Pandemia osteko eszenatoki globala eztabaidagai “Mundura Begira” ekitaldian
- SPRI Taldearen Nazioartekotzeko Euskal Agentziak antolatu du eta Kanpo Sarea ere bertan izango da
Azaroaren 10ean 600 pertsona inguru –enpresen ordezkariak eta agente ekonomikoak- elkartuko dira enpresen nazioartekotzeari buruzko “Mundura Begira” topaketan. Aurten, nazioarteko adituek parte hartuko dute ekitaldian pandemia osteko eszenatoki globala aztertu eta horren inguruan mintzatzeko.
“Mundura Begira” aukera paregabea da elkarrekin alderatzeko mundu mailan ezagunak diren adituen esperientzia eta euskal enpresa eta erakundeen esparruan nazioartekotze arloan egunero egiten den lana. SPRI Taldearen Basque Trade & Investment-Nazioartekotzeko Euskal Agentziak antolatu du ekitaldia, eta aukera egongo da Bilboko Euskalduna Jauregian presentzialki parte hartzeko edo bestela birtualki jarraitzeko esteka honetan sartuta.
Era berean, enpresek elkarrizketak egin ahal izango dituzte Basque Trade & Invesment agentziak atzerrian dauzkan ordezkariekin euren proiektuak azaltzeko edo zalantzak eta kezkak planteatzeko. Kanpo Sarea 15 bulegoz eta 34 aholkularitza zerbitzuz osaturik dago eta 95 herrialdetara hedatzen da.
Adituak, enpresetako liderrak eta arduradun politikoak
Erakundeetako ordezkarien aldetik, ekitaldian izango dira Arantxa Tapia, Ekonomi Garapen, Jasangarritasun eta Ingurumen sailburua, eta hiru Foru Aldundietako nahiz hiru Merkataritza Ganberetako ordezkariak.
Enpresen aldetik, mahai-inguruetan parte hartuko dute, besteak beste, ondoko hauek: Francisco Riberas, Gestamp enpresako presidente exekutiboa; Miguel Lopez de Quesada, Gestamp enpresako ordezkaria hau ere; Dámaso Quintana, Haizea Wind Group taldeko presidentea; eta Iñigo Ucín, Mondragon Korporazioko presidentea.
Azkenik, munduko beste txoko batzuetatik “egungo eta etorkizuneko eszenatoki globalaz” mintzatzeko aurrez aurre edo online parte hartuko duten adituei dagokienez, aipatzekoak dira:
- Gerd Leonhard, The Futures Agency-ko presidentea
- Martin Wolf, Financial Times-eko ekonomialari nagusia
- Christian Ketels, Harvard-eko Negozio Unibertsitateko (Harvard-eko Unibertsitatea) asoziatu nagusia
- Andrew Sheng kide agurgarria, Hong Kong-eko Unibertsitatea; China Banking Regulatory Commission-eko aholkuntzaritza batzordeko kidea
- John Ferguson, Globalizazio, Merkataritza eta Finantza burua (Economist+xxImpact)
- Jack Vincent. Focus360-en sortzailea eta bazkide kudeatzailea.
- Craig Calhaun, Arizona State University-ko irakaslea. British Academy-ko kidea.
- Linda Yueh, London Business School-eko irakasle laguntzailea eta Oxford University-ko kidea, eta
- Heiner Flassbeck, Hanburgoko unibertsitateko ohorezko irakaslea.
Mundura Begira: mundua eta enpresa aldatzen ari direlako
Mundura Begira 2021 ekitaldiak gai interesgarriak landuko ditu aurten, dagoeneko iritsi den etorkizun berri hau hobeto ulertzeko. “A Look at where the World is Heading”: ideiak, kontzeptuak, aukerak, funtsean, ezagutza garrantzitsua euskal enpresek aplika dezaten euren nazioartekotze-estrategiak hobetzeko, arriskuak gutxitzeko eta euren kanpo-ekintzako proiektuetan arrakasta izateko.
Lau gai nagusi
Mundura Begira ekitaldian aurkeztuko da nazioarteko merkatuek Internet agertu zenetik jasan duten eraldaketa seguruenik handiena, hau da, hiru trantsizioak: digitala, berdea eta soziosanitarioa. Testuinguru horretan, lau gai nagusi landuko dira:
Mundu mailako adituek eztabaidagai hartuko dituzte teknologia eta haren inguruko araudiak, zeintzuen helburua baita gizartea gehiago ez deshumanizatzea. Aztertuko dute nola aprobetxatu daitekeen hori guztia ondorio positiboak lortzeko. Halaber, hizpide hartuko dute nola egokitu behar gatzaizkion klima aldaketa geldiezinari eta nola lortu bere ondorioak arintzea “Green New Deals” direlakoei esker. Azkenik, ezagutzera emango dira pertsonen eta planetaren osasunak etorkizuneko pentsamendu ekonomikoan izango dituen ondorio saihestezinak.
Mahai-inguru honetan eztabaidagai hartuko dira pandemiaren hainbat alderdi, eta aztertuko da nolako eragina izan duen hainbat eskualdetan eta nolako erronkak sortu dituen nazioarteko lankidetzan. Era berean, aztergai izango da nolako ondorioak izan dituen krisi humanitarioak mundu mailako erronka eta gatazketan, eta nola horrek baldintzatuko dituen bai etorkizuna, bai eta AEBetan, EBn eta Txinan aplikatzen ari diren araudi desberdinak. Aldaketa horiek orobat baldintzatuko dute Euskadin negozioak egiteko dugun modua, eta horregatik adi egon behar dugu.
COVID-19aren inpaktuen ostean, globalizazioaren etorkizuna aztertu eta alderatuko da pandemia ondorengo mundu honetan. Horrekin batera, hizpide hartuko dira Europar Batasunean eta Amerikako Estatu Batuetan ekonomia suspertzeko hartu diren neurriak, eta munduko ekonomiaren berrantolaketa, Txina bilakatuko delarik hazkunde ekonomiko globalaren liderra: epe labur, ertain eta luzean “etorriko denari” buruzko eztabaida.
Hazkunde globalaren bultzada: AMIA sinple bat euskal industriarentzat, merkatu gorakorrak munduaren jabe bihurtu diren aro honetan. Hizpide hartuko dira Euskadiko enpresek Asiako merkatuaren erronkak, hango merkatuetako nitxoak eta protekzionismo gero eta handiagoa gainditzeko baliatu behar dituzten estrategiak, bai eta ETEei arlo horietan laguntzeko martxan jartzen ari diren ekimen praktikoak. Halaber, hainbat gomendio emango dira enpresek jakin dezaten nola prestatu behar duten merkatu horietan sartzeko.
Mundura Begira ekitaldiaren egitaraua
08:30 – 09:25
Akreditazioa eta erregistroa
09:25 – 09:30Hasiera-ekitaldia
Jack Vincent, Focus360-ren fundatzailea eta bazkide kudeatzailea.
09:30 – 09:50
Ongietorria
Arantxa Tapia, Eusko Jaurlaritzako Ekonomi Garapen, Jasangarritasun eta Ingurumen sailburua.
09:50 – 10:20
Eraldaketa Handia: Teknologia, Klima aldaketa eta Osasuna
Gerd Leonhard, The Futures Agency-ko presidentea
10:20 – 10:50
Eszenatoki globala Covid-19aren ondoren
Craig Calhaun, Arizona State University-ko irakaslea eta British Academy-ko kidea.
Linda Yueh, London Business School-eko irakasle laguntzailea eta Oxford University-ko kidea.
10:50 – 11:50
Munduko ekonomiaren perspektibak: ekonomia desberdin bat
Moderatzailea: Martin Wolf, Financial Times-eko ekonomialari nagusia
Heiner Flassbeck, Hanburgoko unibertsitateko ohorezko irakaslea
Christian Ketels, Harvard-eko Negozio Unibertsitateko (Harvard-eko Unibertsitatea) asoziatu nagusia
Andrew Sheng kide agurgarria, Hong Kong-eko Unibertsitatea; China Banking Regulatory Commission-eko aholkuntzaritza batzordeko kidea
11:50 – 12:30
Kafearentzako etena
12:30 – 13:50Hazkunde globalaren bultzada: aukerak eta mehatxuak euskal industrientzat merkatu gorakorrak munduko jabe bihurtu diren aro honetan
John Ferguson, Globalizazio, Merkataritza eta Finantza burua, Economist Impact
Ainhoa Ondarzabal, Basque Trade & Investment agentziako zuzendari nagusia
Mahai-ingurua euskal industriarekin
Presidentea: Arantxa Tapia, Eusko Jaurlaritzako Ekonomi Garapen, Jasangarritasun eta Ingurumen sailburua.
Francisco Riberas, Gestamp-eko presidente exekutiboa
Dámaso Quintana, Haizea Wind Group-eko presidentea
Iñigo Ucín, Mondragon Corporation-eko presidentea
13:50 – 14:00
Amaiera
Lotutako albisteak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz