Txostena: Automozioko osagaiak Chinan
Gaur egun Txina da munduko lehen merkatua -Estatu Batuen, Japoniaren eta Alemaniaren aurretik-, bai ibilgailuen ekoizpenean eta baita ere salmentan, % 27ko eta % 28ko merkatu-kuotarekin hurrenez hurren. Gainera, gobernuak azken urteetan emandako bultzadari esker, Txina mundu mailako lider bihurtu da elektrifikazioaren eta belaunaldi berriko ibilgailuen aro berrian, ekoizpenaren heren bat bereganatuko duelarik 2024an.
Txosten honek xeheki aztertzen ditu datu ugari, eta horregatik ezinbesteko tresna izango da merkatura hurbiltzeko eta merkatuan posizionatzeko estrategiak lantzeko. Txostenaren analisiak ikuspegi desberdinak barne hartzen ditu, zeintzuek balio handiko informazioa ematen baitute Txinako hub-ei eta ibilgailuen fabrikazio-lantegiei buruz.
Ekialdeko hub-ak, Txinako automobilgintza sektorean tradizio handiena duenak, % 25eko merkatu-kuota erdietsiko du 2024an, Shangai eta Jiangsu probintziek bultzatuta. Ipar-ekialdean Alemaniako Premium OEMak daude, esaterako BMW edo VW, eta iparraldeko hub-ean, berriz, fabrikatzaile desberdin asko biltzen dira. Japoniarrak hegoaldean kokatu dira, zehazki, Guangdong probintzian, eta elektronikaren aldeko apustu sendoena egin duen hub-etako bat da. Erdigunean eta mendebaldean bertako OEMak eta ibilgailu tradizionalak nagusitu dira, eta gainerakoen atzetik doaz elektrifikazioaren arloan.
Txostenak baita ere aztertzen ditu Txinako merkatuaren ezaugarri batzuk, zeinetara sartzea zaila izan baita historikoki nazioarteko enpresentzat, batik bat Europakoentzat eta Estatu Batuetakoentzat. Eta, bestalde, hizpide hartzen ditu herrialdeko negozio-aukera desberdinak, neurri batean lasaitu egin direlako merkaturako sarbidea oztopatzen duten betekizun batzuk (enpresen atzerriko jabetza, inportaziorako muga-zergak murriztea, etab.) eta erraztasunak eman zaizkielako atzerriko konpainiei bertan kokatzeko. Halere, badira oraindik hainbat eskakizun (inposatuak edo gomendagarriak) nahitaez bete behar direnak Txinako merkatuan sartzeko.
Hemen ere eska dezakezu txosten osoa.
Zerikusia duten beste txosten batzuk:
Lotutako albisteak
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...
BT&I-ren Nazioarteko Behatokia: Hazkunde ekonomiko apalak eta tentsio globalek 2025eko lehen seihilekoa baldintzatuko dute
BasqueTrade-ren Nazioarteko Behatokiaren edizio berriak 2024ko laugarren hiruhilekoko egoera politiko-ekonomiko globala aztertzen du eta, aldi berean, hazkundearen eta joeren aurreikuspenak eskaintzen ditu.
Brasilgo industria siderurgikoari buruzko txostena: funtsezko merkatua euskal enpresentzat
Basque Trade & Investment-ek, sektore estrategiko horren egungo egoera aztertzen du bere azken txostenean, merkatu horretan sartu nahi duten euskal enpresei informazio erabilgarria emateko edo bertan duten presentzia indartzeko.
Behatoki Aeroespazialaren hirugarren edizioak pandemiaren osteko abiazioaren errekuperazio progresiboaren kontsolidazioa islatzen du
Euskal enpresek eskura dute jada Behatoki Aeroespazialaren hirugarren edizioa, Basque Trade & Investment-ek (BasqueTrade) SPRI Taldean sartuta dagoen euskal enpresen nazioartekotze enpresarialerako agentziak egina. Txosten estrategiko honek abiazio zibilaren merkatu globalaren bilakaera aztertzen du, sektoreko enpresen lehiakortasuna bultzatzeko funtsezko datuak eskainiz.
Nazioarteko merkataritzak maximo historiko berriak lortu ditu 2024an, testuinguru global tentsionatu batean
Nazioarteko Merkataritzaren Behatoki berriaren bitartez, BasqueTrade-k ziurgabetasun politikoak markatutako merkatu globalaren egungo egoera aztertzen du, nazioartekotutako euskal enpresei informazio estrategikoa eskaintzeko.