Nazioartekotzeari Laguntzeko Programen eta Zerbitzuen Gida 2024
Basque Trade & Investment-ek, SPRI Taldean integratutako euskal enpresak nazioartekotzeko agentziak, Arabako, Bizkaiko eta Gipuzkoako foru-aldundiekin lankidetzan, Enpresen Nazioartekotzea Bultzatzeko Programen eta Zerbitzuen 2024ko Gida aurkeztu du, enpresak nazioartekotzeko eskura dauden baliabideak eta laguntzak errazago eskuratzeko.
Dokumentu osoak euskal erakundeek enpresei nazioartean zabaltzen laguntzeko eskaintzen dituzten laguntza-, prestakuntza- eta zerbitzu-programak biltzen ditu, laguntza ekonomikoetatik hasi eta aholkularitza- eta prestakuntza-zerbitzuetaraino.
Ikuspegi integral eta egituratu batekin, dokumentu honek hainbat tamaina eta sektoretako enpresei egokitutako programak biltzen ditu, eta funtsezko tresna bat eskaintzen du edozein erakundek kanpoko merkatuetan duen presentzia indartzek.
Ezagutu nola erraztu dezakezun zure nazioartekotze-prozesua ikuspegi integral eta egituratu batekin, arrakasta globalerako urrats bakoitzean lagunduko dizuna.
Programa eta zerbitzuei buruzko katalogo bateratua Euskadiko enpresen nazioartekotzea bultzatzeko
Gida honen bidez programa eta zerbitzuei buruzko katalogo eguneratu eta bateratu bat osatu nahi da, Euskadiko enpresen nazioartekotzea bultzatzen duten administrazio eta erakunde aktibo guztiek euskal enpresen eskura jarriz, nazioartekotze-prozesuan laguntzeko, haien heldutasun-maila edo nazioarteko jarduera-maila edozein dela ere.
Nazioartekotze-prozesuan edozein enpresarentzat informazio erabilgarria
Beraz, helburu nagusia programen eta zerbitzu eskaintzari buruzko informaziorako sarbide homogéneo eta integrala eskaintzea da, dauden tresnen aprobetxamendua optimizatzeko, enpresa gehiagotara iritsiz.
Hala, dokumentu honetan kontsulta daitezke dirulaguntza programa eta zerbitzu guztiak, prestakuntza-programak eta nazioartekotze-prozesuan edozein enpresarentzat beharrezkoa den informazio erabilgarri guztia.
Nola jakin zer programa edo laguntza diren interesgarriak nire enpresarentzat?
Gida honek eskura jartzen dizu zure enpresak jaso ditzakeen diru-laguntzen programak, galdera hauei erantzunez soilik:
- Zein nazioartekotze-prozesutan zaude interesatuta?
Produktu eta/edo zerbitzuen salmenta, Nazioartekotzea lankidetzan, Kanpo-ezarpen produktiboa, Talentu bilakera edo Nazioarteko finantziazio-iturriak eta/edo inbertsio-proiektuak. - Produktuak eta zerbitzuak kanpoan saltzeko interesa baduzu, zein nazioartekotze-fasetan zaude?
Hasiera edo Finkapena - Zein da zure empresa edo erakundearen tamaina-izaera?
Enpresa Txikia, Ertaina, Handia, Oinarri teknologikoko enpresa berria (NEBTs), Startup edo Irabazi-asmorik gabeko erakundea. - Zein lurralde historikotan dago zure empresa/erakundea?
Enpresei eskainitako laguntza-zerbitzuak
Ondoren, erakunde bakoitzak euskal enpresei eskaintzen dizkien zerbitzuen aukera zabala azaltzen du:
- Negozio-aukera berriak identifikatzea eta hurbiltzea
- Kanpo-merkataritzaren bilakaera aztertzea
- Nazioarteko sustapena
- Kanpoko merkatuei eta bezeroei buruzko informazioa zabaltzea
- Nazioartekotze fase bakoitzean aholkularitza estrategiko eta operazional orokorra eta banakakoa jasotzea
- Euskadiko nazioartekotze-ekosistema sendoa eta dinamikoa sustatzea
Lotutako albisteak
AEBko industria aeroespaziala: hazkundea eta erronkak
AEBko merkatu aeronautikoak oso erakargarria izaten jarraitzen du, eta etengabe handitzen ari da, bidaiarien eta merkantziaren trafikoaren gorakada dela eta. Aukera handiak daude teknologia berritzaileak eskaintzen dituzten euskal enpreseentzat; bereziki, erregaiaren eraginkortasunean eta isurpenen murrizketan zentratuta dauden horientzat.
Lehengaien Nazioarteko Behatokia 2025ean petrolioaren prezioa progresiboki murriztuko dela aurreratu du Lehengaien Behatokiak
Basque Trade & Investmentek Estatu Batuen muga-zergek eta Txinako ekonomiaren dezelerazioak merkatu global honetan izango duten eragina aztertu du azken Behatokian.
Indiako automozioa: Indiak hub estrategikotzat duen posizioa indartu du automobilgintzako industria globalean
Basque Trade & Investmenten azken txostenak Asiako herrialde horretan jarduteko interesa duten euskal enpresek aurki ditzaketen aukerak eta erronkak aztertu ditu.
Argentinako Vaca Muerta hobian, 35.500 milioi dolarreko inbertsioak aurreikusi dira datozen urteetarako gas naturalaren arloan
Basque Trade & Investmentek merkatu horrek eskaintzen dituen aukerak aztertu ditu bere azken ohar teknikoan, izan ere, mundu osoko mailan shale oil eta shale gas delakoen erreserbarik handienetakoa da.
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...