Italiako Automobilgintza Industria: Italiako automobilgintzarako bilakaera, hazkundearen gakoak eta aurreikuspenak
Italiako automozioaren sektorea bere ekonomiaren zutabe estrategikoa da, 86,2 mila milioi euroko negozio-bolumenarekin eta balio-kate globaletan integrazio handiarekin. Europan ibilgailuen ekoizpenean seigarren postuan eta mundu mailan hemeretzigarrena den arren, azken hamarkadetan behera egin du bere ekoizpenak. Joera horri buelta emateko, Stellantis bezalako fabrikatzaileek negozio aukera berriak ireki ditzaketen biziberritze planak jarri dituzte martxan.
Sektorearen egitura eta ibilgailuen ekoizpena
Italiak ekosistema industrial zabala du, 5.528 enpresa eta 273.600 enplegu zuzen eta zeharkako baino gehiago dituena balio-kate osoan. Herrialdeak funtsezko teknologia-zentroak ditu, eta esportazioaren ikuspegi sendoa du: 38 mila milioi euro saldu dira nazioarteko ibilgailu- eta osagai-salmentetan 2022an. Bere azpiegitura logistiko finkatuak Europako merkatuan banaketa errazten du, eta horrek atzerriko enpresentzat duen erakargarritasuna indartzen du. Sektorea bi segmentu nagusitan banatzen da:
Ibilgailu-fabrikatzaileak (OEM)
Stellantis da buru , ekoizpen nazionalaren % 88arekin. Herrialdean 32 produkzio planta daude, horietatik 16 mihiztatzekoak dira, eta guztira 1,4 milioi ibilgailuko edukiera dute. Horietatik, 14k modelo elektrifikatuak egin ditzakete, eta 4k funtsezko osagaiak ere ekoizten dituzte, hala nola bateriak eta motorrak. Horrez gain, osagaiak bakarrik fabrikatzen dituzten 6 instalazio eta I+Gko 6 zentro daude (4 Stellantisekoak, 1 Lamborghini-koa eta 1 Porsche-koa).
Osagaien fabrikatzaileak (Tier 1 eta Tier 2)
Segmentu honek 2.200 enpresa inguru barne hartzen ditu, 158.700 pertsona enplegatzen dituztenak eta 49 mila milioi euro fakturatzen dituztenak. Sektoreko konpainiak funtsezko lau eskualdetan biltzen dira nagusiki: Piamonte, Emilia-Romaña, Lombardia eta Abruzzo. Horrek automobilgintzaren hornikuntza-kate globaleko funtsezko nodo bihurtzen du Italia.
Elektrifikazioaren aurrerapena eta sektorearen eraldaketa
Italia aurrera egiten ari da elektrifikaziorako eta mugikortasun jasangarrirako trantsizioan, eta enpresen % 80k epe laburreko ingurumen-estrategiak hartzen edo planifikatzen ditu. Hauek dira sektorearen lehentasunak: powertrains eraginkorragoak garatzea, ibilgailu hibridoak eta elektrikoak haztea eta modeloen pisua murriztea materialetan berrikuntzak eginez.
Testuinguru horretan, Stellantisek hainbat ekimen jarri ditu martxan mugikortasun jasangarriaren aldeko apustua indartzeko. Nabarmentzekoa da Turinen Baterien Teknologia Zentroa sortu dela. 40 milioi euroko proiektua da, eta etorkizuneko automobilgintzarako teknologia aurreratuak garatzera bideratuta dago. Halako inbertsioek Italia eragile garrantzitsu bihurtzen dute elektrifikazioaren esparruan, eta lankidetzarako eta inbertsiorako aukera berriak irekitzen dizkie hornitzaile espezializatuei.
Erronkak eta aukerak Italiako merkatuan
Nahiz eta ekoizpen nazionalak beheranzko joera izan, Italiako merkatuak aukera estrategikoak eskaintzen jarraitzen du osagaiak, teknologia eta elektrifikaziorako soluzioak hornitzen dituzten enpresentzat. Stellantisek urtean milioi bat unitatera iritsi arte produkzioa berraktibatzeko egin duen apustuak atea ireki dio hornidura-katea hedatzeari, eta behar berriak sortu ditu bateria-sistemetan, motor elektrikoetan, elektronika aurreratuan eta material arinetan, besteak beste.
Bestalde, sektorearen bilakaerak zenbait erronka ditu, batez ere bigarren mailako hornitzaileen segmentuan, suspertze motelagoa izan baitute. Gainera, fabrikatzaile batzuek zailtasunak izan dituzte elektrifikaziora egokitzeko, aldaketa teknologikoaren konplexutasunagatik eta behar diren inbertsioengatik.
Hala ere, Italia funtsezko merkatu gisa mantentzen da Europa barruan, ez bakarrik bere ekoizpen ahalmenagatik, baita bere esportazio joera indartsuagatik eta bere azpiegitura industrialagatik ere.
Euskal Automobilgintza Sektorearen Nazioartekotzea Italian
Italiako Automobilgintza sektoreari buruzko txosten osoa, tresna estrategikoa da euskal enpresentzat, Italiako automobilgintza sektorean negozio-aukerak identifikatzeko. Italiak balio-kate globalarekin duen integrazio sendoa eta industria-gune estrategikoak eskaintzen ditu, eta BasqueTrade-ren Milaneko bulegoaren irekierak euskal enpresen nazioartekotzea errazten du, harreman komertzialak eta inbertsio-aukerak sustatuz Lombardian eta Piamonten.
Italia elektrifikazioan eta jasangarritasunean aurrera egiten ari da, eta bertako enpresen %80k ingurumen-estrategiak ezarri edo planifikatu dituzte. Honek ibilgailu elektrikoak, osagai berritzaileak eta material arinak garatzeko aukerak zabaltzen ditu, eta horiei buruzko analisia Italiako ingurumen-merkatuari buruzko txostenean aurki daiteke. Horrez gain, CES eta Auto Shanghai bezalako nazioarteko azokak funtsezko plataformak dira joera teknologiko berriak ezagutzeko eta merkatu estrategikoekin harremanak sendotzeko.
Asiako fabrikatzaileen presentzia gero eta handiagoa da Europan, lehiarako erronka bat sortuz, baina aldi berean, euskal industriarentzat soluzio teknologiko aurreratuak garatzeko aukera bat ere bada. Automobilgintza sektoreko Berri eta aukerak uneoro ezagutzeko, enpresek SPRIren buletinean harpidetu eta informazio estrategikoa jaso dezakete.
Hemen ere eska dezakezu txosten osoa.
Zerikusia duten beste txosten batzuk:
- BT&I-ko Automobilgintzaren Behatokia: Munduko automozioaren sektoreari buruzko txostena
Basque Trade & Investmenten Automozio Behatokiak nabarmendu duenez, 2024an salmenten susperraldi globala gertatuko da, nahiz eta ekoizpena %2 jaitsiko den 2023ko datuekin alderatuta. Asia eta Ipar Amerika dira hazkundearen buru; Europak, berriz, ziurgabetasunean jarraitzen du. Merkatu gakoetan dauden euskal enpresentzako aukerak identifikatzen dira, batez ere ibilgailu elektriko eta hibridoetan, Txina eta Ipar Amerikarekin ekoizpena handituz. - Japoniako automobilgintza-merkatuaren azterketa
- Turkiako automobilgintza-merkatuaren azterketa
- Mexikoko automobilgintza-merkatuaren azterketa
- Txinako automobilgintza-merkatuaren azterketa
- Brasileko automobilgintza-merkatuaren azterketa
- Marokoko automobilgintza-merkatuaren azterketa
- Argentinako automobilgintza-merkatuaren azterketa
- Indiako automobilgintza-merkatuaren azterketa
- Txinako sektore automotrizak Europan duen azkundeari buruzko oharra
- Ibilgailu astunen elektrifikazioari buruzko txostena
Lotutako albisteak
AEBko industria aeroespaziala: hazkundea eta erronkak
AEBko merkatu aeronautikoak oso erakargarria izaten jarraitzen du, eta etengabe handitzen ari da, bidaiarien eta merkantziaren trafikoaren gorakada dela eta. Aukera handiak daude teknologia berritzaileak eskaintzen dituzten euskal enpreseentzat; bereziki, erregaiaren eraginkortasunean eta isurpenen murrizketan zentratuta dauden horientzat.
Lehengaien Nazioarteko Behatokia 2025ean petrolioaren prezioa progresiboki murriztuko dela aurreratu du Lehengaien Behatokiak
Basque Trade & Investmentek Estatu Batuen muga-zergek eta Txinako ekonomiaren dezelerazioak merkatu global honetan izango duten eragina aztertu du azken Behatokian.
Indiako automozioa: Indiak hub estrategikotzat duen posizioa indartu du automobilgintzako industria globalean
Basque Trade & Investmenten azken txostenak Asiako herrialde horretan jarduteko interesa duten euskal enpresek aurki ditzaketen aukerak eta erronkak aztertu ditu.
Argentinako Vaca Muerta hobian, 35.500 milioi dolarreko inbertsioak aurreikusi dira datozen urteetarako gas naturalaren arloan
Basque Trade & Investmentek merkatu horrek eskaintzen dituen aukerak aztertu ditu bere azken ohar teknikoan, izan ere, mundu osoko mailan shale oil eta shale gas delakoen erreserbarik handienetakoa da.
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...