologia berriak ezartzeko eta prozesuak digitalizatzeko helburuarekin
Goialde Taldeak 55 urte baino gehiago daramatza doitasun handiko mekanizazioaren sektorean, eta hiru dibisio independente ditu: Goialde Precision, Goialde Components eta Goialde High Speed. “Lehenengo biak pieza konplexuak mekanizatzen dituzte, eta High Speed abiadura handiko buruen diseinu, ekoizpen eta konponketara bideratuta dago”, Bitor Elgezabal Goialde Taldeko zuzendari komertzialak zehaztu duenez.
Gaur egun, Zestoan kokatuta dagoen enpresa 2025eko Plan Estrategikoa amaitzen ari da, urtero 20 milioiko fakturazioa lortzea ahalbidetuko dioten hiru jarduera-ildo nagusirekin. Alde batetik, hazkundearen aldeko apustua dago; era berean, Taldea sendotu nahi da dibertsifikazioaren, balio erantsi handiagoko teknologia berriak txertatzearen eta prozesuen automatizazio eta robotizazioaren bidez. Eta hirugarren ildo batek “gure gizartearen barnean enpresa-proiektuaren iraunkortasuna du ardatz, ingurumenaren, enpleguaren eta balioa sortzearen bitartez”, zehaztu duordezkariak.
Ildo horretan, gaur egun, taldeak ehun langile baino gehiago ditu, eta, Elgezabalen arabera, “datozen urteetarako plan estrategikoan planteatutako hazkunde-esparruan, plantilla zentzuzko moduan haztea aurreikusten dugu”.
Produkzio-prozesuen robotizazioa eta automatizazioa
Gainera, Taldeko atal guztietan berrikuntza “konstantea da, eta ekoizpen-prozesuen robotizazioa eta automatizazioa ahalbidetzen du”. Gainera, High Speeden kasuan, “produktuaren hobekuntzak ere aztertzen dira buru elektromandriarren sentsorizazioaren bidez, eta hori funtsezko alderdia da 4.0 industrian”, nabarmendu du.
Gipuzkoako enpresak automobilgintzaren, ‘material handling’-aren (materialen manipulazioa) eta hidraulikaren sektoreetan zentratzen du bere jarduera. “Gure bezeroen artean nazioarteko enpresak daude, hala nola Danfoss, Bosch Rexroth, Linde Hydraulics edo Volkswagen Taldearen barruko hainbat enpresa; eta tokiko enpresak, Betsaide, Forjas de Berriz edo Kataluniako Roquet Taldea”, zuzendari komertzialak adierazi duenez. Batez ere Europan bezeroak izanik, Ipar Amerikako merkatuan presentzia izaten hasi da.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.