Txinan kokatutako berrogeita bost euskal enpresek Asiako merkatuaren joerak eta erronkak aztertu dituzte
Txinan kokatutako 45 euskal enpresatako 60 profesional izan ziren Basque Trade & Investment-ek (BasqueTrade), SPRI Taldean integratutako euskal enpresak nazioartekotzeko agentziakShanghain antolatutako jardunaldian. Ekimenaren helburua Txinako merkatua aztertu eta haien arteko loturak sendotzea izan zen..
Txinako merkatuan 146 euskal enpresak dihardute, 228 ezarpenekin, ekoizpen planten eta merkataritza bulegoen artean, eta Jiangsu probintzian, Shanghain eta Pekinen dute presentzia bereziki. Ibilbide luzea eginda, euskal enpresek sektore estrategikoetan ezartzea lortu dute, hala nola fabrikazio aurreratuan, automatizazioan eta energian, eta, horrela, munduko merkatu lehiakorrenetako batean duten posizioa sendotu dute.
Testuinguru horretan, jardunaldiak aukera eman zien “Asiako erraldoian” kokatutako enprese beren esperientziak partekatzeko eta merkatuaren dinamikak elkarrekin aztertzeko. Yuete Ye Txinako BasqueTrade-ko bulegoko zuzendariak aurkeztutako ekitaldian mahai-inguru bat egin zen, eta Gestamp, Smarmec, Batz eta Orkli enpresetako Txinako arduradunak izan ziren hizlariak.
Bertan, hainbat alderdi estrategiko eztabaidatu ziren, hala nola egungo joerak, araudi-aldaketak eta etengabeko bilakaeran dagoen ingurune ekonomikora egokitzeko beharrezkoak diren estrategiak. Azken 15-20 urteetan Txinako merkatuak izan duen bilakaera eta eraldaketa, Asiako erraldoiaren garapen teknologikoaren estrategia, hornikuntza-kateen berrantolaketa Txina +1 estrategiaren testuinguruan eta Txinako gobernuak deskarbonizaziora zuzendutako neurriak izan ziren eztabaidaren ardatz nagusiak. Espazio horrek aukera eman zien konpainiei erronka komunak eta arriskuak identifikatzeko, eta Txinako merkatuak euskal enpresei eskaintzen dizkien aukerak elkarrekin bateratzeko..
Ekitaldian networkingari eskainitako gune bat ere izan zen, Txinan presentzia duten euskal enpresen arteko harremanak indartzeko helburuarekin, eta parte-hartzaileek oso ondo baloratu zuten alderdi hori.
Bulegoa duen merkatuetan BasqueTrade-k sustatutako topaketa hauen bidez, nazioarteko merkatuetan ezarrita dauden euskal enpresen arteko lotura indartu nahi da. Gainera, ekimen horiek, esperientziak eta ezagutzak trukatzea errazteaz gain, elkarlanerako eta hazkunderako aukera berriak identifikatzen laguntzen dute.
Lotutako albisteak
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.