Industria aeroespaziala eta energia berriztagarriak, Euskadirentzat aukera gehien duten Kanadako sektoreen artean
Kanada lehentasunezko herrialdeetako bat da Eusko Jaurlaritzaren 2021etik 2024ra bitarteko nazioartekotze-estrategian; horregatik, Basque Trade & Investmentek (BasqueTrade) SPRI Taldean integratutako euskal enpresak nazioartekotzeko agentziak bulego bat ireki du berriki Montrealen .
Kanadako esportazio-ahalmena aprobetxatzeko asmoz, BasqueTradek txosten bat egin du, Kanadako euskal enpresentzat negozio-aukera handienak dituzten sektoreak sakon aztertzeko. Horretarako, sektore hauek aztertzen ditu: merkatuaren egoera, inportazioak, balio-kateak, aukerak eta eskuratzeko modua:
- Aeroespaziala
- Energia berriztagarriak
- Gailu medikoak
- Informazioaren teknologiak
- Telekomunikazioak
Txosten hori BasqueTradek Kanadako Enbaxadarekin batera antolatutako ekitaldi batean eman zen ezagutzera. Bertan izan dira Mikel Amundarain, Eusko Jaurlaritzako Ekonomiaren Garapen, Iraunkortasun eta Ingurumen Saileko Industria sailburuordea; Wendy Drukier, Espainiako Kanadako enbaxadorea eta Andorra de Fernando Goñi, Espainiako merkataritza arloko enbaxadorea.
Jardunaldian izan dira, halaber, VIRTUALWAREko zuzendari nagusia den Unai Punta eta INGETEAMeko Hydro sektoreko zuzendari nagusia den Iñigo Otegi. Biek partekatu dute beren zerbitzuak Ipar Amerikako herrialdera zabaltzeko esperientzia, baita merkatu dinamiko horretan finkatzeko aurre egin behar izan zieten erronkak ere.
Eusko Jaurlaritzako Ekonomiaren Garapen, Iraunkortasun eta Ingurumen Saileko Industria sailburuordeak IKTen alorrean Euskadik duen potentziala nabarmendu du: “Gure enpresak berrikuntza teknologikoaren abangoardian daude, zibersegurtasuneko, IAko eta errealitate birtualeko puntako irtenbideak garatuz, Kanadan merkatu hartzailea eta dinamikoa aurki dezaketenak”, adierazi du.
Laburpen exekutiboa HEMEN deskarga daiteke
Ohar tekniko osoa, HEMEN
Lotutako albisteak
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...
BT&I-ren Nazioarteko Behatokia: Hazkunde ekonomiko apalak eta tentsio globalek 2025eko lehen seihilekoa baldintzatuko dute
BasqueTrade-ren Nazioarteko Behatokiaren edizio berriak 2024ko laugarren hiruhilekoko egoera politiko-ekonomiko globala aztertzen du eta, aldi berean, hazkundearen eta joeren aurreikuspenak eskaintzen ditu.
Brasilgo industria siderurgikoari buruzko txostena: funtsezko merkatua euskal enpresentzat
Basque Trade & Investment-ek, sektore estrategiko horren egungo egoera aztertzen du bere azken txostenean, merkatu horretan sartu nahi duten euskal enpresei informazio erabilgarria emateko edo bertan duten presentzia indartzeko.
Behatoki Aeroespazialaren hirugarren edizioak pandemiaren osteko abiazioaren errekuperazio progresiboaren kontsolidazioa islatzen du
Euskal enpresek eskura dute jada Behatoki Aeroespazialaren hirugarren edizioa, Basque Trade & Investment-ek (BasqueTrade) SPRI Taldean sartuta dagoen euskal enpresen nazioartekotze enpresarialerako agentziak egina. Txosten estrategiko honek abiazio zibilaren merkatu globalaren bilakaera aztertzen du, sektoreko enpresen lehiakortasuna bultzatzeko funtsezko datuak eskainiz.
Nazioarteko merkataritzak maximo historiko berriak lortu ditu 2024an, testuinguru global tentsionatu batean
Nazioarteko Merkataritzaren Behatoki berriaren bitartez, BasqueTrade-k ziurgabetasun politikoak markatutako merkatu globalaren egungo egoera aztertzen du, nazioartekotutako euskal enpresei informazio estrategikoa eskaintzeko.