Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 2 uztaila, 2019 Nazioartekotzea BasqueTrade & Investment Multilateralak

Nazioarteko inbertsio publikoko proiektu pilotuetan parte hartzen duten euskal ETEentzako laguntzak

Proiekturaren kostuaren %51 arte eta 50.000 euro de gehieneko muga
Atzerriko Sarea

“Pilotu” horiek eskala txikian lortzen dituzten emaitzetan oinarriturik, tamaina handiko proiektu bat jarriko da abian, finantzaketa multilaterala izango duena eta euskal ETEen kokapen ona ahalbidetuko duena.

SPRI Taldean integratutako Nazioartekotzeko Euskal Agentziaren Pilotu programak zabaldu du dirulaguntzen deialdia euskal ETEek nazioarteko inbertsio publikoko proiektu pilotuetan parte har dezaten,  eta itzuli beharrik gabeko dirulaguntzak eskainiko ditu horretarako. Programan parte hartzeko eskaerak urriaren 31ra arte egin daitezke.

200.000 euroko zuzkidura duen Pilotu programa Nazioartekotzeko Euskal Agentziak diseinatu eta abiarazi du, euskal ETEek beren nazioartekotze prozesuetan izaten dituzten premia berriei erantzuteko. Kasu honetan, laguntzaren helburua da nazioarteko inbertsio publikoko proiektu pilotuak diseinatzen eta garatzen laguntzea, baldin eta errentagarriak eta sostengarriak badira ikuspegi sozialetik. Euskal enpresei laguntzeko premia hau testuinguru zehatz batean sortu da, badirelako hainbat herri, garapen-agentzia eta izaera instituzionaleko bestelako figura proiektu berritzaile bat probatu nahi dutenak, nazioartean lizitatu baino lehen beren funtzionamendua bermatzeko; horrelako prozesuek, arrisku txikiagoak izateaz gain, espektatiba hobeak dituzte euskal ETEeentzat.

Funts multilateralek mundu osoan finantzatzen dituzten azpiegitura-proiektu handiek aukera ugari zabaltzen dituzte proiektu berritzaileentzat, non prototipo bat egin behar izaten baita inbertsio handiak egin baino lehen, inbertsio horien bideragarritasuna eta sostengarritasuna bermatzeko. Euskal enpresei test horietan laguntzeko Agentziak hartu duen erabakia beste bide bat  baino ez da enpresa horien lehiakortasuna bultzatzeko nazioartekotzearen bitartez.

Hala, Pilotu Programan proiektuaren gastuak partekatu egingo dira: pilotua ezarri nahi duen nazioarteko erakundeak jarriko du %49a eta proiektua garatuko duen euskal enpresak gainerakoa. ETEak Nazioartekotzeko Euskal Agentziaren dirulaguntza jasoko du proiektuan parte hartzeko, kostuaren %51raino eta 50.000 euro gehienez. Proiektuaren kostu osoa ezingo da izan 150.000 eurotik gorakoa.

Diruz lagunduak izan daitezkeen kontzeptuak dira honakoekin zerikusia dutenak: proiektuaren diseinua, proiektuaren inplementazioa eta emaitzak lortu eta eskuratzea, ondoren bolumen handiagoko proiektuetan erreplikatzeko pilotuan lortutako esperientziatik abiatuta.

Lotutako albisteak

4 uztaila, 2024 Nazioartekotzea
60 herrialde baino gehiagoko laborategiek IDM Testen teknologia erabiltzen dute
Irakurri gehiago
3 uztaila, 2024 Basque Trade & Investment
BasqueTrade-k automobilgintzaren nazioarteko merkatuko azken berrikuntzak aurkeztu ditu
Irakurri gehiago
Tech Day 3 uztaila, 2024 Basque Trade & Investment
Automozioaren euskal sektorea negozio-aukera berriak aztertzen ari da Txinan
Irakurri gehiago
Banderas Europa 1 uztaila, 2024 Basque Trade & Investment
Europar Batasunak Errusiari ezarritako zigorrak indartu ditu, energia, finantza eta garraioan debeku berriak ezarriz
Irakurri gehiago
1 uztaila, 2024 Nazioartekotzea
Zentenek iturgintzarako esku-tresnen merkatuko erreferente bihurtzearen aldeko apustua egin du
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak