Singapurreko enbaxadorea Euskadi bisitatu du Lankidetzarako aukerak identifikatzeko

Ms. Chua Kheng Yeng Jennie Singapurreko enbaxadoreak Euskadi bisitatu du herrialde hartako Kanpo Arazoetako Ministerioaren ordezkariarekin, Ms. Michelle Tan, eta ‘Enterprise Singapore’-eko Europako Mendebaldeko eta Ameriketako zuzendaria den Ms. Adeline Tay, batera.

Basque Trade, SPRI Taldea Nazioartekotzeko Agentzia, ordezkaritzarekin bildu zen, bi herrialdeen arteko aldebiko harremanak eta elkarrekintza publiko-pribatuko bide posibleak aztertzeko. Bilera horren emaitza, Lankidetza Akordio baten zirriborroa izango da.

Zibersegurtasuna, transformazio digitala, trenbide-azpiegiturak, fintech, nekazaritza-elikadura eta elikagaien segurtasuna, dira euskal enpresentzat negoziorako eta inbertsiorako aukera handienak eta onenak izan daitezkeen arloetako batzuk. Hain zuzen ere, sektore hauek Basque Tradek Singapurren duen bulegoa oso gertutik jarraitzen ditu eta bertatik Asiako hego-ekialdeko ekonomietarako sarbidea errazteko euskarri integrala eskaintzen da.

Azpimarratzekoa da Eusko Jaurlaritzarentzat Singapur 2021-2024 aldirako Industria Garatzeko eta Nazioartekotzeko Planean aurreikusitako interes estrategiko bereziko helmuga dela. Izan ere, HUB herrialde bat da, eta, bertatik, gure enpresa-sareari beste ASEAN merkatu batzuetara sartzea errazten zaio, hala nola Thailandiara, Indonesiara, Malaysiara, Singapurrera edo Filipinetara, baita Vietnamera, Brunei, Darussalamera, Kanbodiara, Laosera eta Myanmarrera ere.

Euskadiko egonaldian, Basque Traderen eskutik, ordezkaritza instituzionalak hainbat bilera egin zituen euskal ekonomiaren pultsua hartzeko: horixe izan zen CONFEBASKen egindako topaketaren helburua. Hiru erakundeak hiru euskal enpresaburuen elkartetan biltzen dituen patronala da CONFEBASK: Gipuzkoako Enpresarien Elkartea (ADEGI), Bizkaiko Enpresarien Konfederazioa (CEBEK) eta Arabako Enpresarien Elkartea (SEA).

Zamudion Parke Teknologikoen Sarea ezagutu zuten, Euskadiko garapen sozioekonomikorako funtsezko azpiegitura. Bere espazio ugariek ekosistema teknologiko-enpresarial garrantzitsua osatzen dute, euskal eta nazioarteko talentuaren zati handi bat biltzen duena.

Eta beste bisita interesgarri bat Tecnaliaren egoitzara egin zen. Tecnalia erreferentziazko ikerketa eta garapen teknologikoko zentroa da Europan, eta teknologia gure herriarentzat aberastasun bihurtzea du helburu. Bere instalazioetan, enbaxadoreak eta bere langileek, Fabrikazio Adimendunaren, Eraldaketa Energetikoaren, Mugikortasun Jasangarriaren eta Hiri Ekosistemaren garapenen esparruak ezagutu ahal izan zituzten.