Ibilgailu astunen elektrifikazioari buruzko txosten berria
2022ko urrian egin eta INTERGUNE+ 2022n aurkeztu zen txostenak aztertzen du nola ekiten ari zaion zero emisioko mugikortasunerako trantsizioari ibilgailu astunen kasuan, kamioien kasuan zehazki, eta, hain zuzen ere, kamioi ertain eta astunen segmentuan elektrifikaziorako aurrerapausoak areagotu egingo dira datozen urteetan. Trantsizioa oraindik hasiberria bada ere, azelerazio nabarmena aurreikusten da hamarkada honen bigarren erditik aurrera, bereziki bateriako eredu elektrikoetan (BET); hidrogeno pilarekoek (FCET), berriz, protagonismoa irabaziko dute 2030etik aurrera. Aldaketa horrek aukera berriak irekitzen dizkie salgaiak errepidez garraiatzeko sektorera dibertsifikatu nahi duten euskal enpresei.
Basque Trade & Investment erakundeak egindako txostenak joera teknologikoak, fabrikatzaileen (OEM eta Tier 1) inbertsioak eta aldaketa hau bultzatzen ari den arau-esparrua aztertzen ditu, Euskadik bere burua estrategikoki kokatu dezakeen balio-kate berrietan eta berrikuntza-nitxoetan zentratuta.
Mundu mailako merkatua kamioi elektrifikatuen aldeko apustua sendotzen ari da
2026rako, mundu osoan 3,4 milioi kamioi ekoiztea espero da, 2021eko kopuruaren parekoa, eta Europak bere merkatu-kuota mantenduko du, Alemania buruan izango delarik (123.000 unitate inguru). Kamioi guztien %6,4 elektrikoak izango dira (BET), eta beste %9,1 hidrogenozko pilen bidezkoak (FCET). Asiak ekoizpenaren bolumen handiena izango du, baina Ipar Amerika eta Europa garrantzia irabazten ari dira 2026ra begira.
Europan, 54 muntaketa-plantetatik 13k dute dagoeneko kamioi elektrifikatuak ekoizteko gaitasuna. Talde industrial nagusien artean, TRATON (VW taldea) nabarmentzen da, Daimler Truck eta Volvo Trucks-en aurretik, eta hiruren artean merkatuaren bi heren baino gehiago kontrolatuko dute.
Bateriak eta hidrogenoa irtenbide estrategiko gisa finkatzen dira
Jabetza osoaren kostua (TCO) funtsezko faktorea izango da teknologia bat edo beste hautatzeko garaian. 2025erako, bateria bidezko kamioien (BET) TCOa diesel motakoen parekoa izango da, eta 2030erako lehiakorragoa. Aldiz, hidrogenozko pilen bidezko kamioiek (FCET) kostu handiagoak eta azpiegitura-mugak dituzte oraindik, nahiz eta distantzia luzeetarako eta karga astunetarako abantaila batzuk eskaini.
Hala, badirudi merkatuaren joerak ikuspegi duala duela: distantzia ertainetarako bateriak eta ibilbide luzerako hidrogeno-teknologiak.
Fabrikatzaileek eta hornitzaileek beren eraldaketa teknologikoa bizkortzen dute
Europako fabrikatzaile nagusi guztiek ari dira BET motako modeloak garatzen, eta, neurri txikiagoan, FCET-ak ere bai, 2030erako eta 2040rako elektrifikazio-helburu anbiziotsuekin. Volvo, Daimler, CNH Industrial edo IVECO bezalako markek zero emisiozko gama osoak ari dira zabaltzen, eta TRATONek, berriz, baterien aldeko apustu esklusiboa egin du.
OEM, Tier 1, energia-hornitzaile eta azpiegitura-enpresen arteko dozenaka aliantza eta joint venture sortu dira, pila elektrikoak, bateriak edo karga ultralasterrako sistemak bezalako osagai estrategikoen ekoizpena bermatzeko. Gainera, sektoreko hornitzaile nagusiak (Bosch, Cummins, Dana, Faurecia…) indar handiz ari dira inbertitzen BET eta FCET teknologietarako osagaietan.
Diseinua, araudia eta azpiegiturak aldaketaren erritmoa baldintzatzen dute
Kamioien elektrifikazioak motorretik harago doan eraldaketa sakona bultzatzen ari da. Hobekuntza aerodinamikoak (kabina biribilduak, atzeko hegatsak…) sartzen ari dira, eta norabide eta frenatze sistema berriak garatzen, segurtasun-eskakizun berrietara eta ADAS teknologiaren integraziora egokitzeko. Berrikuntza hauek ez dute soilik eraginkortasuna hobetzen; funtsezkoak dira gidatze autonomoa garatzeko, eta horren ezarpenak TCOa %25 arte murriztu eta ibilgailuen diseinu eta erabilera errotik aldatuko ditu.
Aldi berean, Europako arau-esparruak zeresan handia du trantsizio teknologiko hau bizkortzeko. CO₂ emisioen inguruko arauak, Ibilgailu Garbien Zuzentaraua, erosketa-pizgarriak eta Baterien Ekintza Estrategikoaren Plana dira zero emisiozko modeloen adopzioa sustatzeko tresna nagusiak.
Hala ere, erronka nagusietako bat da ibilgailu astunentzako karga publikoko sare nahikorik ez egotea, ez bateriadun elektrikoentzat ez eta hidrogenozkoentzat ere. 2030erako 279.000 karga-puntu aurreikusten dira, baina horietatik zati bat bakarrik izango da erabilera publikokoa. Hidrogenoaren azpiegitura, berriz, hasierako garapen-fasean dago oraindik. Muga honek trantsizioa moteldu dezake, baldin eta ez bada Europako mailan planifikazio koordinatu baten bidez konpontzen.
Hemen ere eska dezakezu txosten osoa.
Zerikusia duten beste txosten batzuk:
- BT&Iren Automobilgintzako Behatokia
Munduko automozio-industriaren ikuspegi xehea eskaintzen du azterketa horrek, eta haren egituran, eragile nagusietan eta estrategietan jartzen du arreta, euskal enpresek negozio-aukerak aurkitu eta nazioartekotze-planak garatu ahal izan ditzaten. - Ipar Afrikako automobilgintza-merkatuaren azterketa
- Indiako automobilgintza-merkatuaren azterketa
- Italiako automobilgintza-merkatuaren azterketa
- Japoniako automobilgintza-merkatuaren azterketa
- Turkiako automobilgintza-merkatuaren azterketa
- Mexikoko automobilgintza-merkatuaren azterketa
- Txinako automobilgintza-merkatuaren azterketa
- Brasileko automobilgintza-merkatuaren azterketa
- Marokoko automobilgintza-merkatuaren azterketa
- Argentinako automobilgintza-merkatuaren azterketa
- Txinako sektore automotrizak Europan duen azkundeari buruzko oharra
Lotutako albisteak
BT&I-ren Nazioarteko Behatokia: Ekonomia globala % 2,5 haziko da 2025ean, AEBetako politika eta muga-zergen ziurgabetasunaren eraginpean
Basque Trade & Investmentek Nazioarteko Behatokiaren azken edizioan argitu duenez, hazkunde ekonomikoa Estatu Batuetako merkataritza-politikaren gogortzeak markatuko du, beste faktore batzuen artean.
Maroko, Ipar Afrikako automobilgintzaren hub estrategiko nagusia
Basque Trade & Investmenten azken txostenak Afrika iparraldeko automobilgintzaren sektorea aztertu du, euskal enpresei eskaintzen dizkien aukerak barne.
Australia, merkatu estrategikoa energia, teknologia eta garraio arloetan euskal enpresentzat
Australia lehentasunezko merkatua bihurtu da Eusko Jaurlaritzaren nazioartekotze-estrategian. Ekonomia sendoa eta merkatu heldua dituen herrialdea da, baina euskal enpresen presentzia mugatua du oraindik. Hala ere, haren erakargarritasuna sektore estrategikoetan eskaintzen dituen negozio-aukerei esker mantendu da.
AEBko industria aeroespaziala: hazkundea eta erronkak
AEBko merkatu aeronautikoak oso erakargarria izaten jarraitzen du, eta etengabe handitzen ari da, bidaiarien eta merkantziaren trafikoaren gorakada dela eta. Aukera handiak daude teknologia berritzaileak eskaintzen dituzten euskal enpreseentzat; bereziki, erregaiaren eraginkortasunean eta isurpenen murrizketan zentratuta dauden horientzat.
Lehengaien Nazioarteko Behatokia 2025ean petrolioaren prezioa progresiboki murriztuko dela aurreratu du Lehengaien Behatokiak
Basque Trade & Investmentek Estatu Batuen muga-zergek eta Txinako ekonomiaren dezelerazioak merkatu global honetan izango duten eragina aztertu du azken Behatokian.
Indiako automozioa: Indiak hub estrategikotzat duen posizioa indartu du automobilgintzako industria globalean
Basque Trade & Investmenten azken txostenak Asiako herrialde horretan jarduteko interesa duten euskal enpresek aurki ditzaketen aukerak eta erronkak aztertu ditu.
Argentinako Vaca Muerta hobian, 35.500 milioi dolarreko inbertsioak aurreikusi dira datozen urteetarako gas naturalaren arloan
Basque Trade & Investmentek merkatu horrek eskaintzen dituen aukerak aztertu ditu bere azken ohar teknikoan, izan ere, mundu osoko mailan shale oil eta shale gas delakoen erreserbarik handienetakoa da.
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...
Brasilgo industria siderurgikoari buruzko txostena: funtsezko merkatua euskal enpresentzat
Basque Trade & Investment-ek, sektore estrategiko horren egungo egoera aztertzen du bere azken txostenean, merkatu horretan sartu nahi duten euskal enpresei informazio erabilgarria emateko edo bertan duten presentzia indartzeko.
Behatoki Aeroespazialaren hirugarren edizioak pandemiaren osteko abiazioaren errekuperazio progresiboaren kontsolidazioa islatzen du
Euskal enpresek eskura dute jada Behatoki Aeroespazialaren hirugarren edizioa, Basque Trade & Investment-ek (BasqueTrade) SPRI Taldean sartuta dagoen euskal enpresen nazioartekotze enpresarialerako agentziak egina. Txosten estrategiko honek abiazio zibilaren merkatu globalaren bilakaera aztertzen du, sektoreko enpresen lehiakortasuna bultzatzeko funtsezko datuak eskainiz.