Shuton-ek % 40rainoko hazkundeak lortu ditu makina-erremintaren sektorean
Shuton Legution (Araba) kokatutako enpresa bat da, eta doitasunezko boladun torlojuak egiten ditu, hots, funtsezkoa den pieza bat makina-erremintaren sektorean. Konpainia horrek % 40rainoko hazkundeak lortu ditu bere negozioan. SPRI Taldearen Hazitek programako laguntza bat jaso du, zeinak ikerketa industriala eta garapen esperimentala bultzatzen baititu euskal enpresetan.
Makina-erremintan espezializatutako Maher Holding euskal talde industrialak sortu zen enpresa hau 1975ean. “Garai hartan kontrol numerikodun makina-erreminta egiten zen, eta ikusi zen boladun torlojuak fabrikatu beharra zegoela sektoreko premiei erantzuteko” azaldu dute Roberto Mielgok (lantegiko zuzendaria) eta Pako Juaristik (zuzendari komertziala).
Boladun torlojua makina-erreminta baten elementu garrantzitsuena da “ardatz guztiak linealki mugi daitezen; mugimendu birakariak mugimendu lineal bilakatzen ditu. Makina-erremintari doitasuna ematen dion pieza da”.
Shuton-en ezaugarri nagusia bere nazioartekotzea izan da hasieratik; 70eko hamarkadan hasi zen esportatzen, eta 80ko hamarkadan lortu zuen marka sendotzea Frantzian eta Italian. 2020an, 400dik gora langile dituen Nadella talde italiarrak erosi zuen.
Enpresa arabar honen bezero garrantzitsuenak makina-erreminta sektorekoak dira, eta baita ere plastikoaren injekzio makinen fabrikatzaileak. “Produktu espezifikoak garatu ditugu merkatu-nitxo horietarako teknologi zentro eta unibertsitateekin batera. Produktu-familiak eskaintzen ditugu sektore bakoitzerako”.
Produkzioaren % 90 esportatu egiten da
Produkzioaren % 90 esportatu egiten da, gehienbat Europako herrialdeetara (% 60), zeintzuen artean Italia eta Alemania nabarmentzen baitira; beste % 30 bat Asiara bideratzen da (Txina, Korea, Japonia, India eta Taiwan), eta gainerako % 10a Ipar Amerikara (AEBak eta Kanada). Konpainiak % 40ko hazkundea izan zuen iaz, eta aurten ere gorakada indartsua espero du, % 35ekoa, 15 milioi euroko fakturazioa erdiesteraino. Plantillan 82 langile daude, eta aurreikuspenen arabera, aurtengo ekitaldian ia % 5eko inbertsioa egingo dute I+G-n: “portzentaje hori erregularki mantentzen dugu urtero”.
Shuton-ek SPRI Taldearen Hazitek programako laguntza bat jaso du, zeinari esker High load produktu-sorta garatu ahal izan baitu; produktu-sorta hori plastikoaren injekzio sektorera eta energia sektorearen barruko karga ultra handien arlora bideratuta dago. “Aukera ematen digu makina-erremintaz bestelako merkatuak lantzeko, makina-erremintak gorabehera handiak izaten dituelako”. Produktua merkatuan dago jadanik.
Hoztutako azkoindun torlojuak ere garatu eta merkaturatu dituzte “duela ia 10 urte lankide dugun Mondragon Unibertsitatearekin eta Tecnalia eta Tekniker bezalako teknologi zentroekin lankidetzan. SPRIren Hazitek bezalako laguntzek aukera ematen digute horrelako proiektuak garatzeko. Laguntza horiek gabe oso zaila litzateke ekimen hauek gauzatzea”.
Shuton-en etorkizuneko erronkak dira hazten jarraitzea eta Europako lider bihurtzea torlojuen fabrikazioan. “Nadella taldeak erositako Husillos Ipiranga enpresarekin garatu dugun lankidetzari esker, jauzi esponentzial bat egin dugu, arreta emanez bikaintasunari eta produktuak garatzen jarraitzeari”.
Gainera, sektore berriak aztertzen jarraituko dute. “Ingurumen-arrazoiak direla medio, gero eta gehiago erabiltzen dira sistema elektromekanikoak sistema hidraulikoen ordez, eta lider izan nahi dugu merkatu horri torlojuak eskaintzen dizkien enpresen artean”. Fakturazioari dagokionez, helburutzat dute bost urteko epean 25 milioiko langa gainditzea.
Bestalde, aipatzekoa da Shuton-en izaera parte-hartzailea. “Negozioak bilakaera bikaina izan du pertsonen konpromisoari esker, eta horretan lanean jarraituko dugu. Enpresa handiekin lehiatzen gara, eta pertsonak dira haiengandik bereizten gaituen faktorea”.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz