Nazioartekotzeko Euskal Agentzia bitartekari aritu da euskal enpresek Findeter bankuaren proiektuak eskuratu ditzaten Kolonbian
Hamar bat euskal konpainiatako ordezkariek bilerak egin zituzten Kolonbiako hirietako garapen bankuko zuzendaritza-karguekin.
SPRI Taldean integratutako Nazioartekotzeko Euskal Agentziak lan-gosari bat antolatu zuen joan den ekainaren 7an, Kolonbian, han kokatutako euskal enpresek aukera izan dezaten Findeter-ek (Kolonbiako hirietako garapen bankuak) bultzatutako proiektuak eskuratzeko. Eusko Jaurlaritzak, bere enpresen garapeneko agentziaren bitartez (SPRI Taldea), harremana du Findeter bankuarekin 2012tik, eta 2015ean sinatu zuen hiri gorakor eta sostengarriei laguntzeko lehen hitzarmena.
Kolonbian kokatutako hamar bat enpresak parte hartu zuten topaketa horretan: Tecnalia, Saitec, Sener, Idom, Lavola, Elecnor, Eko3R eta Emotion Activity-k. Bestalde, Findeter bankuaren ordezkari bezala joan ziren lurralde garapeneko presidenteorde Saira Alejandra Samur eta sostengarritasun kudeatzaile Catalina Cárdenas.
Bileran argi gelditu zen Kolonbian kokatutako euskal enpresek aukera asko dituztela Findeter bankuaren garapen proiektuetan, esaterako, Bogota eta Medellin hirietako eta Karibe inguruko burdinbide proiektuetan. Euskal konpainiak kexu agertu ziren Findeter bankuaren kontratazio-irizpide batzuekin eta erakundeko ordezkariek konpromisoa hartu zuten irizpide horiek berrikusi eta hobetzeko.
Lotutako albisteak
Euskal sektore aeroespazialak loturak estutu ditu Estatu Batuetako industriarekin
Euskadiko enpresa eta zentro teknologikoen ordezkaritza batek Estatu Batuak bisitatu ditu sektorearen egungo egoera ezagutu eta herrialdeko eragile estrategikoekin harreman berriak finkatzeko
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.