Nazioartekotzeko Euskal Agentzia Afrikara begira jarri da
Hegoafrika da euskal enpresentzat merkatu afrikarreko jomuga nagusia 204 proiekturekin
SPRI Taldean integratutako Nazioartekotzeko Euskal Agentziak Intergune 2019 ekitaldian aipatu du Afrika negozio-aukera handiak eskaintzen dituen kontinentea dela euskal enpresentzat. Agustin Arostegik (Basque Trade Agentziako Adimen Lehiakorreko Unitateko zuzendariak) jardunaldi monografiko batean hitz egin du Afrikaren eraldaketa prozesuaz eta esan du geografikoki hain hurbil egon arren erabat ezezaguna dela euskal enpresentzat: “gaurko posizionamendua biharko negozioa izango da” aipatu du. Bestalde, Juan Antonio Obregónek (Garapenerako Banku Afrikarreko ordezkariak) azpimarratu du Afrika “merkatu nagusi” bilakatuko dela epe ertainean, eta mila milioitik gora biztanle dituelarik, aukera handiak eskainiko dituela nekazaritza zein industrializazio sektoreetan.
Jardunaldia osatzeko, kontinente afrikarreko sektore eta herrialde desberdinetan lan egiten duten hiru euskal konpainiaren lekukotzak eskaini dira: Inkoa, Ulma Packaging eta Alegría Activity.
Agustín Arostegik orobat aipatu du Afrikako herrialde gehienak hazten ari direla, Europan dagoeneko ahaztuta dauzkagun hazkunde-mailekin. “Herrialde gaztea da, gero eta hobeto prestatuta dagoena eta premia handiak dituena garraio, energia eta azpiegitura arloetan. Eta euskal enpresak puntakoak eta oso lehiakorrak dira sektore horietan”. Nazioartekotzeko Euskal Agentziak lau aukera-eremu identifikatu ditu. Iparraldean, Marokotik Egiptoraino doan lurraldea. Herrialde horiek badituzte plan industrialak, beraizik zuzendurik daudenak automozio, garraio, oil&gas eta beste hainbat sektore bultzatzera. Bigarren eremua da Senegaletik Gaboneraino doana, non urtez urteko hazkunde garrantzitsuak dituzten, Nigeria delarik potentzia latente handiena. Hirugarren eremuaren gune nagusia Hegoafrikako Errepublika da eta halaxe uste dute, orobat, Hegoafrikan komertzialki interesaturik dauden eta laguntza eskatu duten 204 euskal enpresek. Horiez gain, laugarren eremu bat ere identifikatu da, non Kenyak eta Etiopiak trakzio indarra egiten duten 348 milioi biztanle biltzen dituen merkatu batean.
Afrika, mila milioi biztanle dituen jomuga
Juan Antonio Obregónek (Garapenerako Banku Afrikarreko ordezkaria) azpimarratu du Afrika “merkatu nagusi” bilakatuko dela epe ertainean, eta mila milioitik gora biztanle dituelarik, aukera handiak eskainiko dituela nekazaritza sektorean eta nekazaritzarekin lotutako industrializazioan, garraioan (eskualdeen sustapenerako faktore nagusi bat izango da) eta, batik bat, energia sektorean. Eta azken horrekin loturik, Obregónek adierazi du Bankuak energien ataria sortu duela, bertan jaso dituelarik proiektu guztiak, enpresa esleipendunak, araudiak, aukera berriak, finantzaketa, e.a.
Eskualdeen integraziorako eraiki beharreko azpiegiturei dagokienez (errepideak, portuak, aireportuak eta, maila apalagoan bada ere, burdinbideak), esan du premia horien %60 hiriguneetan daudela eta tokian tokiko erakundeek kudeatzen dituztela. Bankuak badu Funts bat udalerri horiei proiektu guztiak koordinatzen laguntzeko.
Nekazaritzako industrian irekiko den merkatuari dagokionez, Garapenerako Banku Afrikarreko ordezkariak azaldu du nekazaritzan, nekazaritzarako zerbitzuetan eta sektore horrekin lotutako industria laguntzailean espezializatutako industrialdeak eraiki direla Kenyan, Boli Kostan, Etiopian, Hegoafrikan eta beste hainbat herrialdetan.
Obregónen hitzaldiaren ostean euskal enpresaren lehen lekukotza entzun dugu. Inkoa enpresako ordezkariak, Lúa Legazpik, azaldu du euren jardueraren %50 inguru Afrikan egiten dela gaur egun. 2009an hara iritsi zenetik, euskal enpresak sei nekazaritza-gune, arrain-ustiapenerako gune bat eta nekazaritza eta artzaintzako gune bi abiarazi ditu. Garapenerako hainbat Laguntza Funtsen babesa jaso dute ekimenak gauzatzeko, besteak beste: negutegiak, ureztatze sistemak, makinak, tokiko arrainak ekoizteko putzuak, abeltzaintza, nekazaritzako produktuak, e.a.
Ulma Handling enpresako Nacho Ortizek logistika sektoreko “giltza eskuan” proiektu batean izandako esperientzia azaldu du: ekimenaren helburua zen Etiopiako hainbat aireportu txikitako ekipajeak tratatu eta kudeatzea, herrialde hartan baitago Afrika osoko aire-linea indartsuena. “Pixkanaka” sartu ziren eta gaur egun presentzia dute bederatzi aireportutan. Nacho Ortiz ados agertu da gainerako hizlariekin: “funtsezkoa da partner egoki bat aurkitzea arrakasta izateko”. Eta gogoratu du “pertseberantzia” dela gakoa.
Jardunaldia amaitzeko Iñigo Alegríaren lekukotza entzun dugu. Alegria Activity enpresako Frantzia eta Afrikako merkatuetako arduraduna da Iñigo. Enpresa hori mugikortasunaz baliatzen da komunikazio arloan lan egiteko; “urrunago goaz hurbilago egoteko” da konpainiaren leloa eta duela 15 urte iritsi zen Afrikara. Iñigok azaldu duenez, enpresak Parisen eta Ginebran duen presentzia funtsezkoa izan da Afrikako merkatura sartzeko, bi puntu horiek Afrikarekin duten lotura estuagatik eta harreman komertzial naturalagatik. Konpainia horrek zerbitzuak hurbiltzen ditu beste enpresa eta erakunde batzuk iristen ez diren jomuga geografikoetara eta merkeago eskaintzen ditu gainera. Bere autobus egokituek askotariko zerbitzuak eskaintzen dituzte: hezkuntza, banka, aisialdia, telefonia, mediateka mugikorrak, e.a.
Lotutako albisteak
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.