Txileko ordezkaritza bat SPRI Taldearekin bildu da Euskadiko politika publikoak ezagutzeko

Biobío eskualdeko (biztanle gehien dituen Txileko hirugarren eskualdea) ordezkariek Euskadiko potentzialtasun teknologikoak egiaztatu nahi dituzte

Txileko Biobío eskualdeko ordezkaritza bat SPRI Taldeko (Enpresen Garapenerako Euskal Agentzia) zuzendaritza-karguekin bildu da asteazken honetan, lehen eskutik ezagutzeko Euskadiko politika publikoak eta hainbat eragileren gaitasunak, arlo teknologikokoenak barne. Txileko ordezkariak kluster, teknologi zentro eta administrazio publikoekin ere elkartuko dira.

Ordezkaritza hori astelehenetik dago Euskadin, Lehendakaritzak gonbidaturik, eta aste honetan bilerak egin dituzte lehen sektoreko Hazi eta Neiker erakunde publikoekin. Biobío eskualdearen jarduera ekonomikoa basogintza eta arrantzan zentratzen da batik bat, baina garrantzitsuak dira halaber nekazaritza, manufaktura industria eta zerbitzuak.

ç

Asteazken honetako jardunaldian, Txileko ordezkaritzak (Biobío eskualdeko Parlamentuko presidente Isabel Weisse eta Corfo-ko -SPRI Taldearen antzeko erakundea- zuzendari Macarena Vera buru dituela) topaketa bat izan du Aitor Cobanera SPRIko Teknologi eta Berrikuntzako zuzendariarekin eta Nazioartekotzeko Euskal Agentziako bi arduradunekin; eta Bizkaiko Zientzia eta Teknologia Parkeko instalazioak bisitatu dituzte.

Datozen egunetan batzarrak egingo dituzte Tecnalia, Tknika, Orkestra, Euskal Herriko Unibertsitate eta Zornotzako Automotive Intelligence Center (AIC) zentroko arduradunekin.

Biobío erreferentziazko eskualdea da berrikuntza arloan ez bakarrik Txilen, baita ere Latinoamerikan. 1.557.414 herritar ditu, biztanle gehien dituen hirugarren eskualdea delarik, Santiago eta Valparaíso eskualde metropolitarren atzetik.

Lotutako albisteak

4 uztaila, 2024 I+G

Delicass, elikadura-berrikuntzagatik saritutako landare-pateak

Irakurri gehiago

28 ekaina, 2024 I+G

‘INDARPAK Precision’, zure mekanizazio kidea

Irakurri gehiago

28 ekaina, 2024 I+G

Repapel proiektuak paper-industriaren zirkulartasuna areagotzen duten konponbideak eskaintzen ditu

Irakurri gehiago

26 ekaina, 2024 I+G

H-ACERO proiektuaren helburua sektore siderurgikoa deskarbonizatzea da, hidrogenoaren bidez, ordezko iturri gisa

Irakurri gehiago

24 ekaina, 2024 I+G

Geolarrea, ia 30 urte geologian eta geoteknian jarduten

Irakurri gehiago

Joan blog-era