MYL, Europan erosketan
Buruen euskal fabrikatzaileak elektromandrinoetan espezializatuta dagoen konpainia italiar baten erosketa iragarri du
Makina-erremintako buruak ekoizten dituen MYL enpresa gipuzkoarrak SMZ konpainia italiarra erosi du. Hauxe da elektromandrinoen salmentan eta konponketan diharduen Italiako enpresarik garrantzitsuena. Mandrinoak deritzen ardatzak ekipoetan txertatzen dira, lanerako aparatu horiei errotazioa eragiteko.
Iazko urte amaieran gauzatutako salerosketa horren bidez, euskal enpresak ekoizpen-gaitasuna handitu eta elektromandrinoen eta fabrikazioaren arloko europar eragile nagusitzat duen posizionamendua bultzatu nahi du, Makina Erremintako Elkarteak (AFM) zabaldutako prentsa-oharraren arabera.
Lotutako albisteak
Euskal sektore aeroespazialak loturak estutu ditu Estatu Batuetako industriarekin
Euskadiko enpresa eta zentro teknologikoen ordezkaritza batek Estatu Batuak bisitatu ditu sektorearen egungo egoera ezagutu eta herrialdeko eragile estrategikoekin harreman berriak finkatzeko
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.