Inbertsio aukerak Medellineko eremu metropolitarrean
Medellineko eremu metropolitarra Kolonbiako gune dinamiko eta berritzaileenetako bat da. Nazioartekotzeko Euskal Agentziak ostegun honetan antolatu duen jardunaldi telematiko batean aztertu dute nolako inbertsio aukerak dituzten euskal enpresek, batik bat, 4.0 industrian, mugikortasun adimentsuan eta Interneten garapenean.
Marian Guerrak (Nazioartekotzeko Euskal Agentziak Kolonbian duen bulegoko arduradunak) moderatu du ekitaldia, eta Txile, Peru eta Kolonbiarako Euskadiko delegatuak, Rafael Manuel Kutz Garaizabalek, eman dio hasiera. Kutz Garaizabalen arabera, Medellin oso interesgarria da Euskadirentzat, “eta hango lan egiteko modua hemengoaren antzekoa da, baduelako berrikuntzan zentratutako osagai industrial indartsu bat”.
Hamar udalerri (tartean Medellin) eta 4 milioitik gora biztanle biltzen dituen Aburra Haraneko Eremu Metropolitarreko zuzendari Juan David Palaciok hizpide hartu ditu gauzatu diren eta une honetan martxan dauden proiektu garrantzitsuenak. “Larunbat honetan 16,8 milioi dolarreko inbertsioa eskatu duen 4,2 kilometroko errepide bat inauguratuko dugu”.
Halaber, Palaciok adierazi du badutela bizikletaren plan nagusia delakoa, zeinaren helburua baita 2050erako 500 kilometro errei sortzea bizikletentzat (gaur egun 137 kilometro errei bakarrik daude). “91 geltoki dauzkagu bizikleta publikoentzat eta doako garraio-zerbitzu bat da. Denborarekin, sare bat sortu nahi dugu inguruko eskualdeekin”.
Aipatu du eremu metropolitar honetan badutela, orobat, kudeaketa jasangarriko plan bat, “baliabide naturalen erabilera kontrolatzen eta zaintzen duena. Inbertitzeko eta bizitzeko eredu bat nahi dugu, hiritarren bizi-kalitatea hobetzeko partxe berdeak sortuko dituena”.
Eskualde honetako industrien % 80 ETEak dira, eta “digitalizazio plan bat ezarriko dugu, Medellinen gaitasun teknologikoak beste udalerri batzuetara zabalduz”. Proiektu horri softwarearen haranaren estrategia deitu zaio.
Klusterren plana
Eleonora Betancur, Medellineko Inbertsiorako Lankidetza Agentziako (ACI) zuzendari exekutiboa, atzerriko inbertsioentzako aukerez mintzatu da. “Burtsan balio handiena duten Kolonbiako 20 enpresatik bederatzi eremu honetan kokatuta daude”. Betancur-ek klusterren plana azaldu du eta aipatu duenez, “zazpi elkarte desberdin daude, indar gehigarri bat direnak”.
Horrez gain, “gure talentua ere potentzialtasun handia da: 20 eta 39 urte bitarteko 1,3 milioitik gora gazte dauzkagu” esan du, azpimarratuz teknologia eta berrikuntza plan bat duen Kolonbiako eskualde bakarra direla.
Medellineko ACIko zuzendariak aipatu duenez, teknologia sektorean “potentziala ikusten dugu euskal enpresentzat, 2.124 enpresako sarea dugularik. Gure apustua da softwarearen haran bihurtzea, bertan landuz adimen artifiziala, gauzen interneta, big data…”.
Eleonora Betancur-ek gaineratu du badagoela inbertsiorako aukera handiak eskaintzen dituen beste sektore bat, hain zuzen industria sortzailea, zeinak 33.000 langile enplegatzen baititu eskualde hartan.
Betancur-en arabera, Kolonbiako eremu honetan inbertitzeko faktore erakargarrienak dira “jarduera-maila altua, berrikuntza eta talentua, eta negozioetarako giro aproposa”.
Alejandro Delgado berrikuntza digitaleko aholkulariak hizpide hartu du Internet hobetzeko plana, zeinak 18 megako batez besteko abiadura baitu, Espainiako 100 megakoaren aldean. 431 milioi euroko inbertsio bat egin nahi dute ekimen pribatuaren bitartez. 2022tik aurrera autobide digital hori eraiki nahi dugu, eta aukera ona izan liteke inbertitzaileentzat”.
Mugikortasun arloko zuzendari Humberto Barredak Medellin ibaiaren korridoreko proiektua aurkeztu du, zeinaren helburua baita ibilgailu mota bakoitzerako bide-zirkulaziorako erreiak jartzea kudeaketa adimendunaren bidez. “Trafiko mota bat edo bestea lehenesteko uneak zehaztu nahi ditugu. Hau da, mugikortasunaren garuna sortu nahi dugu hirian”.
Hona hemen jardunaldi osoa:
Lotutako albisteak
Lehengaien Nazioarteko Behatokia 2025ean petrolioaren prezioa progresiboki murriztuko dela aurreratu du Lehengaien Behatokiak
Basque Trade & Investmentek Estatu Batuen muga-zergek eta Txinako ekonomiaren dezelerazioak merkatu global honetan izango duten eragina aztertu du azken Behatokian.
Indiako automozioa: Indiak hub estrategikotzat duen posizioa indartu du automobilgintzako industria globalean
Basque Trade & Investmenten azken txostenak Asiako herrialde horretan jarduteko interesa duten euskal enpresek aurki ditzaketen aukerak eta erronkak aztertu ditu.
Argentinako Vaca Muerta hobian, 35.500 milioi dolarreko inbertsioak aurreikusi dira datozen urteetarako gas naturalaren arloan
Basque Trade & Investmentek merkatu horrek eskaintzen dituen aukerak aztertu ditu bere azken ohar teknikoan, izan ere, mundu osoko mailan shale oil eta shale gas delakoen erreserbarik handienetakoa da.
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...
BT&I-ren Nazioarteko Behatokia: Hazkunde ekonomiko apalak eta tentsio globalek 2025eko lehen seihilekoa baldintzatuko dute
BasqueTrade-ren Nazioarteko Behatokiaren edizio berriak 2024ko laugarren hiruhilekoko egoera politiko-ekonomiko globala aztertzen du eta, aldi berean, hazkundearen eta joeren aurreikuspenak eskaintzen ditu.