Izar enpresaren Frantziako merkatuko salmentak  % 24 hazi ziren 2021ean

Izar enpresaren Frantziako salmentak % 24 hazi ziren joan den ekitaldian. Frantziako merkatua oso exijentea da, baina euskal konpainia merkatu horretako hornitzaile garrantzitsua da duela hainbat urtetik, zerbitzu bikaina eskaintzen duelako: kalitatezko produktua, prezio oso lehiakorra eta stock-aren kudeaketa egokia (beti dago eskuragarri).

Izar euskal fabrikatzailearen indarguneetako bat da bere zerbitzu logistikoari esker lortu duen bikaintasun-maila. Inbertsioak eta hobekuntza logistikoak bultzatzera bideratutako bere etengabeko politika dela medio, gai da egunean zerbitzatutako lineen % 99ko produktu-banaketa lortzeko.

Izar-ek gero eta bezero gehiago eta garrantzitsuagoak ditu Frantzian, eta bezeroari ematen dion zerbitzuaren eta arretaren isla da hori. Hain zuzen, Zornotzako konpainiak emaitza bikainak lortu ditu bi puntu horietan duela gutxi egin duen asebetetze-inkestan.

Bere aurtengo kanpainak bi jomuga ditu. Batetik, merkatu industrial eta teknikoago bat, eta bestetik, eraikuntzaren ingurune profesionala. Gainera, nobedade ugari ditu eskuartean, zeintzuen artean aipagarriak baitira erabiltzaile tekniko eta exijenteenei zuzendutako Metal Gogorretarako tresnak, composite-entzako fresagailu bereziak eta errendimendu handiko hiru hortzeko barautsak dituztenak.

Arlo profesionalean, nabarmentzekoa da ebaketarako olio gama osoa berritu duela, eta ahalegin handia egin duela azken belaunaldiko xaflatxo eta xaflatxo-eramaileen gama zabaltzeko.

Lotutako albisteak

4 uztaila, 2024 Nazioartekotzea

60 herrialde baino gehiagoko laborategiek IDM Testen teknologia erabiltzen dute

Irakurri gehiago

3 uztaila, 2024 Basque Trade & Investment

BasqueTrade-k automobilgintzaren nazioarteko merkatuko azken berrikuntzak aurkeztu ditu

Irakurri gehiago

3 uztaila, 2024 Basque Trade & Investment

Automozioaren euskal sektorea negozio-aukera berriak aztertzen ari da Txinan

Irakurri gehiago

1 uztaila, 2024 Basque Trade & Investment

Europar Batasunak Errusiari ezarritako zigorrak indartu ditu, energia, finantza eta garraioan debeku berriak ezarriz

Irakurri gehiago

1 uztaila, 2024 Nazioartekotzea

Zentenek iturgintzarako esku-tresnen merkatuko erreferente bihurtzearen aldeko apustua egin du

Irakurri gehiago

Joan blog-era