Litek Pharma, aplikazio biosanitarioetarako isolagailuen diseinuan eta fabrikazioan aditua
Litek Pharma, 2021ean sortutako euskal enpresa, prozesu kritikoetarako babes-soluzioak diseinatzen eta fabrikatzen dihardu. “Aplikazio askotarako isolagailuak diseinatzen eta fabrikatzen adituak gara; terapia aurreratuetarako isolagailuak, esterilitate-testerako isolagailuak, euste isolagailuak, etab.”, azaldu du Javier Alonsok, Litek Pharmako General Managerak.
Bizkaiko enpresak, batez ere, sektore farmazeutikoko bezeroentzat egiten du lan. “Batzuetan beste sektore batzuetako enpresekin ere egiten dugu lan, hala nola, ikerketakoak, ospitaleetakoak, bioteknologiakoak eta antzekoak”, dio Javier Alonsok. Enpresa merkatu globalera bideratuta dago, eta, beraz, bezeroak nazionalak nahiz atzerrikoak dira. “Latinoamerikan, Europan, Asian eta Afrikan ari gara proiektuak lantzen”, gehitu du Alonsok.
Negozio-aukera baten ondorioz, enpresak isolagailuen arloan lan egitea erabaki zuen. “Balio teknologiko handiko produktuak garatzeko aukera izan genuen, botika- eta bioteknologia-sektoreetara bideratuak”, azaldu du General Managerrak. Hain zuzen, “sektore horietan arreta jartzean, euskal polo industrial bat sortzen laguntzen dugu, lurraldean berrikuntzarekin eta aurrerapenarekin konprometituta dauden mundu mailako erreferentziazko enpresekin batera”, argitu du.
Litek Pharmak 20 profesional inguru ditu lantegiaren eta bulego teknikoaren artean. “Kualifikazio handiko taldea dugu, eta esperientzia handia dugu ekipoen fabrikazioaren sektorean”, azaldu du. Berrikuntza eta I+G eguneroko lanaren zati dira. “Esparru horiek landu eta garatzeko denbora eta baliabide asko inbertitzen ditugu merkatuaren eta bezeroen beharrak aztertzeko eta ulertzeko”, dio Alonsok. Enpresak hurbiletik lan egiten du bezeroekin, eta bere proiektuen beharretara egokitzen diren taldeak sortu nahi ditu. “Zuzenean ezagutzen ditugu merkatuan dauden beharrak, eta, horri esker, bezeroekin bat datozen irtenbide aurreratuak eta eguneratuak gara ditzakegu” adierazi du.
Etorkizunari begira, Ugao-Miraballesen egoitza duen enpresa lanean ari da nazioarteko erreferente izateko. Javier Alonsoren esanetan, “erreferenteak izan nahi genuke industriarentzako isolagailuen bidezko soluzioetan, prozesu aseptikoei eta euste-prozesuei aplikatuta eta irtenbide oso berritzaileekin”.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.
Euskadik eta Txinak merkataritza-harremanak indartu dituzte Yao Jing Enbaxadorearen bisitarekin
Jardunaldiak Txinako sektore estrategiko desberdinetako enpresen ordezkariak, Euskadiko kluster nagusiak eta Eusko Jaurlaritzako agintariak bildu ditu.