Renzo Piano arkitektoak bi euskal enpresa kontuan hartu ditu du Pariseko bere azken proiekturako
Bi euskal enpresak zeregin garrantzitsua bete dute Parisko Abokatuen Elkargoaren egoitza berriaren eraikuntzan (Maison de l ‘Ordre des Avocats, MOdA), Renzo Pianoren azken lana. Piano Pompidou Zentroaren egilea da, eta 1998an Pritzker Saria irabazi zuen. Arkitekto italiarraren taldeak Grupo Gamiz eta Egoin kontuan izan ditu, Frantziako hiriburuko Hiri Judizial berriaren barruan egongo den eraikina egurrezko elementu bereziz eta jasangarritasun-zigilu batez hornitzeko.
Eraikina gardena da, eta barruan gertatzen den bizitza erakusten du. Errezel-horma batean oinarritutako fatxadari esker, hori posible da. Elementu honek itxura arina du, eta Gamizek haritz-egurrez laminatutako habeen bidez egina dago. Gamiz arlo honetan espezializatuta dago. Egoin, bestalde, piezen mekanizazioaz eta akaberaz arduratu da. Biek fatxadetan espezialista Coveris frantziar enpresarekin elkarlanean aritu dira.
Nazioartekotzearen eredu bat
Gamiz taldeak bere lan-abiadura mantendu du koronabirusaren pandemiaren testuinguruan. Zuraren sektoreko enpresa hau zerrategi gisa hasi zen lan egiten 1942an, eta denbora pasa ahala eboluzio handia izan du, “nitxoko txapeldun” bihurtu arte: gaur, zur mardulen habe laminatuen munduko lehen fabrikatzailea da.
57 langilerekin, Kanpezun (Araba) finkatutako taldeak aspaldi erabaki zuen bere etorkizuna ziurtatzeko balio erantsia duen produktuaren eta kalitatearen alde egin behar zuela. Horrek aparteko ahalegina eskatzen zuen ziurtagiririk zorrotzenak lortzeko. Gamiezek CE zigilua du (haritzen habe laminatuen egiturazko erabilerarako zigilua lortu zuen munduko lehen enpresa izan zen), baita beste batzuk ere, hala nola Frantziako CTB, produktuen ingurumen-adierazpena (EPD), eta trazabilitate-sistemetan edo zaintza-katean oinarritutako FSC edo PEFC.
Ahalegin horrek eragina izan du merkatuan: dagoeneko, Gamiz Taldeak ekoizpenaren %90 esportatzen du. “Lanaren fruituak biltzen ari garela dirudi”, azaldu du Jesús Gámiz gerenteak. “Umiltasunez eta lan handiz, eboluzioa izugarria izan da: lehenengo zerrategi bat ginen, gero parket fabrikatzaileak… Gaur garena bihurtu arte. Ziurtagiriak lortzeko ikuskaritza lanak eskatzen dira, eta, batez ere, pentsatzeko moduaren aldaketa ikaragarria egitera behartzen dute“.
Parisko Renzo Pianorekin izandako azken esperientzia honi, Gamizen aurreko beste nazioarteko arkitekto handiekin batzuei egindako lanei gehitzen zaie. Herzog & De Meuron suitzarrekin ere ari da lanean, Cambridgeko AstraZeneca enpresa farmazialariarentzako eraikin batean. CBCa da, Erresuma Batuko ikerketa biologikorako eta proteinen ingeniaritzarako egoitza berria. Honen buru Medlmmune britaniarra da, munduko bosgarren multinazional handiena arlo biologikoan. Gainera, Arabako enpresa Norman Fosterrekin lankidetzan ari da Le Dômen proiektuan, Bordeletik gertu dagoen Saint Emilion upeltegi berri batean.
Pianorena ez da Egoinekin egindako lehenengo proiektua. Egoin Iberiar Penintsulako zuraren eraikuntzan liderra den enpresa da eta bere azken lanen artean, Gironan sei pisutako etxebizitza baten eraikuntza nabarmentzen da, seismoekiko erresistentea duen egurrezko egiturarekin.
Bi familia-enpresek egoera desberdinei egokitzeko eta berritzeko gaitasuna erakutsi dute, eta horrek nazioartekotzera eta lidergo-posizioak lortzera eraman ditu.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, sektore eta herrialde desberdinen ezagutza partekatuz.
Lotutako albisteak
Koreako automatizazioa eta robotika industriala, aztergai
Basque Trade & Investmentek euskal enpresen eskura jarri ditu Smart Factory + Automation World 2025 ekitaldian egindako bi txosten, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.