SPRI Taldeak euskal ETE-en nazioartekotzea indartu du EENen urteko konferentzian
SPRI Taldeak, Enpresa Garapenerako Euskal Agentziak, euskal ETE-en nazioartekotzea indartu du Enterprise Europe Network-en (EEN) urteroko XVII. Konferentzian. Konferentzia hori Europako ETE-ei laguntzeko tresna nagusietako bat da, nazioarteko berrikuntza- eta lehiakortasun-ahaleginetan. Ekitaldia Madrilen egin da irailaren 30etik urriaren 2ra, eta EENeko Espainiako partzuergoetako bazkideak bildu ditu. Hala, informazioa partekatzeko, jardunbide egokiak lantzeko eta eragileen arteko lankidetza indartzeko gune bat eskaini du.
SPRI sare horretako euskal nodoaren (EEN Basque) koordinatzailea da, eta foroan izan da gainerako kideekin batera: Innobasque, Basque Trade & Investment, BEAZ, Berrikuntzaren Euskal Agentzia, Cámarabilbao, Gipuzkoako Bazkundea eta Arabako Ganbera. Konferentzian zehar, sareko beste bazkide batzuekin eta Europako ordezkariekin batera, batez ere ETE-ei emandako zerbitzuen balantzea egin da, eta arreta berezia jarri zaio enpresen beharrak betetzeko orduan haien lehiakortasuna lortzeko sareak duen balioari.
Ekitaldian, Espainiako EEN sarearen emaitzak aurkeztu dira, eta 2025-2028 aldirako lehentasun estrategikoak zehaztu dira, funtsezkoak baitira ETE-en lehiakortasuna bermatzeko Europan.
SPRIren ordezkari gisa, Trantsizio Estrategikoen Saileko Susana Larrea joan da, eta gai estrategikoei buruzko lan-mahaietan parte hartu du, digitalizazioari eta iraunkortasunari buruzkoetan, besteak beste. Bilera horietan, enpresa-garapenerako euskal agentziaren praktikak eta ezagutzak azaldu ahal izan ditu, euskal enpresei eskaintzen dizkien zerbitzuei dagokienez.
Hala, Larreak Net-Zero Basque Industrial SuperCluster ekimena aipatu du. Haren helburua da Euskadin zero emisio garbietarako bidea bizkortzea, industria-sektoreetan energia-horniduraren deskarbonizazioa eta energia-eraginkortasuna sustatuz, eta teknologia berrien eta zerbitzu berritzaileen eskalatzean oinarritutako merkatu-aukerak sortuz.
SPRIk egindako beste ekimen bat ere aipatu du: deskarbonizaziorako ibilbide-orriak diseinatzea Euskadiko 17 klusterrei lotutako sektore bakoitzerako. Ibilbide-orri horiek klusterretako bazkide diren enpresen CO2 isuriak murrizteko teknologiarik eta neurririk onenak identifikatzen dituzte. Dagoeneko hasi da ekimenaren hurrengo lan fasea, datozen urteetan deskarbonizaziorako bidean enpresei zerbitzu eta laguntza berriak eskaintzen jarraitu ahal izateko.
Gainera, adimen artifiziala, balio-katea, energia-eraginkortasuna eta antzeko gaiak ere jorratu dira. Hala, nabarmendu da EENek duen konpromisoa enpresa txiki eta ertainei erronka teknologiko eta jasangarri horiei aurre egiten laguntzeko. Konferentzian erreferentziazko erakundeek ere parte hartu dute, hala nola Europako Batzordeak, CDTIk eta Berrikuntza Digitaleko Europako Zentroek (EDIH).
Lotutako albisteak
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.