Montajes Eléctricos Elca, nazioartean zabaldu nahi duen ETE gasteiztarra
Montajes Eléctricos Elca Gasteizko ETE bat da, 38 urte dituena eta hazi egin nahi duena Portugal eta Frantziako merkatuetan sartuz. Momentuz, bere bezero guztiak Arabakoak dira. Konpainiak SPRI Taldearen Zibersegurtasun Industrialeko programaren laguntza bat jaso du. Duela hiru urtetik, SPRIk Basque Cybersecurity Centre (BCSC) zentroaren laguntza du zibersegurtasunaren euskal ekosistema bultzatzeko eta, ondorioz, baita ere laguntza ekonomikoak banatzen dituen programa honetarako.
Elca 1984an sortu zen Gasteizko Betoño industrialdean, eta 2005ean Gamarrako industrialdera aldatu ziren, leku gehiago behar zutelako. “Argiztapen publikoko instalazio elektrikoak egiten ditugu, esaterako Gasteizko aireportuan, pabilioi industrialetan, eta abar, baina pixkanaka gure jarduera zabaltzen joan gara, eta orain industriarako instalazioak ere egiten ditugu. Gure bezero handiena Michelin da” dio Isabel Arrietak, enpresako finantza arduradunak.
Sortu zenetik, enpresak gora egin du etengabe. “2008ko krisia inflexio-puntua izan zen guretzat, zeren ordura arte enpresa eraikitzaileentzat lan egiten genuen, eta krisia iritsi zenean erabaki genuen arlo industrialeko bezero gehiago behar genituela”.
Administrazioarentzat eta enpresa pribatuentzat lan egiten dute. Boltaje baxu eta ertaineko instalazio elektriko industrialetarako zerbitzuak eskaintzen dituzte. “Instalazio elektrikoak egiten ditugu, eta baita ere industriarako koadro elektrikoak, eguzki xaflen instalazioak, ibilgailu elektrikoen kargak, energia eraginkortasuneko proiektuak… Horrez gain, Gasteizko Udalak ekitaldietarako kontratu bat esleitu zigun aspaldi, eta geuk egiten ditugu kontzertuetako instalazio elektrikoak”.
Bi pabilioi
Enpresak ibilgailu flota bat du (kamioiak eta furgonetak, igotze-bitartekoak), tailer propio bat koadro elektrikoak muntatzeko, stock-ak gordetzeko biltegi bat eta bi pabilioi Betoño eta Gamarran, 2.800 metro koadroko azalera dutenak.
Elca-k 25 langile ditu, eta 1,2 milioi euro inguru fakturatzen ditu urtean. Aurten ez dute aurreikusi I+G arloko inbertsiorik. Iaz laguntza bat eskatu zuten 5.0 industriako proiektu baterako, zehazki, makinen planoak irakurtzeko betaurreko berezi batzuk sortzeko. “Asmoa zen instalazioa ezagutu gabe lan egin ahal izatea. Zaila da instalazioen muntaiarako langile kualifikatuak aurkitzea, eta betaurreko horiekin planoak interpretatu daitezke ezagutza berezirik izan gabe. Baina ez genuen dirulaguntza lortu eta proiektua geldirik dago momentuz”.
SPRI Taldearen zibersegurtasun industrialeko programaren laguntzarekin sistema informatiko osoa aldatu dute, “2023. urtean ISO 27001 ziurtapena lortu ahal izateko. Proiektua garatuta daukagu jadanik SPRIren programaren laguntzarekin”.
Elca-k mugarri garrantzitsu bat lortu du aurten, joan den martxoan Donostiako Loyola Norte enpresak erosi baitzuen. “Enpresa gisa hazi nahi dugu, eta merkatu berriak ireki”. Izan ere, langile bila dabiltza plantilla handitzeko. “Helburua da langile gehiago hartzea, bezero berriak lortzea eta merkatuan jarraitzea. Gure fakturazio osoa Araban sortzen da gaur egun, baina muntaiak egin nahi ditugu Espainiatik kanpo ere, esaterako Portugalen eta Frantzian”.
Lotutako albisteak
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz