New Yorkeko Udala Euskadi bisitatzen ari da, SPRI Taldeak euskal enpresentzat abian dituen lankidetza-estrategiak ezagutzeko
Bileretan, iparramerikar hirian dauden negozio-aukera interesgarriak erakutsi dizkie euskal enpresei
New Yorkeko Udalaren eta bertako garapen-agentziaren ordezkaritza bat Euskadi bisitatzen ari da aste honetan, SPRI Taldeak enpresa txiki eta ertainentzat (ETE) zein startupentzat abian dituen estrategiak ezagutzeko eta Eusko Jaurlaritzaren enpresa-garapenerako agentziarekin lankidetza-ereduak finkatzeko. Laburbilduz, New Yorkeko ordezkariek hiru egun egin behar dituzte Euskadin hango garapen ekonomirako estrategia berrietan aplika daitezkeen ekimenak eta ideiak identifikatzeko.
Testuinguru honetan, SPRI Taldeari atxikitako Nazioartekotzeko Euskal Agentziak bisitaldia aprobetxatu du, New Yorkeko alkatetzak inbertsioa eta garapena, hiri adimendunaren garapena, energia-eraginkortasuna, manufaktura aurreratua eta zibersegurtasunaren arloetan abian dituen estrategiak Euskadiko enpresa eta kluster garrantzitsuen aurrean aurkez ditzan.
Bileretan, negozio-aukera interesgarriak ireki dira euskal enpresentzat energiaren arloan, eta ondorengo pausoak zehaztu dira euskal enpresen zenbait teknologia eta produkturen esplorazioan aurrera egiteko.
Horrela, astearte goizean, azaroak 12, New Yorkeko ordezkaritzak izandako bileretan bertatik bertara ezagutu ahal izan du nola lantzen duten SPRI Taldeak eta honen sozietate eta arlo desberdinek politika industrial eta teknologikoa, enpresarekiko lankidetzan oinarrituta.
Iparramerikarrek interes berezia agertu dute politika teknologiari buruz eta Basque Research & Technology Allaince (BRTA) deritzonari buruz, hau da, zentro teknologikoek enpresekin zein Eusko Jaurlaritzarekin lan egiteko erabiltzen duten lankidetza-ereduari buruz, baita enpresek zentroen zerbitzuetan duten parte-hartzeari buruz, enpresak teknologiaz eta berrikuntzaz jabetzeari arreta berezia emanez, eta zentroen gobernantza-ereduari buruz ere. Era berean, Zibersegurtasun Euskal Zentroaren funtzionamendua eta eskumenak ezagutzeko aukera izan dute, eta egun hauetan horren instalazioak bisitatuko dituzte.
Bileran, Basque Industry 4.0 estrategia zein Basque Digital Innovation Hubeko lankidetza-eredua ezagutu dituzte, eta BIND 4.0 programaren harira, eztabaida interesgarria sortu da Euskadiri dakarzkion onurei buruz, enpresa trakziogileen zein startupen ikuspegitik.
Azkenik, enpresa guztiei irekitako kluster politika-ereduaren eta Eusko Jaurlaritzak politika hau sustatzeko erabiltzen duen moduaren inguruan, New Yorkeko Udaletik bultzatzen dituzten sistemekin konparatzeko aukera izan dute.
Lotutako albisteak
Euskadik osasun arloko berrikuntzan duen posizioa indartu du Alemaniako MedtecSUMMIT 2025 delakoan
Basque Trade & Investmenten ordezkaritza batek Basque Health Clusterraren ordezkariekin batera parte hartu zuen ekitaldian, Bavariako erakunde estrategikoekiko harremanak estutzeko eta lankidetzarako arloak jorratzeko, medikuntza arloko gailuei aplikatutako adimen artifiziala eta osasun digitala kasu
Euskal sektore aeroespazialak loturak estutu ditu Estatu Batuetako industriarekin
Euskadiko enpresa eta zentro teknologikoen ordezkaritza batek Estatu Batuak bisitatu ditu sektore aeroespazialaren egungo egoera ezagutu eta herrialdeko eragile estrategikoekin harreman berriak finkatzeko.
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa