Poloniako energia eolikoaren txostena, ekaina 2023.

Adierazle makroekonomiko nagusien arabera, Polonia herrialde erakargarria da, eta energiaren esparruan, politika publiko guztiak herrialdearen independentzia eta trantsizio energetikoa sustatzera bideratuta daude. Izan ere, Polonian instalatutako energia berriztagarrien ahalmena urteko % 9,3ko erritmoan haztea espero da 2022-2035 aldian, eta ea 70 GWko ahalmen metatua lortzea espero da 2035. urtearen amaieran.

Onshore esparruan, Distantziaren Legeak geldiarazpenak ekarri dituen arren, aurreikuspenek adierazten dute 21,6 GW-ko ahalmen metatua lortuko dela 2035ean (egungo 8 GWetatik abiatuta). Offshore-n, 2035erako 10,7 GWko ahalmen metatua espero da. Izan ere, offshore segmentua da arreta gehien erakartzen ari dena, azkenaldiko arau-aurrerapenek Baltikoko azpiegituren garapena eta tokiko industriaren garapena bultzatzea bilatzen baitute. Aipatzekoak dira, besteak beste, Offshore 2021 Legea, Poloniako Itsas Eremuen Garapen Espazialerako Planari buruzko erregelamendua edo Poloniako itsas sektore eolikoaren akordioa.

Poloniako merkatu eolikoa nabarmen hazi da azken urteotan, eta datozen 5-10 urteetan balio-katea neurri handi batean garatzea espero da, offshore industriak espero duen garapenetik aurrera. Polonian dauden 400 enpresa inguruk parke eolikoen garapenaren hornidura-katean parte har dezaketela kalkulatzen da, beste sektore batzuetan aplikatutako gaitasunetatik abiatuta. Hala ere, Polonian gaur egun ez dago turbinak montatzeko plantarik, eta sektore eolikoko inportazioek hirukoiztu egin dute balioa 2018tik. Kontuan hartuta merkatuan sartzeko oztopo gutxi daudela, sektorearen egungo hazkundea eta Poloniak hurbileko merkatu liderretara esportatzeko duen posizionamendu ona, negozio-aukera interesgarriak daude euskal enpresentzat.

Txosten osoa eskatzen duten euskal enpresen eskura dago. Txostena jasotzeko, posta elektroniko bat bidali behar da helbide honetara: ldiego@basquetrade.eus

Laburpen Exekutiboa HEMEN lor daiteke: 

Txosten osoaren edukien lagin bat HEMEN eskura daiteke: 

Lotutako albisteak

28 ekaina, 2024 Basque Trade & Investment

Kanadako sektore aeroespaziala hazkunde-bidera itzuli da eta indarra berreskuratu du

Irakurri gehiago

13 ekaina, 2024 Basque Trade & Investment

BasqueTraderen Nazioarteko Merkataritzaren Behatokiak aurreratu duenez, munduko merkataritza % 2,5 hobetuko da 2024an

Irakurri gehiago

6 ekaina, 2024 Basque Trade & Investment

Industria aeroespaziala eta energia berriztagarriak, Euskadirentzat aukera gehien duten Kanadako sektoreen artean

Irakurri gehiago

23 maiatza, 2024 Basque Trade & Investment

Basque Trade-ren Nazioarteko Behatokiak 2024rako munduko hazkunde ekonomiko egonkorra aurreikusten du, %2,4 ingurukoa

Irakurri gehiago

16 maiatza, 2024 Basque Trade & Investment

Basque Trade behatokiak energia eoliko flotatzailearen munduko merkatuaren hazkunde esponentziala aurreikusten du

Irakurri gehiago

Joan blog-era