Mecanizados Baikor, 30 urte baino gehiago doitasunezko mekanizazioaren sektorean
Mecanizados Baikorrek, 30 urtetik gorako esperientzia duen enpresak, doitasunezko mekanizazioaren industriako liderren artean lekua egin du, moldeen, tresnen eta osagaien fabrikazioan soluzio integralak eskaintzen baititu, bai eta multzo eta azpimultzo pertsonalizatuen mihiztatzea ere. 18 langileko taldearekin eta material sorta zabal baten maneiuarekin, altzairuetatik plastikoetaraino, Baikorrek sektore askori ematen die zerbitzua, automobilgintzari, trenbideari, industriari, nekazaritzari, elikadurari, aeronautikari eta ekipo-ondasunei, besteak beste.
Mecanizados Baikorren historia 1992an sortu zen Arrasaten, mekanizazioaren munduan esperientzia handia duen profesional talde batek bultzatuta. Hasieratik, kalitate handiko produktuak prezio lehiakorretan eskaintzeko konpromisoa hartu zuen. 2003an, enpresak funtsezko urratsa eman zuen, Markulete industrialdeko egungo kokapenera aldatu baitzen, 1.500 metro koadroko instalazioetara. Aldaketa horri esker, gaitasuna zabaldu eta zerbitzuen kalitatea hobetu zuten.
Baina Mecanizados Baikorrentzat mugarri garrantzitsua izan zen erabaki bat badago, piezak 3D diseinuan fabrikatzeko makineria berria erostea da. “Teknologia berriak sartzearen eta gure produkzio-prozesua modernizatzearen aldeko apustu horrek ateak ireki dizkigu aeronautikaren sektore zorrotzerako“, azpimarratu du Martin Arzamendi Baikorreko zuzendariak. Beraz, erabaki estrategiko horri esker, Gipuzkoako enpresak hazteko eta merkatuan dibertsifikatzeko aukera izan zuen, eta bere produktuak Frantziara eta Alemaniara esportatzen hasi zen, “bi herrialdeetan bezero berriak sendotuz eta gure nazioarteko presentzia indartuz”, gaineratu du Arzamendik.
“Baikorren bikaintasunaren kultura sustatzen dugu, bai gure giza taldearen prestakuntzan, etengabeko hobekuntzako filosofiarekin, bai gure produktuen kalitatean. Esperientzia eta etorkizuneko anbizioa konbinatuta, merkatuaren eskaerak asetzeko behar den ekoizpen-gaitasunarekin batera, erreferentziazko enpresa gara gure sektorean, eta gure hurrengo urratsek ildo beretik jarraituko dute “, esan du Baikorreko zuzendariak.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.