Habic Klusterrak pandemia saihestu egin du eta azoka birtual bat antolatu du 10.000 profesional erakartzeko asmoarekin
Azoketara bidaiatzea ezinezkoa bihurtu da pandemiak eragindako murrizketen ondorioz. Beraz, balizko bezero edo preskriptoreei produktuak erakusteko, berritzea beharrezkoa da. Habic Klusterrak, ekipamenduko, altzarigintzako eta diseinuko euskal enpresa nagusiak biltzen dituenak, bere ohiko Basque Living azoka birbideratu du, sektoreko berrikuntzak ezagutarazi eta ‘showroom‘ a bisitatzen zutenei erakusteko. Orain azoka birtual bihurtu da.
Urriaren 27an hasi eta hilabetez, klusterrarekin elkartutako 30 enpresen produktuak erakutsiko ditu online. Honako hauek dira: Akaba, Alcad, Aluminios Eibar/Rauman, Blux, Daisalux, Dorlet, Dvelas, Enea, Equilan, Eun Group, Euro Seating, Gerodan, Imar, Induo, Isimar, Joma, Leunak, Mobekip, Novadecor, Ofita, Ojmar, Ondarreta, Onddi, Q+D, Sellex, Tesa, Treku, Ulma Architectural, Vitrogres y WoopRugs.
Denbora horretan, hiru egun zehatz prestatu dira erakusketa-enpresen eta gonbidatu profesionalen arteko bilerak egiteko, batez ere arkitektoen, barne–disenatzaile eta banatzaileen eta bestelakoen artean. 27a gazteleraz hitz egiten duen publikoari zuenduta egon zen. Azaroaren 4a ingeles hiztunen profesionalei zuzenduta dago, batez ere Erresuma Batuko, Ameriketako Estatu Batuetako eta Ekialde Ertaineko merkatuei. Eta hilaren 17an eguna frantsesez izango da, Frantzia, Valonia eta Magrebeko bezeroentzat.
Ekitaldi birtuala denez, Habicek 10.000 pertsona biltzea du helburu, zeinak elkarreraginean jardun ahal izango duten lekualdatu gabe. Erregistratuta dauden pertsonek azoka presentzial bateko ekintza berak egin ahal izango dituzte: erakustokiekin komunikatu (txat baten bidez), standak bisitatu, produktuak sakon ezagutu… BIM, osasun arloa, hotelak eta lan inguruneei buruzko hitzaldi tematikoetara ere joan ahal izango dira.
Habicen ustez, ekintza hori beste urrats bat da “sektorearen digitalizazioan, nazioarteko preskriptoreei balio erantsi handiagoko zerbitzuak eskaini ahal izateko”. Izena emateko eta azoka jarraitzeko, jo hona.
Euskadik kluster-sare oso bat du euskal enpresen arteko lankidetza sustatzeko, lehiakortasuna lortzeko helburuarekin. Ezagutu ezazu sare honen kide izateak dakartzan onurak hemen.
Lotutako albisteak
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Programak 3,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.