Txinako aeroespazio-industria: hazkundea eta erronkak merkatu estrategiko batean
Txinako aeroespazio-sektorea garapen betean dago, gobernuaren bultzada handiarekin atzerriko fabrikatzaileen menpekotasuna murrizteko eta bere industria aeronautikoa sendotzeko.
Hori erakusten du Basque Trade & Investment (BasqueTrade) erakundearen txostenak, Txinako aeroespazio-merkatuari eta haren etorkizuneko ikuspegiei buruzko azterketa aurkeztuz.
Txinako aeroespazio-sektorearen eskaria eta hazkundea
Aireko industriarako aurreikuspenak baikorrak dira, hiru urtez jarraian galerak izan ondoren. Hurrengo 15 urteetan, 74.500 hegazkin berri beharko dira mundu mailan erabilera zibilerako, eta 2029an ekoizpenaren gailurra lortuko da, ia 5.300 unitate ekoiztuz. Eskari horren zati handi bat Txinatik etorriko da, eta herrialde honek AEB gaindituko du hegazkingintzako merkatu nagusi gisa.
Ekoizpenari dagokionez, Txina ez dago ekoizpen lider nagusien artean, baina estatuko inbertsio handien bidez atzerriko enpresen menpekotasuna murrizten saiatzen ari da, aireko bidaiarien hegazkinak fabrikatzeko gaitasuna handituz eta bere industria-katea garatuz.
Txinako aeroespazio-fabrikatzaile nagusiak
Txinako fabrikatzaile nagusia COMAC da, eta bi hegazkin komertzialeko programa ditu ekoizpenean (ARJ21 eta C919) eta beste bat garapenean, UAC errusiarrarekin batera (C929). C919 modeloa, A320neo eta 737 MAX familiaren lehiakidea, ziurtagiria lortu du, herrialdearen autosufizientziarako urrats garrantzitsua emanez. AVIC-ek ere bi programa ditu (AG-600 eta MA700) eta helikoptero-programa ugari.
Airbus-ek A330-rako Amaierako Zentru eta Entrega Gunea (C&DC) du eta Tianjin-en azken muntaketa-lerroa (FAL) A320 eta A321 hegazkinak ekoizteko. Boeing-ek, berriz, 737 modelorako azken akabera eta entrega zentroa du Zhoushanen.
Txinak Nadcap ziurtagiridun 213 hornitzaile ditu, gehienak estatu-enpresak (48%), baina enpresa pribatuak indar eragile bihurtzen ari dira (25%), atzerriko enpresen atzetik. Sei hub identifikatu dira, mendebaldeko eskualdea, Yangtze ibaiaren delta, ipar-ekialdeko eskualdea, Bohai badia, eskualde erdialdea eta Perla ibaiaren delta biltzen dituztenak.
Txinako aeroespazio-industria: berrikuntza eta tokiko ekoizpena
Txinako aireko merkatuaren ahalmen izugarriaren eta industria aeronautikoaren garapen-plan anbiziotsuaren ondorioz, fabrikazio lokalizatua aukera bat da nazioarteko enpresentzat:
- Aireko hegazkin handien industrializazioa: Bai fabrikatzaile nazionalek (COMAC, AECC, AVIC) bai nazioartekoek (Airbus eta Boeing) fabrikazio/muntaketa lokala behar dute. Zehazki, COMAC-ek hazkunde-aukerak aurkezten ditu, baina aurretiazko industria-inbertsio handia eskatzen du.
- Hazkunde handia espero duten sektore berriak: Aireko industria orokorra, helikopteroak, eVTOL/UAM hegazkinak eta MRO merkatua garapen handia izango dutela espero da.
Hala ere, Txinan sartzea eta bertan jardutea ez da prozesu erraza, kanpoko enpresa orok aurki ditzakeen hainbat zailtasun direla eta (kultura-diferentzia, Jabetza Intelektualaren babesaren kudeaketa…). Enpresek denbora eta baliabideak inbertitu behar dituzte harreman lokalak “Guanxi” ezartzeko, eta esperientzia zuzena behar da. Horregatik, herrialde honek epe luzeko inbertsioa eta apustua eskatzen du, arrisku handiko mailarekin, baina garatzeko merkatu giltzarria da, eta oraindik urte asko ditu aurretik hazteko.
Euskadiko sektore aeroespazialaren nazioartekotzea Txinan
Basque Trade & Investment (BTI) euskal sektore aeroespazialaren nazioartekotzea bultzatzen ari da Txinan, azkar hazten ari den merkatua, aukera handiak dituena fabrikazio aeronautikoan eta teknologia berrietan.
EAEko enpresek aurrera egin dute Txinako merkatuan irtenbideak, ekipoak eta osagaiak hornitzeko aukeran, sektoreko funtsezko eragileekin aliantzak aztertuz. Gainera, Alderantzizko Misioa COMACekin bezalako ekimenek aukera ematen diete euskal enpresei txinatar fabrikatzaileekin konektatzeko eta proiektu estrategikoetan sartzeko.
Euskal enpresek Txinan duten presentziak hedatzen jarraitzen du. MYLk, adibidez, fresaketa-buruak garatzen ditu Txinako aeronautika-sektorerako, eta manufaktura aurreratuan eta teknologian lankidetzan aritzeko ahalmena erakusten du.
Aukera horiek indartzeko, BTIk laguntza eskaintzen die herrialdean ezarrita dauden enpresei. Azken topaketek Asiako merkatuaren erronka eta aukerei heltzeko aukera eman dute, merkatu-adimena eta kontaktu estrategikoak eskuratzea erraztuz.
Txina funtsezko merkatua da euskal industriarentzat, eta BTIk Asiako ekosistema aeroespazialarekin harreman komertzialak estutzeko lan egiten du. Hala, ekimen eta aukera horien guztien berri izan nahi duten enpresek gure albiste-buletinera harpidetu daitezke. Buletin horretan, ekitaldiei, merkatu-azterketei eta aeronautika-sektoreko joerei buruzko azken berriak jaso daitezke.
Hemen ere eska dezakezu txosten osoa.
Lotutako beste txosten batzuk:
- BT&I Behatoki Aeroespaziala: Munduko sektore aeroespazialari buruzko txostena
- Txostena: Industria Aeroespaziala AEBetan
- Txostena: Industria Aeroespaziala Frantzian
- Txostena: Industria Aeroespaziala Kanadan
- Txostena: Industria Aeroespaziala Polonian
- Txostena: Industria Aeroespaziala Erresuma Batuan
- Txostena: Industria Aeroespaziala Brasilen
Lotutako albisteak
AEBko industria aeroespaziala: hazkundea eta erronkak
AEBko merkatu aeronautikoak oso erakargarria izaten jarraitzen du, eta etengabe handitzen ari da, bidaiarien eta merkantziaren trafikoaren gorakada dela eta. Aukera handiak daude teknologia berritzaileak eskaintzen dituzten euskal enpreseentzat; bereziki, erregaiaren eraginkortasunean eta isurpenen murrizketan zentratuta dauden horientzat.
Lehengaien Nazioarteko Behatokia 2025ean petrolioaren prezioa progresiboki murriztuko dela aurreratu du Lehengaien Behatokiak
Basque Trade & Investmentek Estatu Batuen muga-zergek eta Txinako ekonomiaren dezelerazioak merkatu global honetan izango duten eragina aztertu du azken Behatokian.
Indiako automozioa: Indiak hub estrategikotzat duen posizioa indartu du automobilgintzako industria globalean
Basque Trade & Investmenten azken txostenak Asiako herrialde horretan jarduteko interesa duten euskal enpresek aurki ditzaketen aukerak eta erronkak aztertu ditu.
Argentinako Vaca Muerta hobian, 35.500 milioi dolarreko inbertsioak aurreikusi dira datozen urteetarako gas naturalaren arloan
Basque Trade & Investmentek merkatu horrek eskaintzen dituen aukerak aztertu ditu bere azken ohar teknikoan, izan ere, mundu osoko mailan shale oil eta shale gas delakoen erreserbarik handienetakoa da.
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...