Nazioartekotzeko Euskal Agentziak eskaintzen duen laguntza-eredua espezializatuagoa da eta enpresa bakoitzaren nazioartekotze-mailari egokitua
Jardunaldian bertatik bertara aurkeztu dira Eusko Jaurlaritzaren eta Elkargi eta Cofides elkarteen laguntzak eta Europak 2030erako finkatu dituen Sostengarritasun Helburuak.
Iñaki Ezkurrak, Nazioartekotzeko Euskal Agentziako Enpresen Nazioartekotzeko zuzendariak, Intergune 2019 ekitaldian azaldu du Eusko Jaurlaritzak ETEen nazioartekotzea bultzatzeko eskaintzen dituen laguntza eta zerbitzuak eredu berri batean integratu direla, zerbitzu guztiak segmentatzeko eta enpresei balio handiagoa emateko. Nazioartekotzeko “leihatila bakar” hori posible egiteko, lankidetza estua garatzen da lokalagoak edo sektorialagoak diren beste eragile batzuekin, horrela ETEei proposamen bateratu eta bakarra eskaintzeko.
SPRI Taldean integratutako Nazioartekotzeko Euskal Agentzia abiarazi zenetik urtebete igaro den honetan eman du Ezkurrak azalpen hori, eta hizpide hartu ditu orobat Eusko Jaurlaritzak euskal enpresen nazioartekotze-proiektuak bultzatzeko estrategiaren barruan eskaintzen dituen laguntza eta zerbitzuak.
Basque Trade Agentziak eskaintzen duen zerbitzuak elkarrekin konbinatzen ditu aholkularitza espezializatua eta enpresa bakoitzaren nazioartekotze-prozesuaren une eta mailari egokitutako laguntza-programak. Segmentazio horrek hainbat maila ditu. Lehen mailan laguntza ematen zaie nazioartekotzeko potentzialaren diagnostikoa eta jarraitu beharreko ibilbidearen proposamena egiteko. Bigarren mailan daude atzerrian %40 baino gutxiago fakturatzen duten eta nazioarteko jarduera zabaltzea helburu duten enpresentzako laguntzak. Eta hirugarren mailako laguntzak dira atzerrian %40 baino gehiago fakturatzen duten enpresentzat, baldin helburutzat badituzte merkatu haiek zeintzuetan beren presentzia ez den iristen %10era.
Bere eskaintza osatzeko, Agentziak finantzaketa-programak dauzka, prestakuntza ematen laguntzeko nazioarteko profila duten giza baliabideei, lankidetzako ekimenak sustatu eta gauzatuko dituzten kolektiboei. Horrez gain, badaude euskal enpresei nazioarteko lizitazioetan laguntzeko programak ere. Bestalde, Basque Trade Agentziak adimen lehiakorreko zerbitzu bat du, non euskal enpresa-sarearekin (bertakoa zein atzerrikoa) duen harreman estua aprobetxatzen baitu ezagutza sortzeko eta negozio-aukerak identifikatzeko.
Laguntza eta zerbitzuen aurkezpena amaitu ostean, Javier Cortések (UN Global Compact enpresako eskualde arduradunak) hizpide hartu ditu Garapen Sostengarriko Helburuak (GSH) eta esan du lehiakortasun-elementu bilakatuko direla eta kontuan hartu behar direla enpresa guztien estrategietan. Enpresa arloko erabakiek inpaktua dute enpresaren lan-ingurunean (izaera sozialeko inpaktuak, ingurumenekoak, konfiantza arlokoak, gardentasunarekin zerikusia dutenak, e.a.) eta kudeaketa egoki batek zuzeneko eragina du emaitzetan.
Elkargi finantza-erakunde pribatuko zuzendari komertzial den Laura Matak azaldu du beren jarduera nagusia dela inbertsioei abalak ematea, eta enpresa bakoitzarentzako finantzaketa-egitura egoki bat eraikitzen dutela une eta egoera bakoitzerako. Nazioartekotze-prozesuentzat eskaintzen dituzten hiru proposamenak azaldu ditu: lehena, esportazioetara zuzendua; bigarrena, Brexit-aren eragina jasango duten enpresekin lotua; eta hirugarrena, nazioartekotzeko abal teknikoei dagokiena.
Ana Cebriánek, Cofides erakundeko Negozio Garapeneko zuzendari laguntzaileak, itxi du jardunaldia. Cofides Industria Ministerioaren menpeko organismo publiko-pribatu bat da eta, enpresen nazioartekotzea bultzatzeaz gain, inbertsioa jasoko duen herrialdearen garapena ere sustatzen du, atzerriko filialari ematen zaiolako laguntza. Bestalde, Garapen Sostengarriko Helburuekin harturiko konpromisoa berretsi du.
Ana Cebriánek azpimarratu du Cofides-ek era guztietako proiektuak (higiezinetakoak izan ezik) babesten dituela munduko edozein herrialdetan, 75.000 eurotik hasi eta 40 milioi eurorainoko dirulaguntzekin, ekimen komertzialak barne. Laguntzak jaso dituzten 150 proiektu inguru Euskadikoak dira, Euskadi delarik Cofides-en laguntzak hartzen dituen kolektibo ugariena Madrileko komunitatearen ondoren.
Lotutako albisteak
Koreako automatizazioa eta robotika industriala, aztergai
Basque Trade & Investmentek euskal enpresen eskura jarri ditu Smart Factory + Automation World 2025 ekitaldian egindako bi txosten, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.