Euskal enpresek badute jadanik autodiagnostikorako tresna bat jakiteko zenbateraino dauden prestatuta Brexiterako
eus plataforman instalatuta dago
Eusko Jaurlaritzak tresna berri bat jarri du martxan, euskal enpresek autodiagnostiko bat egin dezaten jakiteko prestatuta ote dauden Brexitak ekar ditzakeen eszenatoki desberdinei aurre egiteko. Aplikazioa, Arantxa Tapia sailburuak urte hasieran iragarri zuena, instalatuta dago SPRI Taldean integratutako Nazioartekotzeko Euskal Agentziaren brexit.eus plataforman.
Nazioartekotzeko Euskal Agentziak tresna hori diseinatu du ETEek errazago neurtu dezaten Brexitarekiko duten heldutasun- eta esposizio-maila, eta lagungarri izan dadin kontingentzia-plan indibidual baten oinarriak ezartzeko, zeina ezinbestekoa baita Brexitaren arriskuak murrizteko.
Autodiagnostikoko tresnak bultzada bat ematen die enpresei prest egon daitezen Brexit-aren inpaktu eta erronkei aurre egiteko, eta enpresa bakoitza ebaluatzen du bost eredu giltzarri hauen arabera: Estrategia eta Negozio-eredua, Fiskalitatea eta Aduanak, Lege eta Araudien markoa, Antolakuntza eta Pertsonak, eta Finantza-markoa.
Era berean, aplikazio honek gai giltzarri zenbaiti buruzko gomendio espezifikoak ematen dizkio enpresa bakoitzari txosten indibidualizatu baten bitartez, zeina galdetegian emandako erantzunen arabera osatzen baita.
Laburtuz, Eusko Jaurlaritzak tresna bat eskaini die euskal enpresei jakiteko zein den euren heldutasun- eta esposizio-maila Brexitarekiko, sektore edo tamaina bereko beste enpresa batzuekin alderatuta.
Enpresek dohainik erabili dezakete tresna hau, baina aurretik erregistratu egin behar dira, batetik, antolakundearen oinarrizko identifikazio-datuak izateko, eta, bestetik, enpresaren oinarrizko ezaugarriak ezagutzeko helburu estatistikoekin.
Heldutasuna ebaluatzeko galdetegiak 65 galdera ditu, atal hauetan banatuta:
- Estrategia eta negozio-eredua
- Arriskuekiko kalteberatasuna
- Arriskuetarako prestakuntza
- Fiskalitatea, aduanak eta legeak
- Esperientzia eta antolakundea
- Finantza-markoa
Euskal enpreseentzako autodiagnostiko, Brexit-aren aurrean ongi prestatuta egoteko.
Zure enpresa Brexiterako prest dago?
Lotutako albisteak
Euskal sektore aeroespazialak loturak estutu ditu Estatu Batuetako industriarekin
Euskadiko enpresa eta zentro teknologikoen ordezkaritza batek Estatu Batuak bisitatu ditu sektorearen egungo egoera ezagutu eta herrialdeko eragile estrategikoekin harreman berriak finkatzeko
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.