SPRI Taldeak eta Basque Health Cluster elkarteak zortzi euskal enpresa babesten dituzte MEDICA nazioarteko azokan

SPRI Taldeak eta sektoreko EAEko enpresak biltzen dituen Basque Health Cluster elkarteak aste honetan babesa ematen diete biozientziaren eta osasunari aplikatutako teknologiaren sektoreko zortzi euskal enpresari, MEDICA azokan. Mundu osoan medikuntzaren eta osasunaren industriak izaten dituen hitzordu garrantzitsuenetarikoa da azoka hori. EAEko ordezkariek batera hartu dute erakustoki bat, “Euskadi Basque Country” markaren pean.

Euskal ordezkaritza horretan parte hartzen dute, halaber, BIC Gipuzkoak eta BIC Bizkaiak –SPRI Taldea horren % 50aren jabe da–, Nazioartekotzeko Euskal Agentziak –talde horretako kidea– eta BIC Arabak –SPRI horren % 51ren jabe da–.

Euskal enpresa hauek daude azokan: Gogoa Mobility Robots, Fesia Technology, Tecnalia Fundazioa, Reiner Medical, AB breathing Institute, Ceit-IK4, Mera, E-Processmed, Evolv.

Dusseldorfeko Nazioarteko Medikuntza Azokak aurten 120.000 bisitari inguru jasoko ditu, horietatik % 80 nazioartekoak, eta 5.100 erakustoki bilduko ditu. Mundu osoko azoka nagusia da gailu medikoen azpisektorean.

Basque Health Cluster irabazi-asmorik gabeko elkarte bat da, biozientzien eta osasunaren arloko EAEko enpresak eta erakundeak ordezkatzen dituena eta babesa ematen diena. Euskadin sektoreari garatzen, hazten eta nazioarteratzen laguntzea du xede.

Lotutako albisteak

27 ekaina, 2024 Berrikuntza

Gaztaren Institutuak gazta eta esne gordinaren aldeko apustua egin du, berrikuntzarako ibilgailu gisa

Irakurri gehiago

21 ekaina, 2024 Berrikuntza

Okatt empresak konponbide fidagarriak eta neurrira egindakoak eskaintzen ditu jasotze-sektorearen konplexutasun berrien aurrean

Irakurri gehiago

19 ekaina, 2024 Berrikuntza

KEM ONE saritu dute Espainiako Industria Kimikoaren Enpresa Federazioaren azken Segurtasun Sarietan

Irakurri gehiago

18 ekaina, 2024 Berrikuntza

Innobasquek adimen artifizialeko eta AA sortzaileko kasu praktikoen deialdia egin du hurrengo Global Innovation Day jardunaldirako

Irakurri gehiago

12 ekaina, 2024 Berrikuntza

aerOS, AI Redgio 5.0, Women TechEU, WASABI eta CIRCULOOS proiektuek euren hurrengo Open Call ekimenak aurkeztu dituzte ur-jauziko finantzaketari buruzko hirugarren jardunaldian

Irakurri gehiago

Joan blog-era