Tapiak “Europa indartsua” aldarrikatu du, Trumpek iragarri dituen zerga berrien aurrean

Arantxa Tapia, Londresen.

Ekonomiaren Garapeneko sailburuak, Londresetik, honako hau aldarrikatu du: “Europa sendoa; bertan, zerga-politikak AEBen eta Txinaren mehatxuei erantzuten jakin behar du, eta berrikuntza eta teknologia izan behar ditu erantzuteko armarik onena”

Arantxa Tapia sailburuak, Londresen Euskadiko profesionalekin euskal enpresentzako nazioarteko aholkularitzako eta laguntzako mekanismoak birpasatzeko izan duen bileran, Donald Trump Ameriketako Estatu Batuetako presidenteak Europar Batasunerako iragarri dituen zerga berrien ondorioz irekitzen den egoera berria ere balioetsi du. Brexita ez da nazioarteko merkataritza itxuraldatuko duen gertakari bakarra.

Tapia irmoa izan da horren harira: “Donald Trump AEBen eta Europaren arteko merkataritza-harremanak are gehiago tenkatzeko prest dago eta, horretarako, gure jardueraren zati batentzat oso kezkagarriak izan daitezkeen neurriak balia ditzake, baldin eta neurri horiek aurrera jarraitzen badute. Gaur bertan, gure industria-ekoizpenean esanguratsuak diren produktuentzako zergak igoko direlako albistea ezagutu dugu. % 25 arteko zergak aeronautikaaren, mahastizaintzaren eta ardogintzaren, altzairuaren… sektoreetako produktuei”.

“Paradojikoa da gaur, hemen, Londresen, Erresuma Batua Europar Batasunetik irteteak ekarriko duena eztabaidatzen den leku honetan, Europa indartsua izateko eta bertan merkataritza- eta industria-politika irmoak hartzeko dagoen beharraz ohartarazi behar izatea”.

“Eusko Jaurlaritzak Brexitaren ondoko merkatu britainiarrean posizionatzeko lan egiten du, eta lanean jarraituko du, batik bat, industria-ahalmen gisa finkatuko den Europa eraikitzen eta garatzen laguntzeko.

Europa sendoa, non zerga-politikak jakingo baitu AEBen eta Txinaren mehatxuei erantzuten, non berrikuntza eta teknologia “erantzuteko arma” onenak izango baitira, non gizarte- eta ekonomia-ingurune lehiakorra, jasangarria eta zuzena sortzeko gai izango baikara”.

Lotutako albisteak

4 uztaila, 2024 Nazioartekotzea

60 herrialde baino gehiagoko laborategiek IDM Testen teknologia erabiltzen dute

Irakurri gehiago

3 uztaila, 2024 Basque Trade & Investment

BasqueTrade-k automobilgintzaren nazioarteko merkatuko azken berrikuntzak aurkeztu ditu

Irakurri gehiago

3 uztaila, 2024 Basque Trade & Investment

Automozioaren euskal sektorea negozio-aukera berriak aztertzen ari da Txinan

Irakurri gehiago

1 uztaila, 2024 Basque Trade & Investment

Europar Batasunak Errusiari ezarritako zigorrak indartu ditu, energia, finantza eta garraioan debeku berriak ezarriz

Irakurri gehiago

1 uztaila, 2024 Nazioartekotzea

Zentenek iturgintzarako esku-tresnen merkatuko erreferente bihurtzearen aldeko apustua egin du

Irakurri gehiago

Joan blog-era