Intergune 2018. Ekialde Ertaina: Arabiar Emirerri Batuak, Golkoko Lankidetza Kontseiluan lan egiteko hub gisa
Aukerak eta erronkak Arabiar Emirerri Batuetako merkatuetan
Arabiar Emirerri Batuak (AEB) Golkoko Lankidetza Kontseiluko (GLK) herrialdeetara sartzeko operazioen gune bihurtu dira azken urteotan, eta trebezia handiz posizionamendu aparta lortu dute finantza, merkataritza zein logistika arloetako “hub” gisa Ekialde Ertaineko eragin-eremu zabal baterako. Eremu horrek gaur egun Afrika eta Asiako zenbait herrialde ere barne hartzen ditu.
Gai direnez negozio-aukera handiak sortzeko ekimen berriak garatzean, aukera-iturri oparoa dira gure inguruko enpresa aurreratuenentzat, zeintzuei ezinbestekoa baitzaie errealitate berri hori ezagutzea eta merkatu horietan eskaintzea beren produktu eta zerbitzu lehiakorrak.
Boris Ritter-ek, Basque Trade and Investment agentziak AEBetan duen aholkulariak, hizpide izan zituen Emirerrien ezaugarriak eta berezitasunak, batez ere Saudi Arabiarenak, berak baitu ekonomia indartsu eta garatuena.
Une honetan ekonomia indartsua dauka, aukera handiak eskaintzen dituena euskal enpresentzat, bai eraikuntza sektorean (azpiegitura handiak eraikitzen ari da), eta bai turismo eta ostalaritzakoan.
Saudi Vision 2030 bezalako proiektu instituzionalek helburutzat dute herrialdearen ekonomia egituratzea sektore pribatuari eta gobernuaren ekimenei zabalduz, horrela petrolio industriarekiko menpekotasuna (BPGaren %80) ordezkatzeko.
Mega-inbertsioen eredu da orobat Dubai Expo 2020 proiektua, Dubaik munduari erakutsi nahi dion proiekzio berriaren plataforma izango dena, eta baita ere bere erreforma ekonomikoen oinarria, hartarako sortuz beharrezkoak diren azpiegitura berriak eta horiek sostengatzeko zerbitzuak. Oraindik lizitazio asko geratzen dira esleitzeko, eta interesatuta dauden euskal enpresek Internet bidez eman dezakete izena ekitaldi horren web orrian (https://expo2020dubai.ae).
Berriztagarriak 2020 Programaren helburua da %25eko ordezkatze-portzentajea lortzea (gaur egun %10erainokoa da).
Sektorean hain garrantzitsuak diren Arteche bezalako euskal enpresak modu aktiboan ari dira parte hartzen Emirerrietako energia elektrikoaren garapenera bideratutako proiektu handietan.
Badira jarduera eta pisu handiko beste sektore batzuk ere, horietako bat “utilities” hornitzaileena, hau da, gas, argindar, ur edo autopista zerbitzu publikoak eskaintzen dituzten konpainiena. Hondakinen kudeaketa edo uren tratamendua, eskaera handiko sektoreak dira.
Bestalde, Grupo Dorlet, S.A. taldeko zuzendari nagusi Aitor Goikoetxeak eskualde horretan duten ezarpen-proiektua aurkeztu zuen, esanez haren barruan martxan jarri dutela Dubain bulego bat 2013tik hona arrakastaz ari dena lanean, eta baita ere azaldu zituen merkatu garrantzitsu horrek segurtasun integralean espezializatutako bere enpresarentzat izan dituen abantailak eta desabantailak.
Lotutako albisteak
Lehengaien Nazioarteko Behatokia 2025ean petrolioaren prezioa progresiboki murriztuko dela aurreratu du Lehengaien Behatokiak
Basque Trade & Investmentek Estatu Batuen muga-zergek eta Txinako ekonomiaren dezelerazioak merkatu global honetan izango duten eragina aztertu du azken Behatokian.
Indiako automozioa: Indiak hub estrategikotzat duen posizioa indartu du automobilgintzako industria globalean
Basque Trade & Investmenten azken txostenak Asiako herrialde horretan jarduteko interesa duten euskal enpresek aurki ditzaketen aukerak eta erronkak aztertu ditu.
Argentinako Vaca Muerta hobian, 35.500 milioi dolarreko inbertsioak aurreikusi dira datozen urteetarako gas naturalaren arloan
Basque Trade & Investmentek merkatu horrek eskaintzen dituen aukerak aztertu ditu bere azken ohar teknikoan, izan ere, mundu osoko mailan shale oil eta shale gas delakoen erreserbarik handienetakoa da.
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...
BT&I-ren Nazioarteko Behatokia: Hazkunde ekonomiko apalak eta tentsio globalek 2025eko lehen seihilekoa baldintzatuko dute
BasqueTrade-ren Nazioarteko Behatokiaren edizio berriak 2024ko laugarren hiruhilekoko egoera politiko-ekonomiko globala aztertzen du eta, aldi berean, hazkundearen eta joeren aurreikuspenak eskaintzen ditu.