REIF 2022 Fukushima: Energia Klusterreko euskal enpresek Berriztagarriei buruzko Nazioarteko Azokan parte hartu dute

Euskal energiaren sektorea bere lidergoa erakutsi du Berriztagarrien arloan aitzindari den Japoniako azoka garrantzitsuenetako batean, ‘Renewable Energy Industrial Fair’. Ekitaldia urrian izan da, eta Petronorrek Euskadiren ordezkari gisa parte hartu du, Energiaren Klusterraren stand baten bidez, SPRI Taldeko Basque Trade & Investment-ekin eta Eusko Jaurlaritzarekin lankidetzan.

Bertan, Klusterreko bost enpresa kidel parte hartu dute: Erreka, HWS, Nabla Wind Hub, PcVue eta Petronor. Enpresa horiek stand-ean zein B2B saioetan parte hartu dute Japoniako enpresekin, eta EAFren laguntza izan dute logistikan eta itzulpenean. Gainera, standean eolikaren eta hidrogenoaren arloetan abian dauden proiektuak eta ekimenak aurkeztu dira.

Azokara egindako bisitaldia agenda pertsonalizatuekin osatu da. Horien artean, H2ren tailer espezifiko bat egin da, IHI Hydrogen Energy Testing Facilityren Somako instalazioetara bisitak, AIST Fukushima Renewable Energy Research Institute (FREA) Koriyaman edo “Fukushima Hydrogen Energy Research Field (FH2R)” enpresaren Namieko azpiegiturara bisitak, eta energia eolikoaren tailer bat METIrekin (Ministry of Economy, Trade and Industry).

Gainera, hidrogenoaren arloan, Petronorren horrelako proiektuak garatzeko arduraduna den Arturo Fernandezek “Hidrogenoaren Euskal Korridorea, deskarbonizazioaren erronkari aurre egiteko aukera bezala” hitzaldiaren bidez, Japoniako industriari Petronorrek hidrogenoaren ekonomia garatzearen alde egindako apustuaren berri eman zion, eta elkartea lantzen ari den proiektu berezi eta estrategikoen azken aurrerapenak partekatu zituen.

Fukushima eskualde bereziki interesgarria da, Japoniako gobernuak energia berriztagarriak hedatzeko egin duen apustuaren ardatzetako bat delako, eta hidrogenoaren teknologietan erreferentzia diren hainbat proiektu biltzen dituelako. Izan ere, Japoniako prefektura bakarra da Hidrogeno Haran (FH2R) gisa onartutako ekimen batekin.

info+: clusterenergia.com