Indiako energia eolikoaren txostena
India munduko seigarren ekonomiarik handiena da, hirugarren herrialdea energia-eskariari dagokionez, Txinaren eta Estatu Batuen atzetik, eta energia-eskaria handitzen ari da. Indiako gobernuak 2030erako 450 GW energia berriztagarri izateko helburua ezarri du; beraz, nahiz eta gaur egun mix energetikoan iturri termikoak nagusi izan, energia berriztagarriek 2030erako mix % 50 hartzea espero da, energia fotovoltaikoaren eta eolikoaren garapen handiak bultzatuta.
Proiekzioen arabera, 38 GW-eko ahalmen eolikoa instalatuko da hurrengo 8 urteetan, gero eta erritmo handiagoan, 2030ean urteroko 6 GW-7 GW-ra irits daitekeena, azken urteetan urtero instalatutako 1,5 GW-2 GW-koa izan ostean. Ahalmen txikiagoa den hau, batez ere, enkante-sistemaren aldaketaren ondorioa da, hain tarifa baxuen eskaintza eragin baitu, non proiektuen errentagarritasuna murriztu egin baita.
Indiako merkatu eolikoak mundu mailako enpresa nagusietako asko ditu, urtean 10 GW inguru sortzeko gaitasuna dutenak, eta tokiko merkatuaren uzkurduraren aurrean, India turbinak eta osagaiak esportatzeko hub handi bat bihurtu da. Merkatuan presentzia izateko, produkzio-ezarpena gomendagarria da, eta oso lagungarria izan daiteke tokiko bazkide bat izatea ere; izan ere, gutxienez osagai askoren produkzioaren % 80 lokalizatu behar da, baina beste osagai batzuen inportazioa (batez ere, espezializatuena) beharrezkoa da oraindik ere. Sartzeko oztopoek barne hartzen dute merkatuaren eskakizun handia, lehiakide kopuru handia dagoelako, bai eta ezartzeko fase goiztiarretan bolumen handiak hornitzeko beharra ere, merkatuaren gorabeherei erantzuteko behar den malgutasunaz gain. Beste oztopo batzuk ziurtagiriak lortzeko egin beharreko izapideak dira, baita araudiaren konplexutasuna eta oztopo kulturalak ere. Muga-zergen eta zergen arloko legeria aztertzea ere zaila da, eta, beraz, komeni da adituen aholkularitza izatea.
Euskal enpresentzako aukerei dagokienez, nabarmentzekoa da Indian ezartzeak eskaintzen duen erakargarritasuna esportazio aukerak direla eta. Gainera, ahalmen handiagoko turbinak fabrikatzeko gero eta eskari handiagoa dagoenez, 3 tonatik gorako galdaketa-piezen eskaria sortuko da. Horretaz gain, aldaketa-kutxen kasuan, India hub globala bihurtzen ari da osagai horiek fabrikatzeko ere, munduko produkzioaren % 10-a hornituz. Sorgailuen ekoizpena ere lehiakorra da Indian, baina oraindik erronka handia da lehengai egokiak eskuratzea. Azkenik, tokiko merkatuari dagokionez, nabarmendu behar da parke kopuru handi batek modernizazioa behar duela edo, beharbada, berrindartzeko politikak bultzatu egingo dira. Itsasoko teknologia eolikoari dagokionez, industria bultzatzeko ahaleginak egiten ari diren arren, Indiak batez ere lurreko energia eolikoaren merkatua izaten jarraitzea aurreikusi da, Indiako merkatua kostuekiko oso sentikorra delako eta balio-katearen garapenean mugak daudelako.
Txosten osoa hemenere eska dezakezu.
Lotutako beste txosten batzuk:
- Energia Eolikoaren Behatokia munduan
- Brasilgo Energia Eolikoaren merkatuaren azterketa
- Poloniako Energia Eolikoaren merkatuaren azterketa
- AEBko energia eolikoaren merkatuaren analisia
- Errusiako Energia Eolikoaren merkatuaren azterketa
- Energia berriztagarrien merkatu txinatarraren azterketa
Lotutako albisteak
BT&I-ren Nazioarteko Behatokia: Ekonomia globala % 2,5 haziko da 2025ean, AEBetako politika eta muga-zergen ziurgabetasunaren eraginpean
Basque Trade & Investmentek Nazioarteko Behatokiaren azken edizioan argitu duenez, hazkunde ekonomikoa Estatu Batuetako merkataritza-politikaren gogortzeak markatuko du, beste faktore batzuen artean.
Maroko, Ipar Afrikako automobilgintzaren hub estrategiko nagusia
Basque Trade & Investmenten azken txostenak Afrika iparraldeko automobilgintzaren sektorea aztertu du, euskal enpresei eskaintzen dizkien aukerak barne.
Australia, merkatu estrategikoa energia, teknologia eta garraio arloetan euskal enpresentzat
Australia lehentasunezko merkatua bihurtu da Eusko Jaurlaritzaren nazioartekotze-estrategian. Ekonomia sendoa eta merkatu heldua dituen herrialdea da, baina euskal enpresen presentzia mugatua du oraindik. Hala ere, haren erakargarritasuna sektore estrategikoetan eskaintzen dituen negozio-aukerei esker mantendu da.
AEBko industria aeroespaziala: hazkundea eta erronkak
AEBko merkatu aeronautikoak oso erakargarria izaten jarraitzen du, eta etengabe handitzen ari da, bidaiarien eta merkantziaren trafikoaren gorakada dela eta. Aukera handiak daude teknologia berritzaileak eskaintzen dituzten euskal enpreseentzat; bereziki, erregaiaren eraginkortasunean eta isurpenen murrizketan zentratuta dauden horientzat.
Lehengaien Nazioarteko Behatokia 2025ean petrolioaren prezioa progresiboki murriztuko dela aurreratu du Lehengaien Behatokiak
Basque Trade & Investmentek Estatu Batuen muga-zergek eta Txinako ekonomiaren dezelerazioak merkatu global honetan izango duten eragina aztertu du azken Behatokian.
Indiako automozioa: Indiak hub estrategikotzat duen posizioa indartu du automobilgintzako industria globalean
Basque Trade & Investmenten azken txostenak Asiako herrialde horretan jarduteko interesa duten euskal enpresek aurki ditzaketen aukerak eta erronkak aztertu ditu.
Argentinako Vaca Muerta hobian, 35.500 milioi dolarreko inbertsioak aurreikusi dira datozen urteetarako gas naturalaren arloan
Basque Trade & Investmentek merkatu horrek eskaintzen dituen aukerak aztertu ditu bere azken ohar teknikoan, izan ere, mundu osoko mailan shale oil eta shale gas delakoen erreserbarik handienetakoa da.
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...
Brasilgo industria siderurgikoari buruzko txostena: funtsezko merkatua euskal enpresentzat
Basque Trade & Investment-ek, sektore estrategiko horren egungo egoera aztertzen du bere azken txostenean, merkatu horretan sartu nahi duten euskal enpresei informazio erabilgarria emateko edo bertan duten presentzia indartzeko.
Behatoki Aeroespazialaren hirugarren edizioak pandemiaren osteko abiazioaren errekuperazio progresiboaren kontsolidazioa islatzen du
Euskal enpresek eskura dute jada Behatoki Aeroespazialaren hirugarren edizioa, Basque Trade & Investment-ek (BasqueTrade) SPRI Taldean sartuta dagoen euskal enpresen nazioartekotze enpresarialerako agentziak egina. Txosten estrategiko honek abiazio zibilaren merkatu globalaren bilakaera aztertzen du, sektoreko enpresen lehiakortasuna bultzatzeko funtsezko datuak eskainiz.